كوبونات الراقية تسجيل الدخول

كبسوله

انها المقاومه ورب الكعبه ) -:

الأسرة والمجتمع •



البارح أبو الشباب توه جاي من شلة الانس حقته 00وباين عليه عندة سواليف وده يقولها لي

مع اني شاكه في امره يعني هو مررررره متقطع يبي يقولي وشصار مع ربعه00أكيد خرطي عن الحريم والسوالف الخاثره اللي انتم خابرينها00

رقدت العيال وولمت الشاي00 مايناسبني التمدن قصدي الشاهي << ودي اقول أنوار هاديه بس ماعرف اكذب


قلت الله يعيد هالسالفه اللي وسعت صدرك وشعندكم بعد هات الهرجه << اتميلح:23:


كذا بدا زوجي سواليفه خليكم معي بهالقصه :


واحد من الشيبان له زوجه في حالها ضعيفه مالها من الشيطان طريق وفي أحد الأيام طاحت في الدرجه وتدربت فأغمي عليها 00ظنوا أنها ماتت00وشالوها وغسلوها وكفنوها 00ياحسرتي 00 الرجال كنه فرح بس قعد يفكر من يخطب بعد مايدفنها 0

ثم توافدت جموع المصلين والمعزين وجابو نعش الزوجه المسكينه واثناء حملهم لها اصطدم النعش في سارية المسجد << عمود
واذ بالزوجه تفيق وتجلس 00 وعلى ذمة الراوي يقول ان الهنود اللي موجودين قاموا يتباركون بها يحسبونها من أولياء الله الصالحين00 الله لايعاقبنا

المهم انقلبت الأحزان أفراح في العائله ماعدا الزوج الذي ذهبت أحلامه بزوجه أخرى0
وبعد هذه الحادثه بسبع سنين توفت الزوجه لكن الشايب ماعاد يصدق الين يشوف بعيونه وحملو المرأه الى المسجد للصلاة عليها ولكن هالمره الزوج هو اللي شال النعش عشان مايصدم بالعمود0




اثر الرجاجيل متوهقين بحريمهم00

وصار كل واحد من أصدقاء زوجي يقترح كيف يتخلص من زوجته




أول واحد اقترح وقال
الحرمه ودك انها تتلاشى 00 لاحظوا زين( تتلاشى)
يعني تميع على شوى شوي << جزاه الله خير خاف على قلبه ينصدم لما تتلاشى فجأه
حدها ثلاثين سنه ثم خلاص ويش يقعدها يكفيها00 تتلاشى بعدها بالتدريج بدون ماتنفقد00خلاص تعطي الفرصه لغيرها كثروا العوانس في البلد0

صرخت قلت واذا تلاشينا وين نروح ؟ قال تروحون الجنه << حطموا الأخلاق حطونا في الجنه جزاهم الله خير00 عمى يعميهم ومن جمعهم<<مررره محتره

بلعت أنا ريقي 00أخاف أقول شي ونقلبها طقاق تالي الليل00 ولا يكمل اقتراحاتهم الله يثيبهم عنا وياخذهم ولا يبارك في جمعتهم 00

قلت ايه وبعدين

قال خويه الثاني :
لا والله وانت الصادق الحرمه اذا صار عمرها 40 سنه حطها في كرتون وبعها للأثاث المستعمل << اشوى جعله يسلم حطنا في كرتون مادرباني مع الدرجه ونطلني فوق الرف عند ابو هنوود0

ودي اصارخ وأسبهم :06: بس ماأقدر لأنه بيحرم يسولف معي وأنا لازم أعرف مستجدات الأحداث أول بأول <<المسأله صارت مسألة مصير ويتحدد فيها اقامتي القادمه

على قول ليالي الصالحيه00خليها بالقلب وتجرح وما تطلع ل برا وتفضح <<< أخ لو رجلي اسمه عمر00أفكر أقلب اسمي سعديه

بصدق أنا ناظرت زوجي وقلت له مافيه تأمين على حياة الزوجه على وزن التأمين على السيارات
وبلعت ريقي وأنا اطالعه وسالت نفسي ياترى ويش يفكر فيه زوجي 00 وين بيرشح مقري الأخير





كم هي الحياة معك جميله وآمنه جدا 000أيها البعل الحبيب 000
أينما قذفتني الرياح أعلم أنني سأرتمي في أحضانك<<< روحي لأمك أبرك0
ماخلاني أعرس الا هالجمله قطرت سعابيلي يوم قريتها


ماعاد أبي حب ولا كلام اتسدح منه 00 الحين بس أبي أأمن على حياتي 000
73
6K

يلزم عليك تسجيل الدخول أولًا لكتابة تعليق.

تسجيل دخول

فرط الرمان
فرط الرمان •
طريقتك روعه ممتعه فعلا
احبك في الله يا كبسوله
:26:
جوزة الطيب
جوزة الطيب •
طيب انا عندي رأي ليش نا نسوي نقابة المتزوجات على وزن نقابة المحامين وبعدين تجتز حقوقنا من تحت أضراسهم <<< ابش رايك مو فكرة متحضرة برضه
كبسوله
كبسوله •
فرط الرمان
أحبك الله الذي أحببتني فيه وعلى قولة الوالده الله يحبك وملايكته

جوزة الطيب
انت صادقه انا بس تمنيت اني نمت قبل حكايات قبل النوم هذي
ايدي في ايدك انتي بس عيني قوات أمن خاصه وسيري على بركة الله00 والله أكبر على من طغى وتكبر <<اكتبيها على العلم حق النقابه0
zainnn
zainnn •
كبسوله دمك خفيف وطريقتك روعه والصراحه مثل ليالى الصالحيه خطير ......
الله يسعدك يارب وماتحتاجين تأمين:26:
البندقية
البندقية •
ياعمري ياكبسولتي:24:
ليه ما سألتي ابو الشباب وش اقتراحه هههه لايكون هو راعي الكرتون
انزلي شوي







والله العظيم اشتقت لك:33: