أحبه موت كيف أنساه :

هذا التعليق محذوف

ام ليـــ an ـــان :

واضح جداً انه مايبيك آسفه حبيبتي على هالكلام حبيبتي لاتذلين نفسك اكثر من كذا تراه مايستاهل وخلي لنفسك كرامه واتقي الله وتوبي اليه لاتخلين الشيطان يتغلب عليك ويسيطر عليك ويوقعك في شي ماخسرتيه وانتي زوجته وتخسرينه بالحرام:42: كله عشان يرجعلك حرام اللي تسوينه في نفسك انسيه وقوي صلتك بربك واستغفري وتوبي ولا تتركي القران مع الايام رح تلقين نفسك نسيتيه .

واضح جداً انه مايبيك آسفه حبيبتي على هالكلام حبيبتي لاتذلين نفسك اكثر من كذا تراه مايستاهل...

نور القرآن :

إختي الحمد لله إنج ما عطيتيه كل شيئ .. ربي يسعدج ويفرح قلبج عاجلاً غير آجل عيوني أدري فيج تعبانه ومنهاره نفسياً.. حاسه بانج في كل لحظه تموتين وإن الدنيا سودا .. مب مصدقه كيف حبيبج زوجج يسوي كذا معاج .. كيف يظلمج .. تقولين هو طيب وحنون ويحبني ويموت فيني بس العذال فرقوا بينا .. وأبيه يرجع ويمكن أقدر أرجعه .. أشياء كثيره تدور في بالج وقلبج بالحيل يعورج صدقيني اللي يحبج ما يتخلى عنج بسهوله.. يمكن يحبج.. لكن للأسف هو ما يحبج كفايه.. واللي ما يحبج كفايه ما يلزمج.. إنتي قوليلي .. هل اللي يحب يترك حبيبته زوجته بسهوله؟؟ هل يتعذر بعذر واهي عشان يخليها؟ هل يغير أعذاره ويطلع لها كل مره بسبب؟ هل يعاملها بطريقه سيئه ويرد عليها بدون نفس؟ هل اللي يحب بقلب يهون عليه ما يكون مع اللي يحبها؟ وهل يجيه قلبإنه يلغيها من حياته بكل سهوله؟ إنتي رجعتي له ومع ذلك قالج لا تفكرين نرجع نتزوج؟ جيتي ع نفسج وقلتي له معاناتج وألمج.. صحيح تعاطف معاج شوي لكن جاب لج عذر خوالج مو لأنه صحيح .. لا ولكن لأنه يبي بأي طريقه يقولج أنا وإنتي ما عاد نجتمع.. قال لج قبل إنه ما عاد يحس برهبة الزواج وشافج رجعتي له .. قال خلني أطفشها بطاري خوالها عيوني العيب مب فيج وأنا ما ألومج .. إنتي تحبينه وإنتي مجروحه .. ما تتصورين كيف ممكن إن الانسان اللي حبيتيه ووثقتي فيه يكون هو اللي يجرحك ويقتل فرحتج ويخون ثقتج إنتي وراه لأنج مب متخيله إن هذا الحب الكبير يضيع .. تقولين أكيد هو ما تغير ويحبني موت؟! أقولج شيئ اللي يحبج مستحيل يتعمد يجرحج كذا .. مستحيل يتخلى عنج وإنتي زوجته ومستحيل يتخيل حياته بدونج هل هو يحبج؟؟؟ إنتي لازم تجاوبين؟؟ هل معاملته لج أحين تقول إنه يحبج؟؟ اللي يحب ما يذل حبيبه!كيف يرضى عليج تذلين نفسج له؟! والأهم هل هو فعلاً يستاهل حبج؟؟ هل هو الرجل اللي تبين تقضين باقي عمرج معاه ويكون أبو لعيالج؟؟ هل الحب وحده كافي لاستمرار الحياه؟ عيوني الحب يموت إذا ما لقى بيئة مناسبه ينمو فيها .. واللي تخلى عنج اليوم بكل سهوله ممكن بكره يتخلى عنج بسهوله أكبر وإذا ظليتي تكلمينه وترجيتيه يرجع لج ورجع لج وتزوجتم.. تضمنين إنج تكونين سعيده؟! تضمنين إنج ترتاحين معاه؟ تضمنين إنه ما يعايرج ويذلج إنج إنتي اللي ركضتي وراه وإنه ما رجعج إلاّ لأنج كسرت خاطره؟؟؟ صدقيني هو ما يستاهلج .. هو ظلمج واستغلج أبشع استغلال وبعد ما اكتفى ومل تركج.. سرق مشاعرج وأحاسيسج وأجرم بحقج.. عيوني الرجل مواقف .. الرجل أفعال .. واختبارات الحياه تبين منو الرجل الحقيقي والشخص اللي تحبينه رسب في الاختبار وبكل جداره لا تقولين مستحيل أنساه.. اليوم إنتي مجروحه وجرحج يديد .. الأيام بتنسيج .. اللي هو سواه فيج وظلمه بينسج حبه .. يبي لج وقت وصدقيني راح تنسين حبه وبيصير لا جاه على بالج ما راح تذكرين غير نذالته وغدره وبتحمدين الله إنه طلع من حياتج سبحان الله يمكن من رحمة الله انكم افترقتم.. يمكن فيه عيوب انتي ما شفتيها من كثر حبج له . عيوب شديده يستحيل بوجودها حياتج معاه .. يمكن فراقكم رحمة لج من الله.. كم ناس تزوجوا اللي يحبونهم وبعد الزواج كرهوهم لأنهم اكتشفوا انهم انخدعوا في اللي يحبونهم وانهم كانوا غايه في السوء وإن الحب فعلاً أعمى المكتوب لازم يصير وإذا الله كاتبه لج تأكدي راح يرجع لو ما سألتي فيه أبد .. وإذا مب مكتوب لج نصيب معاه مستحيل يرجع لج لو تركضين وراه العمر كله وتطلبين وصله .. لو تطلبين الناس كلهم يرجعونه لج ما بيصير غير المكتوب لج بس أسألج سؤال وفكري فيه عدل.. هل إني فعلاً تبين ترتبطين بانسان مثله؟؟ إنسان أمنتيه ع نفسج وحياتج وخلاج تحبينه وأخذ منج كثير وبعد كل هذا خلاج بدون ندم؟! تركيه وادعي الله يعوضج وحمدي ربج ان حقيقته بانت قبل فوات الأوان.. تذكري عيوبه وكل ما تذكرتي موقف حلو لكم تذكري كيف خلاج .. تذكري نذالته معاج .. تذكري كيف ما هنتي عليه وكيف إلى اليوم وهو يذلج وراح تنسينه ما راح تنسينه بين يوم وليله.. لازم يكون عندج عزيمه وإصرار وصبر وأهم شيئ لا تكلمينه ولا تحاولين تتصلين فيه .. قولي هذي صفحه من حياتي بطويها وحبه باقتله والله بيتولاني برحمته وتأكدي لو له نصيب معاج بيرجع لج ويركض وراج عسب توافقين عليه .. بس الين ذاك الوقت انسيه وعيشي حياتج ولا تضيعينها وهو بيجيه يوم وبيندم لأن: البر لا يبلى والإثم لا ينسى والديان لا يموت .. اعمل ما شئت كما تدين تدان .. ربج سبحانه وتعالى ما راح يضيع حقج وأكيد بينصرج وبيرزقج بللي يحبج ويعزج أخاف تفكرين فيه وتتعبين وتضيع سنين عمرج ورا وهم وسراب وتندمين في وقت ما ينفع فيه الندم .. ومن خوفي عليج أقول انسيه وعيشي حياتج ولو مكتوب لج بيرجع لج وهو يموت فيج .. بس في كل الأحوال لا تذلين نفسج له .. انتي جوهره غاليه ثمينه أغلى من انج تنزلين من قدرج عشانه أو عشان غيره .. اتركيه اتركيه اتركيه والله قادر ينسيج ويعوضج يا رب يا ذا الجلال والإكرام أنت العالم بحال أختنا في الله "أحبه موت كيف أنساه" ففرج عنها كربها برحمتك وارزقها الخير حيث كان وعوضها عاجلاً غير آجل وقنعها به وارضها وارض عنها

إختي الحمد لله إنج ما عطيتيه كل شيئ .. ربي يسعدج ويفرح قلبج عاجلاً غير آجل عيوني أدري فيج...