انهد حيلي

السلام عليكم ورحمة الله
اسأل الله ان يفرج هم كل مسلم ومسلمه ويعينا على صعوبات هذه الحياه..
بدخل بموضوعي وبحاول اختصر قد الامكان
انا عمري٢٦ حياتي الزوجيه لها ٨سنوات ونص
ولكن يعلم الله انها كانت عيشه مليانه مشاكل
من اول اسبوع زواج لاهو ارتاح وريحنا ولا انا ارتحت معه عندنا طفلين هو انسان زعووول مره
على كل شي يزعل مستحيل يمر اسبوع هادي ومبسوط ابتسامته نادر اشوفها برغم اني انسانه فرفوششه ومرحه مره برغم من المشاكل والضغوط
قبل فتره اكتشفته يخذ كبتاجون لقيت معه واحده وبعد فتره اكتشفت انه يخذها من زمان قبل اتزوجه وقتها عرفت انها هي السبب صارحته وحاولت فيه بكل اسلوب يتركها هددته بتركه ومافي امل قال انا مابتغير عجبك كذا او بكيفك
حاولت اتقبل الوضع عشان عيالي ولكن حول عيشتنا لجحيم مشششاكل لاتفه الاسباب مافي طلعات ابداً الا على مزاجه وبعد شهور.. كلام حلو مافي عاطفه منه مافي اعزم احد او احد يعزمني ع مزاجه اذا وده او اغلببب الوقت يرفض كل اجازه تمر علينا كلها دموع وبكي ومشاكل وتوصل فيه احيانن يهيني ويتدخلوا الناس واهلي ويصلحون بينا وعلمت عمه واهلي انه يخذ حبوب ووعدنا بيتركها ورجعت له ومافي فايده زي ماهوا
يشك فيني من اول اسبوع زواج شك رهيب لدرجة يسألني ويقول اذا سويتي شي او طلعتي مع احد علميني وبستر عليك ويتجسس علي والي فجعني ان جواله كله يرامج تجسس ومره كشفته حاط لي كاميرا مراقبه بغرفتي ويتابعني وهو بدوام قهرني حيييل غير انه يستغبيني ويخذ الحبوب قدامي وبسياره ويخذني لاماكن يشتري منها ويستغبيني على باله مو فاهمه بس ساكته مابي وجع راس من اول زواجنا يترفج افلام اباحيه ولقيته مخصص جوال لها مليان افلام ولاجادلته ابداً لانو ربي فوق اذا ماخاف منه ماراح يهتم لي..
كملت الجامعه رغم رفضضه وزعله بس لانها شرط عليه ولاني ابي اكون نفسي لاني شفت حالته ومابي اعتمد عليه وكنت اضغط نفسي كثير واهتم ببيتي واجي من الدوام ٥٠ كيلو تعب وكرف واعطيه حقه الشرعي طوالي عشان لو ماعطيته بيزعل واسوي الغداء واهتم بعيال وبيتي ورغم ذا كله يقول ويردد مهمله زوجك وبيتك وعيالك والله اني حاااوولت وكل جهدي لهم ومعدلي مرتفع خلصت اول سنه بالحامعه بعد تعب وكان يسوي لي مشاكل واداوم وانا ابكي وقت الاختبارات ويقولي كل ماتذكرت دراستك انقهر مقهور لانو تركني اكمل واستحملني ولو اني شايفه فيه انسان يعتمد عليه ومحافظ علينا ومرتاحه معه ماكملت دراستي
الحين اخذ اجازه وسافرنا وارتحنا اول ٤ايام وكلن راح لاهله رجع راسلني ع الواتس ويشتكي مني ويفتح مشاكل لها اكثر من6 شهور ويخاصم ويبي حقه مني ومن اهلي والله كلامه مايدخل الراس يدور المشاكل لو مافي جاب مشكله من سنين ويخاصم فيها حاولت معه بكل الطرق وفهمته مافي فايده يقول انتي تغيري وتنازلي على ايش مادري ويقول او ننفصل انا هنا وصلت حدي وطلبت الطلاق وللحين مصره عليه انه يطلق رغم الالم الي فيني مابي بيتي ينهدم حاولت معه كثير مافي نتائج وحالته تسوووووء كل شهر اكثر صبرت عليه حتى اثاث ما اطلب وبيتي جلس اكثر من سنتين محتاج اثاث بس انا مقدره وضعه والراتب يخلص بسرعه ومانخذ منه غير للثلاجه ما اضغط عليه ولا اجادله ولا اناقشه يطلع كثييييير ويسهر ومخذ راحته على الاخر ومخليته ابيه يرتاح بس .. يجلس بالمجلس لحاله ويقفل بالمفتاح وبساعات اقضي كل اليوم لحالي بالبيت ومخليته بس عشان مافيني لزعله واهم شي نرتاح من المشاكل ومافي فايده بعد كل ذاااا طاقتي نفذت معاه كنت اتصبر واقول اكيد غيري عايشين بمشاكل اكثر مني بس خلااص انهد حيلي معه
ابي اسألكم هل ذي عيشه ممكن اصبر عليها بما انكم متزوجات وتعرفون الازواج او اصر على قراري واتحمل الم الطلاق وربي لايكلف نفس الا وسعها واهلي مستقبليني وحاطين عيالي بعيونهم!!..افيدوني والي عندها رقم استشاريه لاتبخل علي