انقشي على قلبك ( أحبك ربي ) أتعبتك الدنيا أدخلي

السلام عليكم
كيفكم عزيزاتي


أنا متحمسه أتكلم بموضوع يهم الجميع ( ويهمني حيل )
لاني أشوف كثير أتعبتهم الدنيا وماهم عارفين الحل ..

حبيباتي أسمعوني بأذن واعيه ... وافههموا كلامي زين
أحنا ليه مو واثقين بــ الله , صح ندعيه بس مع ذلك يتسلل اليأس لقلوبنا . ليه ما نثق فيه ليه نخاف

اللي أحزنك بيفرحك .. ربي ما يخليك تتتعذبين بألمك لانه يحبك ..

مهما كانت مشكلتك او أمنيتك مستحيله والله ما على ربك مستحيل

اللي ابيك تسوينه أنسي الدنيا أنسي كل شيء أنسي همومك
وبس أعبدي ربك فققققط لا غير ..
قومي الليل أدعيه وناجيه كلميه وقولي يارب الدنيا أتعبتني قولي يارب أنت تعلم اللي بقلبي أدعيه بشكل فضفضه .. وبكلامك المعتاد
تذكري أن هالدنيا قريب بتخلص .. وبعدها الجنه ... الجنه وبس ..
وأن ربي رزقك الحزن يبي يمحصك من ذنوبك
تذكري الجنه وقولي يارب اشتقت أشوفك أشتقت للجنة .. قولي اللي بقلبك

أنا كان عندي مشكله عويصه وكنت متفائله أنها تنحل ..
كنت اشترك بقروبات مثل مجموعات لبرنامج الشيخ المشيقح والاستغفار ومدري كيف

بس وقفت مع نفسي وقفه جاده
تركت البرامج وقلت لنفسي لابد أصلح علاقتي مع ربي
انا ماعندي بهالدنيا الا ربي وبس

وصرت استغفر بدون عدد وعودت نفسي داااايم استغفره واذكره وما افكر بالمششكله أبد ووكلت أمري لربي
ولما تجيني الصيحه واتضايق اكتم الصيحه وأقول بنفسي ( لا انا ما اصيح أنا ربي معي وهو وعدني يقظي حاجتي ليه اصيح ولي احزن !)
وبسس استغفر ( لان مالي حل أسويه )فطردت التفكير وصرت استغفر وارضي ربي وبس
لأني أدري أن الحزن من الشيطان وبيفرح .. وربي بيزعل علي اذا شافني حزينه لامر مثل هذا
أصلاً انا اذا حزنت كأني مو واثقه من ربي , إذا انا فعلا واثقه بالله انه بيسعدني فماراح ابكي ..
كنت دايم اكلم نفسي واقول : ربي اللي احزني ما يخليني والله بيسعدني , كنت ما ابكي الا لما اناجي ربي وعودت نفسي على هالشيء وأقول , ربي ما يعجزه شيء .. ادعيه بيقين وصدق وانا متأكده انه يسمعني ..
الكل كان يقولي مستحيل يصير اللي ببالك فلا تنصدمين بالواقع ومدري كيف .. بس كنت واقفه بثبات واقول انا واثقه بالله وبتتحقق امنيتي وبتنحل مشكلتي بس اصبروا وبتشوفون .
كنت واثقه لان نيتي حسنه ,, وثقتي بربي ما تخيب

نسيت همي وتركت الدنيا وصرت اصلي واصوم واذكر ربي وادعيه وبس ..
دموعي ما انزلها الا لله ...
كنت ادعي يارب ارضى عني وحببني اليك ..

واتفاجأ باليوم اللي سجدت فيه شكر لربي ومليت الارض من دموعي , استجاب لي ربي ..
كنت دايم اقول مقولة عمر رضي الله عنه (( انا لا احمل هم الاستجابه , إنما احمل هم الدعاء )) فمتى ما دعيتي بيقين فتأكدي أنه ربي يستجيب ..
الكل كان يقول خلاص ارضي بالواقع ( وأنا ازيد اصرار )


ترا مو شرط تسوين لك برنامج
عن نفسي جربتها 4 شهور او 3
حسيت اني صرت اسوي البرنامج واقول ليه ربي ما استجاب لي وبدا ابليس يشككني بايماني

البرامج هذي اسباب فعشان كذا تركتها وتوجهت لمسبب الاسباب
صرنا نعتقد ان هالبرنامج اذا سويناه بيتحقق اللي نبيه وهذا خطأ

احنا ماعندنا الا رب واحد هو اللي يقدر والباقي كلها اسباب ما تنفع ولا تضر اطلبي ربك يغفر لك ويرضى عليك ويحبك .. لانه اذا رضى أدهش بالعطاء ..
خلي عبادتك سريه مع ربك وبس

الله أكبر من كل هم ومن كل شيء
تذكري بعد العسر يسر مددددددددددددددهش
وكلما زاد الحزن كلما زاد الفرح ..
رددي ( بإذن الله يجي يوم وأشوف أصعب أحلامي حقيقه )


والله أحكيلكم وأنا أبي لكم الخير .. اتركي الدنيا وروحي لربك حافظي على صلاتك واذكريه وبسسس
خلي حياتك لله
انسي همومك وبتشوفين كيف تنفرج

كنت اقول لنفسي امري بينحل وبينفرج , بس انا ما ادري كيف ,, اهم شيء ان ربي بيدبر امري .. اذا انا اعجز ربي ما يعجز ..

فعلا يا بنات من توكل على الله كفااااااااه
خلاص كفايه برامج خلي حياتك وعبادتك سر بيبنك وبين ربك وبس
قولي لنفسك ..أنا اعرف ربي ما يحتاج أحد يعلمني منهو الله


وربي قال (( وبشر الصابرين )) اذا تبين ربي يكون معك فخليك صابره وصامده واقهري ابليس بثقتك بربي وعدم بكائك .. استغفري وانسي الدنيا كلها وهي بتجيب غصب .. بيسخر ربي لك الاسباب وبيدبر الامور ..

ربي عظيم ..