انقهرت

صباح الخير
قبل فتره صارت مشكله وكان لازم اهله واهلي يعرفو عشان اهله لهم يد وعشان ينحط حد لكثير اشياء واخواته المتزوجات تغيرو علي 180 درجه كنت اعزي نفسي فيهم واروح عشان اسولف معهم لان خالتي طبعه ماتحسب حساب للكلمه يعني صريحه صراحه تبعد كل اللي حوالينها منها وياما شفت اشياء وزعلت منها لكن الحين حتى البنات تغيرو الا اللي ماهم متزوجات ماتغيروا يسولفون معي
امس كنا نبي نطلع انا وزوجي وقال زوجي اقول لامي عشان من زمان ماطلعو وماقلت شي بس انهميت وبعد كذا اخته المتزوجه بتطلع معهم انا تضايقت لان عارفتها السلام ثقيله عليها
وكنت ابغى بس عشان بناتي طلعنا المنتزه وانا معي القهوه وهي معها الشاي انا صبيت لهم كلهم قهوه وهي صبت شاي لامها واختها وبعدها سوت حالها مشغوله ببنتها وماصبت لي انصدمت منها بالذات
وبعد شوي خالتي تتصل ع وحده وتتكلم وتضحك كانها مزحها بس مو فمكانها عن ان زوجي يتزوج وكذا انا دموعي حابستهم طول طلعتهم ساكته ولا اسولف معهم
بعد هالطلعه ماظنتي اطب بيتهم وزوجي حذرته من موضوع يسمع لكلام احد طبعا هو يضحك لان عاجبه اني اغار وكذا وطبيعي بيدافع عن اهله لانه يسمع كلمة امه من خوفه منها واصلا زوجي ماديته مره مايتحمل بيت ثاني وزوجي حتى لو قالو له شي عني مايجي ويهاوشني ولايعصب علي بس يقولي ليه ومن هالكلام لانه عارف امه وكلامها
الحين مدري اقول لامي بكلامها مع الحرمه لانها اختها احس اضايقها وهي مابيدها شي كذا مره تكلمها وهي تقول بينتك وبنتك