أدعو يابنات لزوجي أن الله يقضي دينه وييسر أمره لانه باع سيارته ودخل قيمتها في الاسهم عشان يسدد ديونه بس للاسف خسر النصف من قيمتها وتنسوا تدعوله( والملائكه تقول أمين ولك بمثل )وخلوها على الله

اللهم لاتجعل الدنيا اكبر همنا
اللهم ارزقنا الرزق الحلال

اولا احب اشكركم على كل الردود

والله يابنات اني يوم اكتب الموضوع كان ضايق صدري وقلت يمكن اذا فضفضت تتغير النفسيه شوي

لكن ضاق صدري اكثر وحزنت على اهل ديرتي

وبالنسبه للاخوات الي يقولون "طماعين يستاهلوون الطمع يقل ماجمع "
اقولها : سوق الاسهم هذا رزق مثله مثل اي عمل تجاري ثاني
يعني مثلا واحد فتح له بقاله وخسر فيها نقوله تستاهل طماع!!!!!
لكن انا اعذرك يمكن تكونين ماعارفه ايش هو سوق الاسهم
وياليت شاركتينا بدعوه لعلها تستجاب
او اتحفتينا بالصمت"ترى الوضع مايستحمل الردود هذه"

الكثير طاح في صالات الاسهم ونقل للمستشفى
كثير من النساء تطلقوا وانا اعرف وحده منهم
كثير من الشباب الي ماعنده وظيفه دخل بكل مايملك علشان يكون نفسه ويتزوج وفي يوم وليله لقى كل تعبه صفر

وبالاخير بعض العضوات يكتبون كلام اما مافاهمينه او من قهرهم صاروا يكتبون وما يدرون

قال ايش هذا ما الطمع والحسد والحقد او هذا من الربا
احب اذكرهم ان فيه اسهم نقيه وليس لها علاقه بالربا
كنت اتمنى انكم تدعون للناس بالعافيه احسن من هالردود الي تضيق الصدر والله لو الشعب عدو لكم
طيب يمكن الي صار له هالشئ قريب او صديق او جار بتقولون له احسن هذا من الطمع والحسد

ورقة الخريف:ان شاء الله ربي ييسر امركم ويفرج عنكم الدين
وحبيت اقولك دايما تذكري ان فيه كثير مثل وضعكم علشان تخففوا عن نفسكم

وياليت تردون باي رد بس على الاقل احس انه في احد يحس فيني وانا بالغربه

يابنات لاتنسون دعاء الكرب

أتمنى من اي وحده ترد تكون فاهمه اش تكتب واللا لاترد ازين
لأن السكوت حكمه......
بالله هذا كلام:"طماعين يستاهلوون الطمع يقل ماجمع "؟؟؟؟؟؟؟؟؟
تشوفين مصيبة مسلم وتشمتين فيه؟؟؟؟؟ عجبي

الله يعوضنا خير يابنات ويرزقنا جميعا.....
اختي الكريمه ورقة خريف هونيها وتهون يالغاليه الله يعوض عليكم ويرزقكم عاجلا غير آجل
والله لو شفتي برنامج ريما الشامخ بالاخباريه وسمعتي الاتصالات وشفتي حرقة قلوب الناس على فلوسهم اللي راحت بغمضة عين والله حالهم يبكي ويهون عليك حالك

اللي ضاعت فلوسه يتذكر أنها ما راحت في حادث سيارة ولا على مرض ولا .. فيحمد الله تعالى على أنه بصحته وعافيته ...والفدا في الفلوس على ما قالوا ..تروح وتجي ..
لكن المصيبة في الأشياء اللي ما تتعوض مثل الصحة ووفاة عزيز ...

الله يعوض عليكم وعلى كل مسلم ..