هلابك نورتي ايش جديدك اليوم :p

صراحه انا توقعت موضوعك عن صلاه الليل
تراني خوافه بس مدري وين جتني القوه اني اقرى موضوعك
شكلي مانيب نايمه الله يصلحك يارب
ويهديني عن القافه

الله يقطع ابليسك اش ذا الموضوع

لما كنت صغيرة اذكر اختي المتزوجه جتنا بالاجازه هي ديرتها بعيده واحنا عارفين انها ملبوسه من اول ماتزوجت زوجها سوى معها حركه غبيه على باله يمزح :06:

طلع هو وياها البر بحزة المغرب سوى فيها مقلب قال بركب السيارة ابعدها عن الحفر والحصى بحركها قدام شوي

قام فحط بالسيارة واسرع فيها والمنطقه كلها جبال وتخرع واختفى وجلست تركض ورى السيارة وتصايح وهو مبسوط على باله مسوي موقف كوميدي ومارجعلها الا لما طاحت مغمى عليها من الخوف ماحست بنفسها الا هي في بيتها

ومن يومها وهي متغيره وتجمع عنها قطاوة سود ويطلعلها ناس وحريم باليت يمشون وشايب معها عصا

قرى عليها عند شيخ يقول داخلها اكثر من واحد ايش صاير فيها وعلمه زوجها وقال حرام عليك بحزة المغرب وزوجتك خايفه خوف شديد تلبسوها

لما كانت تجي تننام عندنا والله ان شيل همها تقوم من نومها تصارخ ماندري على منو تهاوش ناس تقول انتم ايش تبون فيني ولما تنهار وتطيح نقرى عليها ونسمي تقول شايب وحرمه يقولون مراح نخليك ابد يهددوني

الله يعافيها لها الحين 25 سنة على هالحال وتطور الامر الحين لأمراض عضويه

يكسرون في بيتها ويستهبلون عليها وعلى عيالها سببو لها اجهاض اكثر من مره

طلعوا فيها اورام يكشفون الدكاترة عليها يقولون عندك ورم بالرحم تجي بعد اسبوع يقوولون راح من الرحم وصار بالصدر ؟؟ كل يوم يتنقل

الله يعافيها بس

ولما يقرا عليها الشيخ يطلعون واذا ترجع بيتها يتلبسونها وتحلم فيهم انهم يكلمونها يهددونها يقولون ماحد يقدر يطلعنا احنا نعرف لرحتي تقرين نطلع منك

يبون يجننونها

يووووووووووومه ما كملت من قريت اول جمله ولا عندي استعداد اقراء
بسم الله مدري كيف بنام ...