السلام عليكم ورحمة الله وبركاته..اخواتي في الله كيفكم ان شاء الله بخير..ياجعلكم دايم بخير,,
حبيباتي انا اليوم جايه ابيكم تعينوني وتساعدوني وتدلوني لما هوى خيروتعطوني رايكم,,
بصراحه انتواخواتي واهتم بارائكم ..
اناياعزيزاتي عندي بنت تمشي في 16كلمتني احدى الاخوات عندها ولد عمره25فيه خير نحسبه والله حسيبه متوظف يريدازواج وتقول نبي نجي نشوف بنتك اذا تناسب ولدناوانا ماني عارفه وش اسوي مع اني سولفت مع بنتي وذكرت لها كل شي بس ماقلت لها ان الحرمه تبيها هي قلت تبي بنت جيرانالان بنت جيرانانفس العمروشفت ردة الفعل كانت بنتي ماعندها اي مشكله تقول لو انا مكان بنت الجيران كان تزوجت خلاص وش تنتضر نصيبها يجي وفيه خير بعد وترده والله انها غبيه هذا ردبنتي وانتو وش رايكم انااستقبل الام اواردها بدون مشاورة بنتي مع العلم ان اذاجلست مع بنتي احس انها فاهمه وش يعني الزواج تكفون عطوني رايكم وهل اذاتصرفت بدون ماقول لها هل انااثمه والله يخواتي ان الواحدحاط يده على قلبه موعارف هويلقيهامن مدارس ولااقارب ولامن المجتمع باكمله.على العموم شكلي طولتها عليكم هل انا اتوكل على الله وازوجها ولاارفض الولدواقول بنتي صغيره بيني وبينكم خايفه اني ارده ربي يعاقبني وخايفه اني ازوجهااكون ظلمتها,,,,,انتضر ردودكم في احر من الجمر
لو ينتظرو الين تخلص الثانوي ؟؟؟ بس ما اعتقد يرضو