اسأل الله أن يهديه وأن يصلحه ...
استمري بالدعاء له في كل وقت ...

ولاأستطيع أن افتي لك في بقائك معه ..ولكن حاولي واجتهدي والله معك بأذن الله

اختى وحده من قريباتى حكتنى مثل حكايتك ان زوجها مايصلى ومشاء الله لاقوه الا بالله بدا يهتم فيها ..شلوووون فى البدايه كل شئ سوته اللين القوه البكاء واخذت 6 سنوات تترجاه انها تروح عمره وكان رافض المهم....تقول صرت قبل الصلاه بشوى اشغل القران بصووت رائع وخاشع وياكثر الاشرطه وسبحان الله مايحب يسمع اشرطه لكن على اساس انها هى تبى تسمع بس طبعا فى البدايه بيمر مرور الكرام وبعد كذا يبتدى يحن تقول اذا قالى سوى شاهى رحت وفتحت شريط وجلست اسمعه وهو ينتظرنى ولابد انه يسمع لو شئ بسيط فى البدايه يقولى سكريه وبعدين رخى الصوت وبعدين جيب المسجل علشان نسمع وهكذا بالتدريج واهم شئ ان البيت مايكون فيه اغانى ولا دش لانها تشغل وخصوصل وقت الصلاوات تحلى البرامج والله يهديه ويهدى جميع المسلمين ..اللهم اامين

يا بعد عمري يا سوسة ( الله يسخر لك ويسعدك ويهدي زوجك يارب ياكريم )
1/ لازم حبيبتي تشوفي لك واحد من علمائنا تشرحي له حالة زوجك ( اما بالهاتف أو المراسلة بالنت )،، يوضح لك هل يجوز البقاء مع زوجك أم لا ؟؟
لأن الحكم يختلف فيه جاحد الصلاة ....وفيه تارك الصلاة ....وفيه المتكاسل .....الخ
المهم فصلي للشيخ كيف حالة زوجك حتى يوضح لك الحكم ...
( لأن المسألة خطيرة )

2/ عليك حبيبتي بالدعاء وأنا أحيي فيك روحك العذبة التي ما سأمت من المناصحة
قومي الثلث الأخير ( وادعي وألحي وأسألي الله أن يهدي زوجك ) وداومي على ذلك ادعي في اليوم مائة مرة ....في كل سجدة ....بين كل أذان واقامة ...وأنت قائمة و وقاعدة في كل أحوالك
( ادعي وأنت موقنة بالاجابة ) ولن ترد دعوتك الا لأمر أكثر خيرا ...
وياسوسة لا تنسي يا غاليتي أن الله تعالى يحب العبد اللحوح ..

3/ لما تكونو في السيارة ( قولي طالبتك ) أبي أسمع هالشريط ( وكأنك أنت اللي بتسمعينه ) لأن بعضهم ما يحب النصيحة المباشرة ( واذا رفض ) أقنيعه وترجيه
وشغلي شريط دموع المآذن للشيخ العريفي أو الصلاة تشتكي للشيخ للراشد أو قرة العيون للشيخ العوضي

4/ اذا ما نفع ( ممكن تكلمين أحد من أقرباك ) ( تثقين فيه تماما وباستقامته ورجاحة عقله )
ولعله يناصح زوجك بالتي هي أحسن بدون ما يحسسه أنك معلمته ....يعزمه على محاضرات الشيخ القرني في مسجد الأميرة الجوهرة بحي التعاون ....أو أي محاضرة ( علها أن ترقق القلب )

5/ اذا جاء وقت الصلاة جبي سجادتك وصلي قدام زوجك ..

للحديث بقية ..............

الله يعينك اختي

بس انا اعرف وحده كذا

ولا شي من اللي قالوا البنات نفع مع زوجها تدرين وش اللي نفع

كانت دايم تكلمه عن الموت عن الحساب عن ((اشخاص تخترعهم من عندها على انهم اخوان صديقاتها ايام الدراسه)))

تكلمه عن حسن الخاتمه مع ذكر قصه مثلا لاخو صديقتها((من خيالها طبعا))عشان مايحس

انها جالسه تنصحه ((بما ان زوجها كان يحس ان النصيحه اقلال من شأنه او قلة احترام))

لانه كان يرفض شي اسمع نصيحه

كانت اذا جلست مثلا تسولف واياه تسأله كانها ماهي عارفه الاجابه تقوله اموت وادري وش عقاب مثلا شارب الخمر وتحاول تناقشه هو يقولها انه مايذوق خمر الاخره

وهي تقول لا ربي غفور رحيم هو عصب لانها مستهينه بالحكم تعرفون الرجال

يبي زوجته عارفه ربها لان بطيعتهم افكارهم تودي بعييييييد

ويجلس يقنعها

لييين ماوصلوا قصه الصلاة وصارت تذكر له اشخاص كانوا طيبين واخلاق بس يتهاونون بالصلاة

وش كان عقابهم..وانها اول عمل يسأل عنه العبد

وتعرفون القصه المشهوره قصة البنت اللي بعمر الزهور طيبه ومطيعه لامها وباره بأبوها

توفت وهي ماكملت العشرين ويوم دفنوها

اخوها كان متعلق فيها مررره ومنصدم من وفاتها يعني قبل اسبوع كان هو ووياها يخططون
يفاجئون اهلهم بطلعه بر
واليوم تحت التراب اليوم هو بالدنيا وهي بأول منازل الاخره
امس كان عندهم اختبار شهري بالدنيا

وهي الحين تختبر عند ربهااا

الولد عاش حالة نفسيه سيئه بمعنى الكلمه

وصار يشوفها بالحلم تبكي وتصرخ ويقوم مفزوووووع

تكرر الحلم الين جا يوم وحلم فيها جالسه تدعي على اشخاص

الله لايوفقهم الله لايجزاهم خير الله يوريهم اللي شفته

سألها فلانه وش فيييييييييييييييييييييييييك
قالت كله من اهلي الله لايوفقهم

قالها وش فييييييييييييييييييييك

قالت ماكانوا ينصحوني بالصلاة مانهوني عن تركها
تدري الحين ويييييييييييين انا

قالها وين؟؟

قالت بحفره من حفر جهنم
.......................................

وياكثر القصص اللي تشيب الراس عن الصلاة

وكانت قريبتي تذكر له قصه وتقطعها وتحاول تنشغل عنه ويجي هو يقولها كمليها

وبعد القصه تحاول تدخل بمواضيع ثانيه مثلا عن اهله وعن اهلها((وهو بهذي اللحظه يحاسب روحه)) كانت تعرفه من ملامح وجهه انه يفكر

وخلال فتره ((ماهي قصيره)) صار هو يقومها لصلاة الفجر


فأختي حاولي وحاولي بما انه طيب الحمدلله بيني له انك خايفه عليه

وربي يوفقك ومعليش طولت الرد بس احاول اساعدك ولو بس بمجرد احساس اني حاسه فيكي

والسموحه منك

بنت الريح
آمين

لاوسي
آمين
والله يستر

فورين
والله انا لي فترة اشغل القرآن في البيت مو عشان كذا بس حسيت ان ولدي يستهدي وتخف شطانته اذا شغلت القرآن بس زين قلتي لي عشان اشغله زود عموما هو ما يقول لي طفي اذا كنا بنسولف ولا بنشغل تلفزيوم عشان ما نهين القرآن
بس مشكلتنا التلفزيون والاغاني

نرجس
آمين
لكن مااتخيل نفسي ادق على شيخ واحكي ما ادري ما اقدر بعدين وين بالقى شيخ يقعد يتسمع لكلامي والله لو الشيوخ يتسمعون لكلام الحريم كان انهبلوا كلهم .
بعدين ااف يقول لي الشيخ ما يجوز تقعدين معه خليني ما اعرف احسن من اني اعرف واعصي.
الدعا انشا الله ربي يقدرني
اما الشريط مستحيل احنا حتى اغاني ما نشغل ما نح في السيارة ولا شي ازعاج
اكلم احد من القرايب كان يذبحني اطلع اسراره برا البيت لان الناس وش دراهم عنه يحسبونه يصلي.

قصيميه
عاد ما يفهمها زوجها احس انه على طول بيلقطها زوجي بيسكت لي بيخليني اكمل بس بيضحك علي.





ترا مشكلة زوجي انه فهم الدين زين يعني لا تقولين لي علميه فهميه ولا خليه يدخل محاضرات فاهم كل شي زين وكان في اول حياته مطوع ويحضر محاضرات و يخطب جمع بس سبحان مقلب القلوب.