انقرف من جارتي! شوروا علي

السلام عليكم ورحمة الله و بركاته
كيفكم حبيباتي
بدخل بالموضوع على طول
جارتي من جنسية اسيويه انتقلت جديد للعمارة اللي انا ساكنة فيها من اول ما تزوجت و سكنت فوقي
علاقتي معها سطحية جدا مجرد سلام وبس. لكن هي تحاول تكون صداقة معي بما اننا الاثنين مغتربات و مسلمات. دقت بابي و قالت تبي نكون صديقات و انا ربي الشاهد رحبت بها و قلت لها تفضلي عندي. جت عندي من الظهرية و بس جالسة ماتتحرك, لا تتكلم عربي ولا انجليزي, يعني نتكلم لغة اشارة ههههه المشكلة انها من دخلت بيتي و لاحظت ريحتها جدا سيئة استغفرالله, مو ريحة طبخ بس ريحة غريبة مو حلوة ابد كانها ريحة وساخة على كتمة,, والله مو قصدي اتشمت بها بس المجلس صار كله من ريحتها.. جلست عندي لين موعد رجوع زوجي من شغله بعشر دقايق وانا بعد ما تروشت ولا نومت البنت.. اضطريت اقولها تروح بيتها لان زوجي يزعل لو لقاها.. قالت بتجي عندي تقعد كل يووووم من الظهر لين يرجع زوجها البيت المغرب! الحرمة تبي مكان تقعد فيه تضيع وقت وانا مو فاضية وراي اشغال و اطفال وبلاوي
المهم قلت لها لا تجين الا لما اقولك تعالي.. ثاني يوم وديت لها صحنها وانفجعت من منظر بيتها.. جدا وسخ وسخ بمعنى الكلمة, الكركبة ممكن اتقبلها بس الوساخة لااا... الارض ما كنسته من شهور والريحة تدوخ.. عطيتها الصحن من الباب وهربت.. والله مو شماته بس لا معها اطفال ولا شي وهي اساسا تقولي انها كسولة وما تحب تنظف
من يومها اطنشها و اجيب لها اي عذر بس لو شفتها تحت اسلم عليها وبس.. المصيبة انها كل كم يوم ترسل لي صحن اكل, لا انا ولا زوجي ولا عيالي راضيين ناكل منه, ريحة بيتها لاصقة فيه لصق, واستغفرالله ارمي كل الاكل يلي تجيبه لي.. والحل؟؟ كيف اقولها تبطل ترسل لي اكل بس بدون ما اجرحها.. البنت شكلها حبوبة بس الوساخة تعبتني حتى بنتي الصغيرة ماتقرب منها.. تعبت ارمي الاكل بالزبالة والله اثم