اختي الغاليه هدي نفسك....
اعرف امراه فاضله نحيفه جداً جداً ....لكن مشاء الله تزوجت و انجبت اطفال و عايشه حياتها.....
اكيد انتي فيكي أشياء ثانيه جميله......ليش ما تنظرين لها.....
لا تفكرين في الطلاق بسبب النحافه......الحين الناس ادور الرشاقه......
اتمنى الله يفرج همك و يوفقك

الله يعينك ويفرج همك ويزيد وزنك وانت بصحه وعافيه
حبيبتي اول شئ لازم تهدي اعصابك ولا تخلي تفكيرك يدور حول المشكله لأن هذا اللي يخلي السكر يزيد والمشكله تزيد
ومن المهم انك تروحين لأخصائية تغذيه ممتازه وتتابعين عندها وتلتزمين بنصائحها
حاولي تشغلين نفسك بهوايات تحبينها وافرحي بطفلك وبالحياه ولا تقولين اتطلق وانتحر
هذا الكلام مايجوز يالغاليه شاركي زوجك بمشكلتك وانا متأكده انك بتلقين كل الدعم والمحبه
واذكري الله كثير وادعيه في اوقات الأستجابه
والله يساعدك ويحقق مناك
حبيت اسأل كم وزنك وطولك ؟؟؟؟؟؟؟؟؟

حبيبتي الغالية أسال الله أن يحل لك مشكلتك وينولك اللي في بالك ، وأريد أن أسالك سؤال هل السكر ما زال معك ؟ أم كان مع الحمل فقط لأن السكر سبب رئيسي للضعف وهزال الجسم وإذا تمت السيطرة على السكر فإنه بإذن الله سوف يزيد وزنك وأقولك خبر :) حقن الأنسولين تسبب السمنة أمي تاخدها ووزنها زاد بشدة ولما سألت الطبيب قالها عادي هذي الحقن تزيد الوزن يعني مش مستحيل وزنك يزيد وإنتي معك السكر فقط الافضل أن لا يزيد . وأنصحك بالرياضة وأكل البروتين بكثثثثثثثثثثرة لتكون الزيادة في العضلان لأنه صدقيني الشحوم نققققققققققققققققققققرف وإنتي عندك فرصة يزيد وزنك مع تناسق الجسم وذلك بممارسة الرياضة . بتشوفي وزني بالتوقيع:( وأعاني من آلام في الركبتين وزيادة في الكوليسترول ومع ذلك فقر دم حاد وصعوبة في التنفس عند النوم بالليل (الله يعين) أحمدي ربك أنتي في نعمة كبييييييرة وأدعو الله لك بالتوفيق .

السلام عليكم

اختي انا نحيفة مثلك وكلمة مهمه اوجهها لك الثقة بالنفس والرضى بما لديك

لاتفكري انه النحافة امر سئ او مصيبة فكري انها شي حلووو ممكن تزيدي هذي الحلاوة بزيادة الوزن لكن نحافتك ليست امر يخليكي تطلبي الطلاق عشانه خاصة طالما زوجك ساكت زيادة وزنك يبدا من عقلك وتفكيرك ونظرتك لنفسك المهم انك تثقي بنفسك وانك ولو نحيفة امرأة جميلة وسعيدة


الشي الثاني انا مثلك عانيت من النحافة من صغري لكن في الفترة الاخيرة استعملت العنبرية وهي تجي بصورة حبوب وفي ظرف شهر اتغيرت لساتي امس بجرب فستان عشان احضر زواج صديقتي لقيت الفستان ضاق لدرجة كبيرة

رابط الموضوع تلقيه في توقيعي شوفي واسئلي عنها امكن تفيدك وغير انه في كريم يساعد على تكبير الادراف جربته انا ولقيت فيه فايدة ودحين رحت واخذت علبة ثانية

وبالنسبة للاكلك جربي تبدلي عناصر الاكل يعني بدل ماتاكل دجاج كلي لحم بقر لانه دسمه اكثر

الحليب خذيه كامل الدسم - الزيوت بدليها بزبدة او سمنه

البيض وان اكلتيه مسلوق خذي معه مايونيز او ادهنية بالزبدة

البطاطس البطاطس هذا البطاطس يسمن بصورة عجيبة طول الوقت كلي بطاطس سواء مقلي او مشوي وبعطيكي وصفة للبطاطس المشوي بالفرن روعة مرة ولذيذة

البطاطس المشوي بالفرن

حبتين بطاطس كبيرة - او حبة على حسب ماتبغي -
جبنه القشقوان الكاملة الدسم - هي خاصة بالفرن لانها تذوب -
زبدة
بهار - فلفل اسود - ملح - قليل من الكمون - كركم اخضر - خولنجان اخضر - زنجبيل اخضر - ( تلقيها في محل بيع الاكلات الاندونيسية وخذي منها كمية بسيطة جدا جدا )
شبت - ثوم - بصل ( كمية بسيطة )
ليممون

الطريقة
خذي الكركم والخولنجان والزنجبيل والبصل والثوم واهرسيها مع بعض وبعدها اضيفي الليمون والشبت المفروم وبقية البهارات للخلطة
قطعي البطاطس لشرائح على حسب رغبتك على شرط تكون متوسطة السماكة واضيفي لها خلطة التتبيل

احضري مقلاة وسيحي الزبدة عليها وبعدها اضيفي البطاطس المبهر عليها وقلبي شوي على نار متوسطة لمدة دقيقة وحدة - يعني يدوب يستوي نص استوا -
ارفعي البطاطس وحطيها على صينية فرن وادخليها الفرن
عند نضج البطاطس اضيفي عليها جبنة القشقوان واتركيها تسيح ومن ثم اخرجي الصينية من الفرن

وبالعافية



وعليكي بالشوكلاته وخاصة المحتوية على التوفي هذي تزيد من الوزن وتكبر المناطق اللي نبغاها تكبر
خلي كيس المارس دايما بيدك

وربي يوفقك اختي

بسم الله الرحمن الرحيم
السلام عليكم ورحمة الله وبركاته
حبيبتي لا تزعلين وربي وربي اني مثلك ياربي رباااه بس الفرق ان زوجك ساكت انا زوجي من كثر مايقول ان جسمي مو حلو حطمني لا ويقول بيتزوج علي تخيلي كل يوم يقولي مستحيل يمر يوم مايقول بتزوج وحده جسمها حلو مو جلد على عظام وتخيلي عاد انا عندي ولد ومع هذا ماسمنت والحين حامل وبالشهر السادس ووزني 56 تخيلي هذا وزن وحده حامل يعني لو مو حامل وزني بالاربعينات مع ان طولي 165 يعني ماتشوفين الا عظام ومع هذا نفسيتي زفت المفروض الحامل ترتاح نفسيا بس من كثر ماافكر اسمن علشان زوجي مايتزوج علي ويعجبه جسمي تحطمت والله صرت مااطلع كثير من البيت وصرت عصبيه حيييل حييل المهم ان زوجي يقولي معاك مهله يعني من هنا لما اولد وانفس وبعدها بكم شهر اذا مازاد وزني يقولي بيدورله وحده ثانيه والله اني اتعذب لاني من اول ماتزوجت وانا نحيفه وهو يقولي اوكلي ويجيبلي كل شي الثلاجه مليانه بس لان محد ياكل معي ومافي شهي والله اخر الشهر كله الزباله استغفرالله ياربي بس وشسوي مافي شهي المهم اني انا الحين بديت احاول اتناسى كلامه وانتبه لنفسي لي كم يوم احاول اكل خاصه بعد ماشفت موضوع كورن فلييكس حق العصاقل لاني تحمست مع البنات الموجودات بالموضوع وشوفني احاول ازيد كميتي اكلي ابي ازيد وزني ياناس المهم حاولي تسوين مثلي تنسين الموضوع وتفكرين بس انك تاكلين علشان يزيد وزنك وروحي لاخصائيه لان عندك سكر بس شوفي انا ابوي عنده سكر ودايما ياخذ على الريق عسل ملعقه مع حلبه وحبه سودا مشالله متحسن بس ابوي االسكر معاه من طفولته يعني مايروح وهو يستخدم انسولين بس والله ابوي وعماني يعني العايله معصقله ماطلعنا مثل خوالي بس والله مع العسل والحلبه والحبه السود ملعقه على الريق زاد وزنه شوي واحنا مستغربين لان من سابع المستحيلات يزيد وزن ابوي المهم انا طولت وصار كلامي كثير اسفه جدا بس كنت ابي اريحك لانك مو الوحيده في غيرك كثير المهم شاركي معنا وحمسينا وحمسي نفسك وانشاء الله ياربي يزيد وزني ووزنك وكل من تبي تسمن ونصير مربربات واهم شي ياربي اجسامنا تعجب ازواجنا ياربي رباااه ذكرت همي وانا كنت ناسيته


اسفه طولت

اختك :: قلم رصااص