انقذوني يابنات

ريماس الدلع :

تبين الصراحة اكلي الكل يمدح فيه ويقولون يابخت زوجك بس للاسف زوجي مايمدح كلهم جذي لاتشيلين هم الرز لشخصين كوب رز تغسلينه عدل وتنقعينة بماي بارد لمدة ساعة تحطين بالقدر زيت وشوي بصل وثوم مدقوق فصين وورقة غار وشوي هيل مطحون وكسرة دارسين بعد مايحمس حطي الرز واضيفي عليه ماي ساخن بس يغطي الرز لاتكثرين وارفعي النار علي الاخير الي ان ينشف الماي بس مو كثير يكون فية ماي قليل وتحركينة وتحطينة علي نار هادية جدا وتكونين مجهزة بستكانة شوي مصفر عيش وبزار وزعفران ان وجد مع شوي ماي حار وتحطين علي الرز وتتركينة يتسبك ربع ساعة وبالنسبة للحشو اعتمدي البهار هذا وماراح تندمين ( بالتساوي هيل وقرنفل ودارسين ) يطحنون عدل وتحطينهم بعلبة ويكون خاص للحشو والطريقة تحطين بالمقلاة بصل شرايح مع شوي ماي علي النار ولما ينشف حطي زيت وحمرية وتكونين منقعة الزبيب اللي هو الكشمش وسالقة حمص مجروش ومجهزة جزر مبشور وبقدونس بعد ماتحمسين البصل اضيفي الزبيب وحطي من البهار اللي خاص بالحشو وحمسية عدل بعدين حطي الحمص وشوي كركم او مصفر العيش انتي كيفك وحركية عدل علي نار هادية وبعدها اضيفي الجزر وطفي النار وعند التقديم اضيفي البقدونس علي الحشو والدجاج احلي تتبيلة ( هذا حق نص دجاجة 2 ملعقة روب و2 ملعقة معجون طماط وليمون وثوم مدقوق وزيت وكاري او بهار مشكل) طبعا الخلطة تحطينها بعد ماتملحين الدجاجة عدل وبيطلعلك احلي دجاج محمر جربي طريقتي وماراح تندمين وان شاء الله راح تعجب زوجك اذا طبقتيها عطيني رايك

تبين الصراحة اكلي الكل يمدح فيه ويقولون يابخت زوجك بس للاسف زوجي مايمدح كلهم جذي لاتشيلين هم ...