انقذي حياة مسلم دامك تقدرين !!؟

السلام عليكم ورحمة الله وبركاته

دمك قد يبعث الأمل، ويكتب عمر جديد بإذن الله لمن في حاجته

دمك قد يرسم بسمة على محيا طفل اصيب بالثلاسيميا او بالأنيميا المنجلية

دمك قد ينقذ حياة، دمك هو صدقة جارية تكتب لك حتى بعد مماتك

اخواتي ..

قبل فتره بسيطه ترقدت اختي في المستشفى لمدة شهر والسبب اشتباه ان فيها ورم والحمد لله طلع

مافيها شي و طلعت بالسلامه

انا رافقت معها لمدة يومين

وشفت شي تعبني كثيروماكنت اعرف انه منتشر وهو ان اغلب الي بالمستشفى

مصابين بالثلاسيميا او بالأنيميا المنجلية

ويحتاجون دم كل اسبوعين واحيانا كل اسبوع


عشان كذا انا حبيت انبهكم لموضوع يمكن ماتعرفون عنه كثير

وهو اتبرع بالدم وان في المستشفيات مرضى يحتاجون دم كل ثلاث ثواني

مرضى سرطان الدم ,والاطفال الخدج, حالات النزف قبل الولاده وبعدها ,وفي العملياات الجراحيه

الكبيره

وانا بنفسي شفت واحد يدور احد يتبرع لأمه وهي في حاله حرجه ومافيه ببنك الدم نفس فصيلتها

ويدور بالمستشفى وحالته مره تبكي

والمستشفيات تكون في احوج حالاتها وقت الاعياد والمناسبات لئن نسبة الحوادث ترتفع إلين600

حادث..
وراح اكتب لكم بعض المعلومات عشان تكونون عارفين قبل لاتروحون وتتبرعون

-طبعا بنك ادم راح يقبل منكم اي فصيله يعني مافيه فصيله معينه مطلوبه

وراح يسوون لكم فحص اذا كان عندكم اي شي يمنع اتبرع مثل((فقر الدم ,السكر,انخفاض او ارتفاع

الضغط ,نقص الحديد, ))


-ماتكونين حامل

-لازم يكون وزنك خمسين كيلو واكثر

-طبعا الي فيها الدوره ماتتبرع ولازم تكون مر عليها 10 ايام عشان تقدرين تتبرعين ((انا كانت منتهيه عندي قبل يومين وعيو ياخذون مني دم ))

-ماتكونين مواصله ومانمتي لأن الضغط راح يكون منخفض عندك ((اخوي راح يتبرع وهو مواصل وعيو يسحبون منه دم يقولون ضغطك انخفض))

-تكونين ماكله وجبه كامله على الاقل قبل ثلاث ساعات من التبرع

-هاذا اهم شي لازم تجيبين معاك رقم اسجل المدني اذا كنتي سعوديه واذا مقيمه جيبي معاك الاقامه ((مهمه))

وبس هاذا كل شي وفي ربع ساعه راح تنتهي العمليه<<موعمليه لاتخافون اقصد التبرع

وبهطريقه تكونين اولا ا رضيتي الرحمن وكسبتي اجر كبير وانقذتي حيات انسان

واحيانا اكثر من انسان ..

((بنات الخبر طبعا بنك الدم موجود في التعليمي ((مستشفى الملك فهد الجامعي ))بالعقربيه

وهاذي مواعيد التبرع ))








واكيد في كل منطقه موجود بنك دم وفي كل المستشفيات

اتمنى ينال الموضوع على استحسانكم واكون وفقت في توصيل مدى اهمية الموضوع

ومن بكره تجون تقولون لي انكم رحتو تتبرعون وعسى الله يبعد عننا وعنكم الشر



قرأت الموضوع في منتدى وحبيت انقله لكم لعل الله ينفع به اكبر شريحة من المجتمع
وأسأل الله ان يعيننا على بذل الخير للناس ومساعدة الضعفاء..
ارجو من كل من تقرأ هذا الموضوع بأن تدعي للمرضى بالشفاء وان تدعي لي بتفريج همي وكربتي.