السلام عليكم ورحمه الله وبركاته
صراحه يا بنات احس بعضكم اذا قرا مشكلتي بيكش علي ويقول الشرهه مهوب عليك الشرهه علي اللي فتح المشكله وضيع وقته وقراها بس والله هاللي الكلام اللي بقوله يقرقع بقلبي وفي خاااااطري اقوله من زمان بس محد عطاني وجه...اتمني ان قلوبكم وصدوركم رحبه وتحملون بربرتي وتعلموني هل انا مريضه نفسيه ولا فاقده حنان ولا وش وضعي بالضبط ...المهم السالفه وما فيها اني تزوجت وانا صغيره كان عمري 16 سنه يعني بزر مدري وش الطبخه والحين لي متزوجه 12 سنه وعندي 4 اطفال الله يصلحهم وزوجي ولد حلال يعني ما شفت منه شر ولا فيه زود يعني وليد حلال مثل ما قلت لكم ...طيب تقولون وين المشكله اقولكم المشكله اني الي يومكم اي زواج احضره اغبط العروس واقول ياحضها يلينتي محلها اكيد بتلقي عز ودلال وتدليع تخبرون اول الزواج الرجال يصير طفر بحرمته من جد عيني تدمع كل ما شفت عروس تنزف اتمني نتبادل الادوار مشاء الله الله يفوق هالعرايس تراي منيب حسود بس شعور يجي غصب عني مدري عشاني تزوجت بدري وكنت اكبر اخواتي فا ما سويت اللي يسونه البنات حتي مصوره ما جبت وجسمي لا خلطات ولا حمام مغربي ولا شئ يا دوب حلاوه وبس تقولون ليش لاني ببساطه ما ادري ان العرايس يسون كذا وشئ ثاني بفتره ملكتي لا رحت ولا جيت مع زوجي لان ابوي الله يطول بعمره كان رافض فا ما عشت دلع وهدايا وتماشي الملكه ....اه بس مدري وش اقول بس من جد الموضوع ذا مضيق خلقي واللي هيج مشاعري زواج بنت عمي توني امس حاضرته مشاء الله كل شغلها روعه الله يوفقها شكلها بتطير من الارض بس رجعت البيت كالعاده احس بضيق وقلبي ينبض بسرعه تمنيت القي زوجي مستقبليني بورده الا القاه يشخر في سابع نومه يوم قومته ابي افضفض هزئني وقال انتي وش ناقصك ونام...
المهم ذي مشكلتي الاولي باختصار ام مشكلتيالحاليه الحين ان زوجي ما يواطن السفر وانا امووووووووووووت فيه المهم من تزوجت ما سافرت الا مره وحده وبعيدن بحححححححححححححححححححح والحين صيف ووقت سفر ومشاء الله كل اللي حولي مسافرين واللي سافروا وغيرو جو وجددوا نفسياتهم وانا مكانك سر الله بس المستعان يعني يا عالم حتي الاله الحديد تحتاج تزيت وتتصان عشان تستمر في العمل وحنا هالبشر مغير محكورين في ذا الحر اعوذ بالله ...يعني كل ما سمعت طاري السفر والا ان احد رايح زلا جاي من جد اتضايق يعني ليش انا لا مالي رب ...الله يعين ادري بتقولون اني مريضه نفسيا وحقوده بس والله غصب عني تكفون هزئوني عقلوني ولا اقروا موضوعي وادعو لي الله لا يحرمني واياكم الاجر والعافيه ...
** um norah** @um_norah
عضوة فعالة
يلزم عليك تسجيل الدخول أولًا لكتابة تعليق.
أميرهـ بجمالي
•
نفس حالتي بالضبط الله يعينك كنك تتكلمين عني
احمدي ربك يابنت الحلال
و ترى اللي بيطالع للناس يتعب
ع القليله انتي متزوجه من ولد حلال وعندكم اطفال جعل ربي يخليهم لكم
لكن احنا اللي صكينا الــ 24 واكثر ولا تزوجنا وش نقول
تدرين اني اقول اذا تزوجت بأذن الله
ماابي لا قصر افراح ولا تصوير ولا زفه ولا خرابيط حتى الفستان الابيض وفخفخته ماابيه ، ابي ربي يوفقني و يرزقني بالزوج الصالح ويرزقنا بااطفال صالحين
لا وبعد اقول من الحين ان شاء الله اذا ربي رزقني ببنات بزوجهم وهم بعمر 14 :)
أم نوره ، شفتي انك بنعمه ، بس الشيطان شااااااطر :)
و ترى اللي بيطالع للناس يتعب
ع القليله انتي متزوجه من ولد حلال وعندكم اطفال جعل ربي يخليهم لكم
لكن احنا اللي صكينا الــ 24 واكثر ولا تزوجنا وش نقول
تدرين اني اقول اذا تزوجت بأذن الله
ماابي لا قصر افراح ولا تصوير ولا زفه ولا خرابيط حتى الفستان الابيض وفخفخته ماابيه ، ابي ربي يوفقني و يرزقني بالزوج الصالح ويرزقنا بااطفال صالحين
لا وبعد اقول من الحين ان شاء الله اذا ربي رزقني ببنات بزوجهم وهم بعمر 14 :)
أم نوره ، شفتي انك بنعمه ، بس الشيطان شااااااطر :)
الصفحة الأخيرة