انكسرت ودمعة عيني حرقة خدي

السلام عليكم ....

انا مشكلتي زوجي ...لي 8سنين متزوجه من قبل قتره قرب يوم ذكرى زواجنا طبعا في هالسنوات كلها مافكر يسوي ذكرى زواج هو صحيح قد جاب لي هدايا بس بعد ايش صرت ما احس بأي شي يسويه لي لانه مايسوي شي الا لما انا اتكلم واكسر خاطره ويسويه شفقه علي ..المهم قلت انا هالمره ابغى اسوي ذكرى زواج ودي احس باليالي الحمرا الي يقولون عنها اجرت شقه مفروشه وشريت شموع وورد طبيعي والكيك والعصير وهو مايدري يقالي بفاجأه :44:
خليته يوديني الشقق على انه صديقتي هناك وبسلم عليها ولما سمع الحجز بأسمه تفاجأ على باله ان صديقتي حاجزه بأسمه لانه نااااسي بالاساس تاريخ زواجنا ..دخلت الشقه وهو راح يدور مكان للسياره وبسرعه بسرعه ولعت الشموع ونثرت الورد بالارض وعطرت المكان دخل وهمه بس يعرف مين الي حجز لي وخلصت اشغالي جلس يحوس بجواله قمت ورحت بدلت ملابسي ولبست قميص نوم وجيت جلست جنبه والله والله اني ماتوقعت انه بهاذي الدرجه من التبلد جالس يسولف عن دوامه وعن اصحابه طبعا انا قلت يمكن باقي هو مش مستوعب دخلت الغرفه وشغلت الشموع ورتبت الكيكه والعصير يعني هيئت المكان والله ان شكل الغرفه صار يهببببل دخل عجبه الترتيب وقال خذي للغرفه كم صوره وتعالي ناكل مع بعض على ماخلصت تصوير راح قص الكيك واكل وشرب العصير وجلس على السرير انا جلست جنبه قال قومي نروح نجيب العيال انا هنا خلاص حسيت اني انكسر شي بداخلي :44:ليه ماحسسني اني حالي حال اي مره والله حتى بوسه في خدي ماباسني ولاضمني انا خنقتني العبره كل هالتعب وانا حامل وهو ولا همه ركبت معه السياره ودمعت عيني من القهر بس مابينت له ..من اخذته وانا احس اني ضايعه كل يوم يمر اتحسف على حياتي معه لانه مايحبني هو قد حب وانا كنت ادري واعرف مين الي يحبه والله لو مخدتي تتكلم كان تكلمت وهي تبكي من كثر ما اشكي لها ليه يعاملني كذه حتى بناته اصغر وحده 4 سنوات والله والله اخر مره باسها لما كان عمرها سنه ..والي يذبحني نظرات الكره بعيونه يسرح فيني ويفكر والله اني افهمه يسرعه واتحاشى احط عيني بعينه اخاف اشوف الكره ...اذا بكتب عن الي فيني من ضيقه والله ماتكفيني 1000سطربس الحمدالله على عطاياه