ان الله اذا اعطى ادهش .. لكل المتأخرات ادخلو وأقرأو قصتي

قصتي الجميلة
تخيلو بنات للان لأحد من اهلي أو اهل زوجي على الحمل.. اتفقنا انا وزوجي نستنى لما نسمع النبض ونتطمن ان كل شي تمام باذن الله ..
انا متأخره فالحمل ٥سنين انا سليمه وزوجي سليم بس لان عمري وصل ٤٠ كل الدكاتره اللي رحت لهم قالولي اعملي اطفال انابيب لا تنتظري لدرجة بعضهم للاسف فعلا رغم انهم استشاريين لكن احبطوني وخرجوني بدموعي من عيادتهم…
وعملت حقن مجهري قبل سنتين في مستشفى الملك فيصل في جدة سبحان الله نجحت العمليه وفرحنا كان قبل مايظهر نبض الجنين يعني في أول اربع اسابيع.. 😍🥰😍🥰
كل اهلي واهل زوجي عرفو بالحمل فنفس الفتره وفرحو معانا وفي منهم اللي زعلو مننا عشان ماسمعو من بدري😅😅
وصرنا محنا عارفين نرضي مين ولا مين… 💔😅
المهم بعد العملية ب٨اسابيع برضو ماظهر النبض وقررو انو لازم اعمل اجهاض ومن رحمة ربي طاح البيبي بدون عمليه كانو توئم ومرهاتأثرت نفسياتنا وحقيقي كانت فتره صعبه عليه وعلى زوجي وحتى على اهلنا بحكم انه اول طفل جي بعد انتظار طويل💔😭😔
سبحان الله حاولت اعيد العمليه بعدها كم مره وماتزبط
جات كورونا وفضلت العياده مقفوله فتره طويله طول ازمة كورونا بسبب اعداد الحالات الكبيره ولانهم عملو المستشفى مركز حجر صحي فوقفو كل عمليات الحقت المجهري واطفال الانابيب بالخصوص لانهم مايعرفو لسه تأثير الفايرس على الاجنه وأمهاتهم …
بعدها لما فتحو كلمت دكتوري لكن عقده كان منتهي وماقدر يتمم اجراءات عمليتي فوقتها قبل ما يوقع عقده الجديد مع المستشفى..
وفي مره عدد من موظفين المختبر انصابو بكورونا وطبعاً قفلو القسم مؤقتا خوفا على الاجنه المجمده
وفي مره كلموني اجي ابداء اجراءات التنشيط وزوجي ماقدر يطلع من دوامه💔💔..
المهم عكاسات غريبه سبحان الله بس بني آدم مايعرف الخير فين وكيف…
ربي يسر في شعبان الماضي كلمت الدكتور وقالي يالله نبدأ تنشيط وتياسير من ربنا رحنا وبديت بكورس ابر التنشيط المكثف كنت اخذ كليوم ٣ ابر في بطني لمده ١٠ ايام لعبت بنفسيتي وكنت اداوم ولازم تتاخذ في وقت محدد وضغط نفسي وجسدي كان …
ما عليه نصبر لجل أملنا يتحقق
عدت الأيام لحد قبل العملية بثلاث ايام كان يوم خميس والمفروض العمليه الأحد كلموني المستشفى وقالو ضروري تجي الجمعه عندنا تعمليتحليل دم وتعملي مسحة كورونا قبل العمليه بيومين هذا نظام المستشفى فالعمليات خلال ازمة كورونا …
رحنا يوم الجمعه الصباح وعملنا المسحه انا وزوجي ورجعنا البيت .. ونفس اليوم بالليل اخذت الابره التفجيريه استعداداً لعمليتي الليحتكون بعد بكره الأحد ..
عصر السبت اتفاجئ برساله على جوالي اني مصابه بكورونا ولازم احجر نفسي وانه تم الغاء عمليتي وانه موظفه قسم الاوبئة راح تكلمنيبعد شويه عشان تقولي ايش اسوي وتطمن عليه💔💔💔😭
اتجننت وبكيت اقولهم ماعندي اعراض مني مصابه قالو مافي خلاص تم الالغاء .. طيب عيدو المسحه انا متأكده انها خطاء تخيلو بعد الحاحاعطوني موعد عصر الاثنين يعني بعد موعد العمليه بيوم ايش حستفيد خلاص تكون البويضات انفجرت…💔💔💔
كلموني علاقات المرضى وقالولي الحل السريع انك تحجزي موعد في وزارة الصحه وتعمل المسحه ولو نتيجتك طلعت سليمه قبل وقت العمليهنعملها لك
حاولت احجز موعد مالقيت الاعصر الاحد يعني بعد موعد العمليه وعبال ١٢ ساعه تظهر النتيجيه خلاص انا انهرت ومع ذلك حجزت رغم انيعرفت انو خلاص مافي أمل اعمل العمليه دا الشهر بس عشان اتطمن لاني خالطت اهلي وزميلاتي فالدوام فدي الفتره…😭😭😭💔
الصدمه اني لما عدت المسحه طلعت النتيجه سلبيه وانا وزوجي سليمين ماعندنا شي الحمد لله 😍 والقهر لما كلمت الدكتور قالي انتي موأول حاله يصير فيها كده وتنلغي عمليتها بسبب تقرير خاطئ بس ابشري حرفع تقرير باللي صار وماراح اعديه ابداً الله يجزاه خير عملجهده..😔😔😔💔
نفسيتي رجعت انتكست من جديد وجلست فتره وضعي النفسي زي الزفت لدرجة اني استقلت من عملي…خيره الحمد لله.. وحقيقي ماني ندمانه على الاستقاله لاني كنت محتاجه اهداء وابعد عن اي ضغوطات وعملي كان مجهد نفسياً فوق الحاله اللي كنت فيها😔😭😔💔
وعدت الشهور بعد شعبان وانا كل شهر برضو اتصل حسب نظام المستشفى وابلغهم بموعد دورتي واحاول وماتتيسر اعمل العمليه ..
فالفتره هذي ركزت على النواحي اللي انا مقصرهفيها مع ربي .. عبادتي .. صلاتي .. ادعيتي .. الصدقه .. مساعدة غيري ماديا ومعنويا .. حتى سنابي وحالتي فالواتس خصصتها للأملوالسعاده ما اكتب فيها شي الا ويكون فيه تفاؤل او بشرة خير .. وكثير كانت هذي الحركه تأثر على نفسيتي وعلى غيري وحجم سعادتييتضاعف كل ما احد دعالي (الله يسعدك) اقول لابد وربي يستحيب مني ومنهم …
حاولت اركز في كل ايه اسمعها او اقرأها واعتبرها رساله مخفيه لي وما اكتفي بكده لا حاولت انقل فائدتها لغيري فالسناب والواتس..
لحد قبل ثلاث اسابيع كلمت الدكتور اللي بيتابع حالتي وقالي تعالي بكره ابدأ معكي التنشيط😍😍..
طرت من الفرحه ورحنا انا وزوجي للمستشفي من بدري صباح ثاني يوم ..
عملت السونار ومررره طولت فيه ودكتوري اتأخر ماجا بدري العياده لذلك قرأت الاشعه حقتي دكتورة زميلته فالعياده عبال مايوصل هوه وكانت لطيفه جداً وهي تكلمني ..😰😰😰
قالتلي اشعتك فيها شي غريب الرحم سميك جداً المفروض عشان نعمل العمليه مايزيد عن ٥ بس عندك سمكه وصل ٢٠ لذلك حكتبلك تحليلالحمل الان تنزلي تسويه فالمختبر ولو ماطلعتي حامل راح اعطيكي ادوية نعالج بيها هذي المشكله حبوب منع الحمل وادويه غيرها وحاولتتهون عليه لانها شافتني مصدومه وخايفه وتايهه ماني فاهمه شي …💔😳😥😰😓😵‍💫
نزلت عملت التحليل واخذ ٣ساعات وانا فالانتظار جالسه أدعي ان الله يجبر قلبي واقراء سورة البقره واستغفر وأسبح وكنت اكرر الدعاء(لااله الا الله العظيم الحليم ، لا اله الا الله رب العرش العظيم ، لا اله الا الله رب السماوات السبع ورب العرش العظيم))😌💕
شوي واسمع ضجه في الاستقبال الموظفات فرحانين واصواتهم عليت فجأه ونادتني الممرضه وهيه فرحانه وطايره تقولي مبررروك النتيجهظهرت الهرمون عندك ماشاء الله ٢٠٠٠ وكيس الحمل واضح هذا حمل مؤكد .. 🤩🤩🤩 حتى ما استنت الدكتور يبلغني لانها شايفتنيمن الصباح في قلق ورعب غير انها عاشت معايه معاناتي فالفترات اللي قبلها😍😍😍
ربي ما اعظمك ماتتخيلو شعوري كيف
الدموع صارت تنزل لحالها من الفرح😭😭😭
ربي جبر قلبي رحت ابا اعمل العمليه لقيت نفسي حامل في خمس اسابيع بدون عمليه يارب يا حبيبي جبرت قلبي وسترتني ورحمت ضعفيوحققت املي…
الحمد لله .. الحمد لله .. الحمد لله …
ناديت زوجي من استراحت الرجال واقوله الخبر وهو مصدوم مو مستوعب .. العياده قلبت فرح وامل وسعاده كل المريضات والممرضاتوالدكاتره فرحانين لنا ومعانا .. كلو يهني ويبارك وانا مو مستوعبه يالله الخبر العظيم هذا..😭😭😭😭😭😭😭😍
حقيقي ((ان الله اذا اعطى ادهش))
ربي جبر قلبي وقلب زوجي وفرحنا وفرحهم معنا على قد ماكانو بيساعدونا وبيتعبو معانا طول الفترات اللي حاولنا فيها نعمل العمليهوماتزبط…
دخلنا للدكتور واحنا في مرحله الصدمه لا احنا عارفين نهرج ولا هو عارف ايش يقولنا 😳😍😭..
قد ما اوصف والله الموقف عظيم عظيم عظيم جداً
باركلنا الدكتور واعطني ادوية وتحاميل مثبته التزم بيها اسبوعين ثم ارجع له لجل نتأكد ان كل شي تمام ..
والان انا بنتظار الموعد بفارغ الصبر .
سبحانك ربي ما أعظمك جبرت قلبي وقلب زوجي وفرحتنا يارب يامن لايعجزه شيء في الأرض ولا في السماء وهو السميع العليم تمم حمليوخففه ويسر امري وارزقني الذرية الصالحه السليمة التامة الخلق والخلقة واكفنا شرور انفسنا وسيئات اعمالنا.🥰🥰🥰
اوصيكم بالتسبيح قبل الفجر وقبل العصر حطي منبه يذكرك بالتسبيح .. وكثرة الدعاء والاستغفار والحمد وقراءه سورة البقره .. حصنينفسك وزوجك وبيتك بسورة البقرة ..
والاهم انه يكون عندك يقين ان ربي راح يجبر قلبك وييسر امرك ويحقق امنيتك من حيث لاتعلمين ..
والله اني كنت ادعي واقول يارب لاتحوجني لاحد الا لوجهك الكريم .. يارب احتاجك جبرك انت ما احتاج الطبيب .. يارب تجعل جبري علىيديك وليس بيد طبيب.. يارب ارني عجائب قدرتك ..
ختاماً دعواتكم لي بالتيسير والتمام والتوفيق
سامحوني طولت عليكم … نزلت قصتي بكل ايجابية وسعاده وانا على يقين ان ربي مثل ماجبر قلبي راح يجبر قلوبكم ويعوضكم ويعوضنيعوض الصابرين ..
وابشركم الحمد لله امس رحت سمعت النبض والأمور تمام يارب تمم لي بخير ويرزق كل من تتمنى من واسع فضله
والسلام عليكم ورحمة الله وبركاته.