السلام عليكم ورحمة الله.....كيفكم اخواتي
قررت وعزمت وان شاء الله كل وحده تدخل موضوعي تصير مثلي اني ماعاد البس بناطيل او اي ملابس ماتجوز شرعا لأن الدنيا ماتسوى والسعاده وراحة البال برضى الله وحده ....ولأن الشيطان:30: راح يجي ويقول يالله راح تخرب اناقتك وكشختك كيف راح يصير شكلك السوق كله بنطلونات وعريان وقصير والناس صارت عادي يعني وش فيها كلنا حريم مو مشكله اذا طلعت برا استري نفسك بالعبايه اهم شي انك تطلعين ذوق مثل كل مره.....لكن ابدااااااااااااااااااا ماراح استسلم وبدات بتغيير دولابي والأصح مظهري وبما اننا في موسم صيف ومناسبات واجتماعات بدات بتغيير لون شعري وقصته وبعدها لبسي اخذت تنانير جينز فاتحه وغامقه لأنها تمشي كثير مع اي شي وكمان تنوره بني وجاري البحث عن باقي الألوان مثل الزيتي والترابي وركبت عليها تيشرتات بألوان صيفيه واخذت بلوزه بيضاء ساده قطن كمها للكوع علشان البسها تحت التيشرتات القصيره مره وفيه في الأسواق اللحين البلايز الطويله المشجره اخذت معاها حزام بني نحيف وصرت احطه عالخصر على تنوره جينز وجزمه بنيه نفس لون الحزام طلعت واااااااااو ومانسيت الأكسسوارات المناسبه اما الفساتين الصيفيه فهذي عشقي اموت عليها اخذت كم واحد قطن بألوان قوية وركبت عليها جاكيت جنز لأنها كت مع سلاسل كبيره من الأحجار الملونه وخلخال وصنادل صاراللبس دلوووووووع مره وفيه كم فستان في مانغو علاقي بألوان ساده فكرت فيها مع بلايز مفتوحه من قدام عندهم وكمها للكوع حلوه مره مع بروشات ورد تطلعين يمي يمي وفصلت لي فستان للسهرات دانتيل مع كريستال واخذت اثنين جاهزه واحد شيفون ساده مع موديل بسيط والثاني موديل روماني فيه درابيه عالجوانب لونه فوشي بحط معاه اكسسوارات ذهبيه وافكر اني افصل جلابيات تفتا لرمضان ان شاء الله..............وباقي عندي شوية افكار بطبقها وسلامتكم ياذويقاااااااااات اتمنى والله اننا نبتعد عن الملابس المخالفه ونخاف من الله قبل انتقاد الناس لأن رضى الناس غايه لاتدرك ...
يلزم عليك تسجيل الدخول أولًا لكتابة تعليق.
الله يجزاك خير ويكثر من امثالك ووالله ان الستر احلى كشخة واعرف ناس لبسهم محتشم وكل الاناقة والرقي فيهم ولا شفنا هاللبس العاري والقصير يزين الوحدة بالعكس
مبرووووووووووك عليك يالغلا عقباااااال حبيباتي بنات خواتي الله يصلح قلوبهن
والله الي تلبس ساتر الكل يطالعها بحتراااااااام وتقدير
الله يثبتنا وياك على الطاعة
والله الي تلبس ساتر الكل يطالعها بحتراااااااام وتقدير
الله يثبتنا وياك على الطاعة
تسلمون والله شكرا لردودكم الحلوه.........وتراني ماكنت داجه مره لكن كنت البس بنطلونات وبدون اكمام <<وش خليتي..........واللي عندها شي حابه تعدله في اللبس نساعدها ان شاء الله واللي عندها افكار حلوه تفيدنا واللي ماتقدر تقاوم العريان تحاول تخليه في بيتها ولزوجها
الصفحة الأخيرة
جزاك الله خير وهدانا واياكي وبنات المسلمين اجمع لما يحبه الله ويرضاه وسدد خطاك يارب...