السلام عليكم ورحمة الله وبركاتة
اولا حبيت اشكركم ان استفدت من نصايحكم كثير وحبيت اقولكم سالفتي انا من لما تزوجت ودايم اكشف زوجي انة يكلم بنات المهم دايم كنت ازعل وارجع اهدئ واعتذر منةتخيلو وهو يتغلى وتمادى وكشفت برمضان ومثل العادة انا اتنازل عشان عيالي واسكت وقلبي يتعب وماعاد امسك جوالة او ادور من وراة اخر مرة كشفتة قبل اسبوع يراسل وحدة ع الوتساب وهي تعرض لة صور لها المهم شفتة وانا والله ماكان بنيتي افتش جوالة بس هوة نسى جوالة بالبيت وانتو تعرفو الايفون الرسايل تعرض مباشرة ع الشاشة المهم كنت انظف الا رسالة منها تطلبة يتصل عليها انا فتحتها تعرفون لقافة الحريم الا والاقي المصيبة بس وربي يابنات اني حسيت انه شي عادي وقفلت جوالة ماادري حسيت تبلد الاحساس لأن خلاص تعبت من حركاتة المهم قريت المحادثة وعرفت انها وحدة من معارفنا وهي تطلقت قريب وحفظت الرقم وبس جاء عرف اني فتحتة وقام يهاوش ولااول مرة استجمعت قواي وماخليت ولا كلمة عنها وعنة وهوة جلس مفجوع لأني اول مرة اعصب لها الدرجة وهوة اول مرة يخاف وقلتله والله لاخلي فضيحتك وفضيحتها ع كل لسان وهو طبعا بحكم منصبة خاف وقالي انتي انتهيتي قلتلة يوم السعد يوم فرقاك ومابعيش الا مرة وحدة ومابي اعيشها بتعب جسدي ونفسي عيالك عندك وانا بروح لاهلي واساسا روحتي لاهلي بدون عيالي مستحيلة بس قلت اخوفة وفعلا راح للمجلس وانا قمت ارتب اغراضي وقام ارسل لي رسالة انها هي اللي تطرد فية وانةمطنشها وماادري اية عاد انا دايم اصدقة بس هالمرة قلتلة انتو تصلحون لبعض نفس السفالة خاين وخاينة المهم مر اليوم وهو يحاول يترضاني برسايل بس اختكم في الله لسا مابردت قلبها واقوم اليوم الثاني وارسل للساقطة رسالة واقولها ابعدي لا افضحك وهي عندها عيال قلتلها لاتشوهي سمعة عيالك بلحظة طيش منك وهي ماردت ابد وهوة جاني بنفس اليوم وقالي خلاص ببيع الايفون وبطلي وسوسة قلتله مايهمني ومن يومها وهوة يحاول يتقرب وانا مطنشتة العب مع عيالي وهو يمر ويشوفني ويحاول يلفت انتباهي وانا اسوي نفسي ماانتبة له وارسلتلة ابي الف عشان اروح المشغل و ع طول ارسلها مع بنتي المهم احس اني انتصرت لا اول مرة وبصراحة هالزمن صار الضعيف ينداس والقوي يعملولة الف حساب والحمدلله ع كل حال وربي الحين مرتاحة مو عشاني كشفتة بس لأني سرت احب نفسي زيادة ورجعت ثقتي بنفسي وخليتة يتحسر ع كل لحظة معاها وحبيت بس تستفيدو مثل مااستفدت منكم وخلاص هذا زمن الفتن لازم نصبر ع غثاهم وخيانتهم
وصل الله ع النبي المصطفى
توته و تالا @toth_o_tala
عضوة فعالة
يلزم عليك تسجيل الدخول أولًا لكتابة تعليق.
الحمدلله على كل حال والله يطمن قلبك وعقلك ويسخر زوجك لك ويبعد عنه الفتن وبنات الحرام الله يخلي لك عيالك وتتذوقين برهم ان شالله وومن ستر على مؤمن في الدنيا ستر الله عليه يوم القيامه وهذا اقل شي سويتيه فعلاً انتي مثال للمرأه الصبوره الحكيمه ومايهد ضيق الا الفرج
الصفحة الأخيرة
الله يقويك وان شاء الله يستفيدون منك البنات