انقلبتْ فجأة

بنات عندي زميلة بالعمل تعرفت عليها السنة الماضية(2018) هالزميلة كانت تكلمني عادي وتضحك معي وحتى كانت تفقدني لما اغيب او ما اكون موجودة وتسأل عني وتشكي لي وانا والله كنت لها مو بس زميلة او صديقة لا كنت لها أخت وكنت أوقف معها واساعدها في العمل وافقدها... مرت الأيام وكان عندنا إجازة طويلة شوي ويوم ارسلت لها عشان اتطمن عليها وشافت الرسالة وما ردت علي وقلت معليش يمكن مو فاضية او ما انتبهت لها. ولما رجعنا للعمل شفتها تسوي نفسها ما تعرفني ولما تشوفني تغير اتجاه نظراتها وما تكلمني ابدا بس ما حاولت أسألها شي وخليتها في حالها ما ودي اضايقها. زي ما قالو اللي يطنشك طنشه. بس انا ما سويت لها شي ليش تتغير علي فجأة🤦🏻‍♀️ شكيت لصديقتي عن فلانة وقالت لي انها ما حبتها وقالت لي انه فلانة شافتني ناجحة بالعمل وتقربت مني وبعدها سحبت علي. وقالت طنشيها وتجاهليها.
للمعلومية صديقتي تعمل معي. حتى هي انتبهت كيف فلانة لما تشوفنا تقلب وجهها وتغير نظراتها وكأنها ما تعرفنا.
شف كيف انا مو قاهرني إلا اني وقفت معها واعتبرتها اخت بس معليش الايام بتعطينا دروس. لو كنتي بدالي وش بتسوي؟ برأيكم الأفضل اتجاهلها واذا كلمتي يوم اسمع منها ولا اطنشها زي ما كانت تسوي معي؟