انقص ظهري بالاقمشة عااد شلون التفصيل ساعدوني

السلام عليكم ورحمة الله وبركاته
حياكم الله
ياحبايبي قبل ثلاث ايام رحت السوق اشتري اقمشه
وبصراحه ماتوقعت اسعار القمشة كذا
وياللـــــــــــــــــــــــــــــــــــــــــــــــــــــهول
تصدقون انا اذا مرينا عند محلات القماش انا ندعي لهم ان الله يرزقهم
نحسهم داااااااااجين
اثرنا حنا المساكين
اشتريت القمشه بمبلغ وقدره
والحين ماادري وين افصلها
زبدة القول ابي مشغل بالرياض تفهم علي وش ابي
ممكن الخياطه من عندها اضافات
وسعرها معقول وياليت يكون قريب من شرق الرياض
ومو مشكله لو فيه احد مضبوووووووط وبعيد
انا قد فصلت في المليونيره اللي الحين صار المليارديره في الروابي
بس الموديل في الشرق وخياطها في الغرب
وكنت افصل بمشغل قريب من العليا بس كان في ملحق بيت وغالي
بس خياطهم حلو لكن مالهم لوحه وضيعت وصف البيت والرقم
ومااعرف غير هالاثنين
والله يفرج عني وعنكم كرب الدنيا والآخرة
اللهم آمين