انقذو جارتي منى وعلموني الجريش طلبتكم

هلا ياقلبي شوفي انقعي الجرش بدري بالليل يعني ع الساعع 9 واذا صليتي الظهر حطيه وصبي عليه فوق الكميه بشوي ما مغلي وحبة ماجي وصدر دجاجة وشوية كمون مطحون وملح وبصله مفرومه ناعم مره وخليه يطبخ وكل شوي حركيه لين يستوي واذا احتاج ما زيديه شوي بس مو كثير عشان ما يخرب عليك وطلعي الصدر اذا حاطة دجاج يعني مو ضروري طلعي الدجاج وفكي العظام منه ورجعيه واذا قرب يخلص حطي عليه كاس لبن وحركي وبعدين خلاص

الكشنة افرمي بصل ناعم وحمسيه ع النار لين يستوي ورشي عليه ليمون اسود مطحون وشوية هيل وخلاص يطلع روعه وفلفل حسب الرغبة


اما التسخين ليش ما عندك ماكرويف خذي الكميه اللي تبين وصخني واذا جاك شيلي الكشنة بصحن على جنب عشان ما تخرب الباقي


وبالعافيه ياقلبي

هو لازم مدة طبخه لا تقل عن 3 ساعات والا مايطلع مزبوووووط

انا اتبع طريقة امل الجهني في كتاب نخبة الاطباق جدا لذيذة انا والعيله معارك بالملعقه عليه خخخخخ

وعلى الوجه كل واحد وذوقه في ناس تحط بصل محروق او ليمون اسود واو سمن بلدي او او او

واذا ما عندك الكتاب حطيت لك الطريقة من عنوني

والتسخين في المكرويف

كيف جريشها أبيض ..

إلى على الوجه مسمنه ... تعطي طعم روعه

أنا بعمل الجريش ساعتي تقريب .. وتهني بالطعم .. أمي وزوجت أخوي يعشقونها ..

طريقتي ..

كوب من الجريش وكوب من الرز المصري أغسلهم .. وانقعهم بماء حار لمده ساعه قبل الطبخ

ثم ضغي بالقدرماء.. واتركيه حتى يغلي وضعي فيه ثوم بودره وملح وفلفل أبيض ورشة كمون

تتركينه حتى يغلي ثم تضيفين الجريش والرز بعض تصفيتهم من الماء

وتقصرين على النار .. وتتركينها لمدة ساعهثم زيديها حليب .. وابي بالتقليب لمدة نصف ساعه .. واتركيها نصف ساعه آخرى وإذا احتاجت زيديها حليب ..

ثم قدميها ..

أنا بعمل معاها كشنة طماطم

حتي اناابى اعرف طريقتة يسلموو

مااعرف طبخه بس بغيت اقولك عن التسخين شيلي الطبقة اللي فوق وسخني الجريش زيدي له شوي موية نص فنجال وحركيه ووالطبقة اللي فووق سخينها بالمايكرويف وبالعافية