انقلب وضعي تماما

بنات بدخل في الموضوع على طول
انا تزوجت من سنتين
والله يابنات زوجي مره مو عاجبني تفكيره اصلا هو مايفكر احسه غبي مايفهم ولا شي وغير كذا محطوط على الصامت ماعمرنا تناقشنا ووصلنا لنتيجه اصلا متى ما ابدا معاه النقاش حتى لو باسلوب حضاري قام يهاوش لاتفه الاسباب ويقول روحي بيت اهلك عشان لا نتهاوش غير كذا مايبغ يتحمل مسؤليه والله انه يطلب مني اقول لاهلي يشترون لي ولا طفلي اشياء بس انا ارفض يبغ يرمي المسؤليه بس انا اقوله ماقدر انا خلاص تزوجت مقدر اطلب منهم شي
المشكله اني انصدمت في الواقع كنت اتنمى اتزوج واحد اقل شي لما نطرح موضوع نتناقش فيه يعطي رايه هو على طول مايدري وطول وقته ناسي كل شي حتى عشاه البارح
وغير كذا لوتسلسلينه بسلاسل ماجلس في البيت مايجلس ولو جلس على الصامت او سوى مشكله
والله يابنات طول عمري عايشه في بيت اهلي مانزلت دمعه من عيوني ومن يوم تزوجت وانا ابكي وهو ولا حاس
بصراحه انا اشفق عليه احس اني جالسه عنده بس عشان طفلي وعشان هو يكسر خاطري غبي كل الناس تضحك عليه هو سخيف ناس ماتبغاه يروح لهم ناس يطردونه يجيهم يعني يحزني
مايفكر مره قلته انت ماعندك كرامه وقعدت اهاوشه مقهوره عليه ليش يروح عند ناس مايبغونه وهو بكل بساطه يقول وش هي الكرامه
الله يسامحه والله شيلني الهم بدري كل ما اروح مكان اسمعهم يترقون عليه اقول وين الكلام هذا قبل لا اتزوجه ماكنت اسمعه تحطمت يعني لا معي صالح ولا مع طفلي ولا مع الناس والله زوجي مايستاهل كل لي يصير له هو طيب بس والله غبي ومايفكر لا فيه ولا في نفسه ولا عنده اسلوب في التعامل