انقطعت عن الدراسة .... 6 سنوات ... فماذا افعل ؟!

بارك الله فيكم يا اخواتي .. في هذا المنتدى الكريم ... واعانكم الله على مساعدتي ... اختكم في الله تركت الدراسه بعد الزواج و كنت في اول سنه جامعه .. فافضلت البيت والزوج على الدراسه وكنت مبسوطه من الراحه .. ولم تشكل عندي الدراسه اى اهميه .. ولكن بعد 6 سنوات مليت هذه الراحه وصرت امقتها ... خاصه بعد مانتقلت للرياض بعيد عن اهلي وصديقات ... فمالقيت مايؤنس وحدتي ويمل فراغي حتى بعد ماصار عندي ولدين .. ما زلت احس بشئ ينقصني .. ودي ارجع كما كنت ... اجتماعيه اختلط بالناس واكون صداقات .. لى رغبه قويه بالدراسه حتى انها تراودني في احلامي كثيرا .. ولكن هذا مستحيل مادمت منعزلة في البيت وبين جدارنه .... واشهادتي انتهت صلاحيتها و تراكم عليها غبار الزمان .. فكرت وحاولت التخفيف عن نفسي وقلت في عقلي تكفني مسؤليه زوجي واولادي وبيتي اما الدراسه مقسومة لغيري .. ولكن قلبي يقول ودي ادرس ماني اقل من غيري ...خاصه لما اشوف صديقات متخرجات وبعضهن موظفه .. احيانا الوم اهلي انهم زوجوني ماصبروا لما اكمل دراستي .. واحيانا الوم زوجي انه ماشد على وحرصني عليها .واذا.تبون الحق انا الملامه على هذا القرار .. فارجو ياخواتي انكم تساعدوني ..كيف اعوض ماراح من وشلون ارجع وهل فيه جامعه تقبلني .. فكرت اخذ دورات في مركز الامير سلمان .. او اى معهد .. مثل انجليزي وبعدها ادخل الجامعة المفتوحة وادرس حاسب ...بس اعيالي ماتجاوزو السنتين وين اوديهم .. رجلي رافض فكره الشغالة وبصراحة انا اخاف منها ... الدورات تتكلف والمواصلات وهم يبغون حضانه بعد بفلوس .. لو تقبلني الحكوميه افضل .. يطيح من المصاريف شوي ماباقي الا الحضانه .. هاااااااااااااا وش رايكم ؟ جامعه الملك سعود يقبلوني .......... وفيه احد منكم مثل ظروفي ودرست ؟!