وعليكم السلام ورحمة الله وبركاته
حبيبتي لاتستسلمين لوساوس ابليس وكثررررري
الاستغفار والدعاء الله بيده كل شيء سبحانه وبعدين اذا جيتي
تنامين ومر عليك شريط يومك او حياتك وتذكرتي احد ظلمك
او قهرك قولي اللهم اني عفوت عنه لوجهك الكريم لاتقولين صعبه
صدقيني مايصعبها عليك الا الشيطان هو اللي يحرش ويملي القلب حقد وافكار
سوداء اعوذ بالله منه الحين انتي اسألي نفسك وش استفيد اذا حقدت على ابوي
واخوي بالمقابل فكري بالراحة اللي بتريحين فيها نفسك لو عفيتي مع الاجر لو
احتسبتي وبعدين امك حرام وش ذنبها العقوق انتي لو لك بنت كيف تبينها تعاملك
وتذكري ان عقوق الوالدين عقوبته في الدنيا قبل الاخرة الله يرضى عليك ويهديك
ويشرح صدرك وتذكري ان سلامة الصدر من اسباب دخول الجنه بإذن الله
لاتعاملين الناس باخلاق الناس عامليهم بما يرضي الله لله وحده
وبنصحك نصيحه رائعه الله يوفقك طبقيها سمعتها للشيخ عبدالمحسن الاحمد في
محاضره يقول لاترفع راسك من السجود وفي خاطرك شيء ماقلته لرب العالمين
اسأل الله ان يشرح صدرك وييسر امرك ويريك الحق حقا ويرزقك اتباعه ويريك
الباطل باطلا ويرزقك اجتنابه
شيلي التفكير السلبي من راسك واحسني الظن بالله فالله عند ظن العبد يه
تفائلي تفائلي تفائلي

مشكوره ماسية على ردك ومرورك الطيب واشكر الكل على توجيهاته لي
بحاول انسى واتناسى وافكر بإيجابيه وبعلق على ماسية لما تقول كيف
تبغين بنتي تعاملني انا فكرت كثير بهذا الموضوع بنتي ماراح احرمها بالحنان
ولا اتمسخر عليها قدام الناس وابني ثقتها بنفسها وأوفر لها كل اللي انحرمت منه
ولا ابين لها انها منبوذه ماتسوى شي بعطيها كل شي بحدود واوعي فيها الإنسانه
الحنونه الصالحه ابد ماأبدا معها اسلوب الضرب والسب والهواش والقمع
ويارب يعطيني على قد نيتي مره ثانية اشكر كل وحده مرت من هنا وفرجت همي بكلامها

يااختي لاتصلحين الغلط بغلط
الانتقام مايفيد بشي غير يزيد النفوور
ويزيدك نار بعد وحقد
بالعكس حسني علاقتك مع الكل
وانتي دللي نفسك وسوي اللي تبين بحدود الواقع والمسموح ب مجتمعك
بس اتركي التناحر وبترتاحين نفسيا
لاتحاسبين على مااضي خلاص راح
عدلي نفسك وتثقفي وخشي دورات تزيدك اطلاع وثقه بنفسك وعيشي يوومك
وانفضي غبار الماضي
ربي يوفقك

الله يعينك ويفرج همك ويخرجك من حلق الضيق الى اوسع الطريق ياحي ياقيوم

جزاكم الله الخير كله ويارب يسعدكم ويوفقكم ويرزقكم من حيث لاتحتسبون .. اللهم امين

هذاني احاول اتعلم وابني نفسي من جديد واحاول انسى الماضي ويارب يكون في عوني
لاتنسوني من دعواتكم ربي يرزقني الزوج الحنون طلبتكم لاتردوني