عزيزتي انونتي
إذا عندك التصاقات وعامله العمليه احسن شي تعملي صورة الاشعه الملونه وهاي ما بتاخذ وقت وبتعمليها على ما اعتقد بعد انتهاء الدورة مباشرة وإذا كان في التصاقات بسيطه ممكن تزول من الصورة لانهم بدخلو مادة علشان الصورة وهاي المادة بتفتح الانابيب هذا لو كان الالتصاق بسيط وفي كثير بحملوا بس يعملوا الصورة مع انه ما بكون عندهم التصاقات واضحه
اما انك متزوجه من ثلاث شهور لسه بكير عليكي تفكري بها الموضوع ولسه انتي صغيره وكثرة التفكير بتمنع الحمل صدقيني وثلاث شهور يمكن ما صار المناخ المناسب اللي يصير فيه الحمل يعني مثلا النفسيه يمكن زوجك بكون تعبان من الشغل فبتكون الحيوانات عنده تعبانه يمكن انتي بتكوني تعبانه
علشان هيك لازم تهتمي بالغذاء ونوعيته لزوجك تكثري من العصائر والحلويات والمكسرات والجرجير
اما بالنسبه للتكيس عزيزتي انا كان عندي تكيس بسيط بس الحمدلله راح اهم شي وزنك ما يكون زياده وما تاكلي حلويات ونشويات وسكريات وتعتمدي على الفواكه والخضار والمسلوق وانشالله بتحملي بسرعه بعدها
واعملي مغطس بايكربونات الصوديوم بالماء واجلسي فيه لمدة ربع ساعه خاصه قبل الجماع هذي بتعمل على تنشيط الحيوانات وتنظف المنطقه لديكي من الالتهابات إذا موجوده خاصه انك لسه عروس جديده اكيد عندك التهابات واكثري من شرب الماء
معلش كلامي كثير بعرف بس انا صار لي عند الدكاترة 3 سنوات من دكتور لدكتور يعني صرت دكتورة حاسه حالي
وانا جاهزة لاي استفسار
بالمناسبه انتي في اي بلد من فلسطين ؟؟؟؟؟؟؟؟

اختي lily 2002
شكرا جزيلا عنجد لنصائحك و الله اني بدي ناس يطمنوني متل هيك، بتسدئي شو بدي احكيلك اني اجتني دورتين بعد الزواج و زوجي ما بتعب الا بيوم 14 ل يوم 20 حتى هوه بحكيلي شكله في حدا داعي علينا، و الدوره الثانية انتبهت لوضعه حكيتله انت ما بتتعب الا وقت الاباضه اشي مش طبيعي :06: و هيه هاي الفتره و الي هيه فترة اباضه عندي تعبان و حالته حاله مش عارف شو ماله بس بحكيلي مش قادر، اما بالنسبه للنفسيه فهي اكيد بتأثر لاني بصراحه تغير عليي الجو كلية كنت عند اهلي مدلله كاسة الشاي ما اعملها و هلأ كلشي ع راسي و الله اني زي الي ماكله كفين، و بالنسبه للوزن انا نصوحه شوي و الدكتوره اعطتني دواء بيساعد على الاحتراق حكتلي ما بأثر بس بساعدك في عملية الحرق و اسمه METFORAL عشان تساعدني انحف و هيني بحاول اخفف و اختار الاكل المناسب،
اما المغاطس عملت اكم من مره مغاطس ديتول للتطهير و قصدك بال بايكربونات الصوديوم هيه الكربونه العاديه؟؟؟
انا اختي من عنبتا قضاء طولكرم ، و عايشه منذ ولادتي بالاردن، و حاسه انك من طينة بلادي مش عارفه ليش هيك البي بحكيلي، و من وين ما كنتي الله يحيي اصلك و شكرا و انا سعيده اني تعرفت عليكي خاصة انك الوحيده الي عبرتيني من بنات حوا


:26: :26: :26: :24:

عزيزتي انا من نابلس وساكنه في الاردن ايضا اما بالنسبه للتعب انسي الامر تماما بتعرفي مرات بتكون فترة التبويض بعد انتهاء الدورة مباشرة يعني لا تتقيدي بالايام المعروفه هاي نصيحتي لك وانسي الموضوع
اما بالنسبه للشغل كلنا يا عمري في الهوى سوى لازم تتعودي على الوضع والدواء لازم تستمري عليه انا اخذت جلوكوفاج ما بعرف اذا هو نفسه ام لا بس اعتقد انه نفسه بس باسم اخر
وراح احكيلك شغله حبيتي تتبعيها بكيفك انا بصراحه حملت بس رحت عند واحده عملتلي كاسات هواء كان ظهري كثير كثير مفتوح وعملتلي تحاميل إذا حبيتي بكتبلك هاي التحاميل علشان تعمليها يمكن تستفيدي منها
وانتي بعد كم شهر لازم تعملي صورة الصبغه الملونه علشان تتاكدي انه الانابيب عندك مفتوحه وكل شي تمام
بس
اما بالنسبه للمغطس نعم انا اقصد الكربونه لانها بتنظف وكمان بتعمل على تسريع الحييوانات المنويه للرجال وتنشيطها
وطولي بالك وهدي اعصابك

يسلموا على الرد يا عمري و فعلا ظني ما خاب و طلعتي بنت بلادي :* ، و الله فكرة كاسات الهوا كتير منيحه بس بصراحه ما بعرف ستات ازا ما فيها غلبة اذا بتأدري تحكيلي عنوان الست او تدليني عليها لانه ظهري بعد الزواج حاسسته مش شايلني، يعني شوي شوي عم بتحسن، حطيت لزقه بس برضه بوجعني، و التحاميل هاي الست هيه الي عملتلك اياها؟ مش غلط بستتخدمها اذا ساعدتك، اذا ما فيها غلبه و احراج ازا بتادري تدليني ع الست هاي بكون ممنونه لانها الفكره خطرت ع بالي ابل هيك بس ما بعرف حدا و انشاء الله انا ناويه اعمل مغطس كربونه بركي صار نصيب، و الله الحمد لله انا بفكر بالموضوع بس ما بضغط ع حالي بس الي مجنني انه زوجي نفسه بيبي و ترا هوه الي حارقلي اعصابي، الله يكتبلنا الي فيه الخير، و ازا في مجال تراسليني ع الخاص عشان الست بكون افضل و شكرااااااااااا كتير كتير الك و سعيده اني تعرفت عليكي يا قمر :24: :26:

ما تزعلي مني انونه الحلوة ارجوكي
إذا حبيتي بعطيكي طريقة التحاميل انتي بتقدري تعمليهم في البيت