انواع الرجال اللي لايمكن الصبر عليهم من وجة نظري ... شاركوني بآرائكم فالموضوع .

بسم الله الرحمن الرحيم

كيف حالكم حبيباتي ان شاء الله كلكم طيبين.

اول شي قبل ماحكم علي هالنوعية من الرجال انا شفت وسمعت

بمجتمعي نفس نوعيتهم وبصراحة اكتشفت انهم ماينطاقون ابدا ابدا

والعيشة معهم تجيب المرض .

والله انا ممكن اتحمل اي شخص الا امثال هالمرضي وبذكرهم واحد

واحد .

اولا طبعا من غير تفكير اللي مايصلون عمدا ولا يصومون عمدا بعد

ويستهزؤن بديننا ومتهاونين فيه لاقصي درجة وظنهم انهم يعمرون

في الدنيا ومالكينها بطولها وعرضها .

ثاني شخص الشكاك لدرجة المرض والوسوسة هذا الانسان صح يعتبر

مريض ومحتاج لعلاج نفسي بس لايمكن انه ينطاق ويحتمل وربي

اعرف بعضهم قلبوا حياة زوجاتهم جحيم ورغم هذا تصبر .

وثالث واحد البخيل اه من البخيل هذا مدري كيف يفكر قسم بالله اني

استغرب منهم كيف رجال ويمسك الفلوس بكل بجاحة ولا يصرفها

علي اقرب الناس له لان الرجال معروف لازم يكون كريم وصاحب

مرؤة وشهامة . بس بعضهم بخلهم محتمل وينصبر عليه . انا طبعا

اتكلم عن المقتدر واللي عنده خير اما الفقير ربي يكون بعونه

ويرزقه من حيث لا يحتسب . مثال تخيلوا طليق اختي منعم ربي

عليه ومع ذلك تطلب من اهلي احيانا شحن حق عشرة ريال مو

محصلتها منه . ومره كان جايبها عندنا من ديرتهم وعطاها 500 ريال

وبنص الطريق قال بعبي بنزين ماعندي فلوس عطيني من اللي عطيتك

وبرجع الباقي لك . عبي بانزين ورجع لها 200 وشي ضحك عليها

ههههههههههه الله المستعان انا قلت مو معقولة يعطيها 500 من

الاساس .

ورابع شخص اللي يكون نذل وخسيس وماله صاحب ويلعب ع الحبلين

ويستصغر من نفسه قدام الكبار عشان يكسب كم قرش .

اما الباقي من الرجال اشوف عيوبهم تنصبر عليها مثل العصبي

والغيور جدا و صاحب السهر اهون من غيرهم .

هذي وجة نظري وش رايكم صح كلامي ولا غلط .