أحلامي لا تضيع @ahlamy_la_tdyaa
عضوة نشيطة
انقهرت على قريبتي .. ملكت وتطلقت والسبب !!
اكتب وانا منقهره وفيني حزن لقريبتي .. شعور ما يوصف ويوجع بنفس الوقت .. قريبتي ملكت لها تقريبا 4 شهور والمفترض زفافها بشهر 10 القادم ... كانت فرحانة ومبسوطة وتتابع الانستقرام ومواقع النت عشان فساتين وموديلات وتسألنا دايما عن الحياة الزوجية وكيف تحافظ على بيتها وكيف شعورنا وقت الزفه وايش عملنا لما اول مرة نشوف ازواجنا بقاعة الاحتفالات يعني اسئلتها كثيرة ومتحمسة جدا وصارت تطلع لجمعات العائلة بعد ماكانت ماتجي كثير .. يعني البنت بالمختصر تغيرت 180 درجة والفرحة بعيونها ... طبعا طول فترة الملكة تتواصل مع زوجها واتس واتصالات وتعرفون المملكين كيف فرحانين بالتواصل والهدايا ،، امس وانا بالمطبخ جاني الخبر انه طلقها !!!!!!! يا الله صدمة !! عجزت استوعب .. كيف وهي فرحانه وراغبه فيه وامس تسألني عن الزفاف والفستان وامور الزواج وان فيها غصه على فراق اهلها .. انا ماحبيت اتواصل معها واسألها ما ابي احط نفسي في المواقف هذه ... واليوم رحت لاهلي واختي قالت لي انها اتصلت عليها تبكي وتقول طلقني ويقول الله يستر عليك ماتناسبيني والسبب انه يقول انتي تتكلمي معي بكلام +18 ومافي بنت تتكلم كذا الا وراها شيء .. المشكلة البنت تحلف انها اول ماكلمته كانت تكلمه بأدب واحترام بس هو صار يتكلم بأمور رومانسيه وكذا ويزعل اذا ما تجاوبت معه ويقول لها انتي زوجتي وابي احس بالحنان وووو ... فكانت تقول كنت اتجاوب معه غصب بس عشان مايسكر الخط ويزعل وكنت أراعي مشاعره وخاصة انها تعلقت فيه وكذا ... ويتخيلون يوم الدخله ..... إلخ البنت حالتها النفسية دمار وصدمة عمرها .. وتحلف انه هو اللي يطلب منها كذا .. يا مخطوبات ويا مملكات احذرن احذرن من هالنوع من المكالمات ... البعض منهم يختبرك والبعض منهم يبي يعرف معدنك وقليل منهم عادي عندهم .. يعني صعب تحكمين على نوايا الرجل ... مدري وش اقول بس قهرني الحيوان ... ومع هذا خيرة لقريبتي والله يعوضها بأحسن منه ويجبر كسر قلبها ... المكالمات بفترة الملكة خطيرة وممكن تصير مصيرية .. لانها فترة تعارف وتقارب الأرواح .. والزواج سبحان الله نصيب ..
123
25K
يلزم عليك تسجيل الدخول أولًا لكتابة تعليق.
حسبى الله ونعم الوكيل ع هالرجال الانذال سبحان الله اذا جت صامت وساكته قال هذي نفسيه وماهي رومنسيه ماتتعلم من المسلسلات التركيه وووووو واذا عطته ع جوه قال قليله ادب ومنفتحه الله يففتح راسه وان جت نحيفه قال هيكل عظمي ماتناسبني وان جت دباء قال برميل ودفشه وان ماخلفت تزوج وان خلفت بنات قال ابغى ولد حسبى الله عليهم من شق وطرف هذي تحمد ربي وتسجد سجود الشكر ان ربي فكها منه الشكاك المعفن وربي انها محضوضه وربي يعوضها اخير منه ولاترد له قرش من المهر لانه حقها وهو الي كرهه ماهي هي حسبى الله عليه الي كسر قلبها الله يكسر خاطره وقلبه
تحسبين هذا هو السبب هو مالاقى شي فيها واخترع له هالسالفه علشان يجرحها جرح وماتساله بعدها .. كذاب هذا كل الخلاصه
الصفحة الأخيرة
ان شاء الله الي صار خير لها