السلام عليكم الحقيقه اسعدتني ردودكم وحمدت ربي الف مره اني ما فاتحته بالموضوع الين الحين
اعجبني كلامك يا ام خالد حيل وشكلي بانفذ الفكره اني تعبت ولا عاد احس بفايده من الوظيفه واني افكر اقدم اجازة بدون راتب وباشوف وش ردتة الفعل من ناحيته بس تدرون وش انا خايفه منه اخاف بعد كم شهر يقول لي انا مزنوق بمبلغ وابيك تساعديني ويروح كل تعبي على الفاضي
وبالنسبه لك يااخت بنت نجد والله انك صادقه وش باقول كل شهر له وفعلا انا راح اكون في موقف ضعف واصير كذابه وهذا حقي جزاكم الله كل خير انكم نبهتوني كنت راح اخطي بالتصرف
alasla -تصدين انه زميلاتي بلعمل وهم اصغر مني بلعمر بس واعيات حيل بمواضيع الرجال ونذالتهم مع حريمهم وكلهم رافضات انهن يعطن الزوج لو ريال واحد بس انا تورطت وقضيت وانا عموما ما احب اتكلم بها الامور معهم ولا كان من زمان اخذت منهم درس قوي
اسومه انا شاكره لك نصيحتك الغاليه وبسوي اللي تقولون لي عنه
شمس الحب خليك معاي بالموضوع وانطروني بكره الصبح ابي افاتحه بموضوع الاجازه واخليه على نار لين الظهر وبعدين ابي احاول الظهر اني اشوف رايه واذ قدرت بنفس الوقت باقول له عن رغبتي باخذ راتبي كتوفير وحفظه بالبنك
المتغليه ابي اخلي كلامك واللي هو صحيح ميه بلميه اخر حل الجىء له بعد سالفة الاجازه وشكرا لكم انطروني بكره والله يستر

عزيزتي

ممكن نعرف هل زوجك يصرف كل مرتبك ومرتبه

يعني ممكن جدا يكون محتاج للراتب

عن تجربتي الشخصية

ان مثلك بطاقتي مع زوجي وهو يسحب راتبي وراتبه ويصرف على البيت

ولا يبخل بشيء بالعكس مشكلتي انه مبذر ولكن كلو يهون

وارى لهفته على البيت وعلى الاطفال

ماذا اريد اكثر ؟؟؟

من الصعب ان تعيشي بدون دخل

برايي اطلبي مصروف شهري خاص بك حتى تشعري بان لك دخل

وبالنسبة للانانية نحن من نزرع الانانية في رجالنا ونحن من نحصدها

وفقك الله

واحة الامل اذ زوجها محتاج مو مشكله واذا اهي وزوجها متفاهمين مو مشكله لكن برضو من حقها الراتب لو مهمن صار يعني لاباس اذا شرت شيء للبيت واذا ما شرت ايضا من حقها لان الزوج الي من حقه يصرف على البيت
هي تقول ان زوجها راتبه جيد وانه ياخذ الراتب كله وهي لم تسيطر عليه وصار يحاسبها على كل شيء انت ترضين بكذا انا ما ارضاه لااخت عزيزه وغاليه اشوفها محتاجه للنصيحه ومتورطه مع زوجها الي اذا هي ماعتبرته اناني
انا اعتبره اناني لانه وصلت فيه الدرجه انه يحاسبها حتى على ابسط الاشياء ولو فرضنا انها غير محتاجه للراتب



































بس ياجماعه هو من حقها
ما شالله على حريم والله انهم رهيبااااااااااااات بالمره اعجبوني بشده
انهم بعد ان تستلم الوحده منهم الراتب تروح تعطيه لاامها وامها تخبيه عندها والحين ما شالله الام مبسوطه من بنتها وتدعي لها ليل ونهار لان البنت بينت لاامها انها جدا فطينه وش سوت اقولكم































طبعا هي واختها اتفقو انهم يخلون فلوسهم كلها عن امهم ولا ياخذون الا القليل والحين ماشالله عندهم عماره مكونه
من اربع شقق واجروها على الناس وامهم عندها بيت لكن الحين تعالي شوفي الذهب والملابس ووحده منهم
شرت لزوجها وابنها سياره والثانيه شرت لولدها سياره
وماشالله
يكذا التفكير يابلاش
واحة الامل على فكره الرجال ماله امان وطبعه اناني حتى لو مابين بس من كثر الي يدور حولنا صرنا ماعاد نضمن
الازواج وهذي الدنيا فتنه في كل شيء واذا عند الوحده وظيفه لازم تمسكها بيدينها واسنانها ولازم حتى الراتب يكون لها كله تاخذ منه الشيء البسيط لكن ماتعطيه كل راتبها واذا الحين بدا يحاسبها على كل شيء اجل بكره وش بيسوي لها









لازم تاخذين لك موقف ونحن في انتظار ما ستئولو اليه الامور
الله يوفقك ويسعدك :26:

السلام عليكم في البدايه ابي اشكر الاخت شمس الحب على اهتمامها وردها علي
والاخت واحة الامل مافهمت يعني ايش حنا اللي نزرع الانانيه في رجالنا الانانيه هذي والله طبع فيهم واذ انا كنت غلطانه طول هالسنين وابي اصحح غلطتي فيها شي وبالنسبه لزوجي هو في الحقيقه مو محتاج راتبي ابدا
وانتي يمكن ياواحة الامل ما احتجتي له يوم وشفتي بعد كل هالسنين وش راح يسوي معك بعدين بعد كم سنه بتحسين انك ما سويتي شي مفيد لنفسك ووظيفتك مالها داعي واحنا وش نفرق عن اللي ملكن بيوت واراضي من الوظيفه
واللي متابعين موضوعي انا تري كلمته بخصوص الاجازة بدون راتب وتغير وجهه وانعفس وابي اعطيه شوي وقت واقول له عن الراتب واني باحاول احفضه لي بالبنك وانتظروني