حياكم بنات نورتوا كلكم

بقولكم قصه صارت مع اخوي قبل سنة كان طالع للبر لحاله بعيد 200 كيلو عن الرياض يروح يمشي لحاله في هالبران دخلت صلاة المغرب يقول صليت وخلصت وركبت السيارة بشغلها بمشي الا مغرزه :icon33:

جلس يحفر عند كفرات السيارة يبيها تطلع ماطلعت والدنيا ظلام دلقس يقول شغلت انوار السيارة عشان تكشف لي شوي ومن المغرب لين جت الساعة 9 بالليل واحنا انشغلنا ماندري وين مكانه طار قلبي ابوي والشبكه ضعيفة يدق ويكلم بعدين يفصل الخط :(

يقول اخوي عقب ماضبطت الكفرات عشان تطلع السيارة فتحت كبوت السيارة من قدام ابي المكينه تبرد ويقول دخلت راسي افتش في المكينه مادريت الا الكبوت طايح على راسي واكتافي يقول احاول ارفع راسي ماقدر المكينه حاره بغت تحرقني وفي شي يرص ويضغط الكبوت علي بقوه برفع ماقدر يقول جلست اسمي والايات الي حافظها نسيتها من الخرعة بس قعدت اسمي واكبر يجي دقيقتين الا ورايح عني

يقول وانا اطمر واسكر الكبوت واركب السيارة واشغلها وتمشي

يقول عاد انا رامي شماغي وعقالي في المرتبه الي ورى يقول والله مادريت الا الي صاقعني بعقالي حاذف شماغي عندي للمرتبة الي قداااااام اثاريه لاحق بالسيارة وراكب معه :icon28:

يقول مسكت نفسي واقعد اسمي واتذكر سورة الكرسي واجلس ارددها واقرها لين ركبت الشارع ووصلتكم ..

والله اخوي جانا وجه اسووووووود من الخوف والرعب وطول الليل مشغل سورة البقرة عنده

عاد لما جى من بكره قال انا استاهل طول الطريق وانا مشغل اغاني لين جى المغرب ماسكرته الا عشان الصلاة

ومع كذا ماترك طبعه للحين يروح البر لحاله

أعوذ بالله الله يهديه اخوكي من جده مشغل اغاني وشكله حفر بيت واحد منهم خخخخ لا ركب معاه كماااان:06: اتحفينا بالمزيد ياقمر:26:ماتحسين كأني أنا صاحبة الموضوع :22::eek:

حياك حبيبتي الموضوع موضوعك بصراحه ودي لو البنات يحكولنا قصصهم ولا اقاربهم مادري ليش احب سواليف الجن :42: عفريته

عاد سوالف اخوي ماتخلص الله يهديه الاغاني دايم يشغلها والجنون مبسوطين عليه :icon28:

تسلمين ياعسل بس والله قهرر مرره كل مادخلت أقول بألقى مواقف ماألاقي شي وما شاء الله انتي تحبي سواليفهم وقويه وانا احبها وهبله ضعييفه خخخخخخخخخخخخ اخاااف