ان ثقلت صرت مملة وكئيبة وان حاولت اصير مرحة صرت خفيفة وهبلا زي الاطفال تعبت/ قديم

الله يسعدكم يابنات
انا تعبانه حييييييل
كرهت الزواج وكرهت الناس وكرهت كل شيء بالدنيا بسبب شخصيتي ماأدري كيف اطلع من اللي انا فيه مو معقول السبب تعامل أهلي وعصبية ونقد أمي خواتي جاهم زي ماجاني يمكن انا اكثر بس جاهم ومع ذلك ثقتهم بنفسهم مية مية
انا ضااااايعة جدا ماأدري كيف بعيش وكيف بكمل حياتي
شايلة هم كل شيء
احس اني ضعيفة وصغيره مع اني عمري نهاية العشرينات
اخاف من المسؤولية من الزواج وسابقا الاختبارات تفكير وهم ومغص وأرق
بارده كسولة جامدة يهمني نفسي سنين طويلة ماكنت ادخل نفسي بمشاكل اهلي ولا بشؤنهم ولا اجلس معهم كثير كنت احاول ابعد نفسي عن المشاكل وارقى بغرفتي صرت انطوائية واحب الانطواء
اسمع عن بنات بالفيس بوك وانستقرام وتويتر وكل مكان لهم صديقات وضايفين قريباتهم
وانا ولا قريبه لي سالتني اذا عندي اسنتقرام وتبي تضيفني
من فترة بس صرت انزل تحت مع أهلي وأجلس معهم كثير وبقول وش صار
اكتشفت اني نفسية وحساسة جدا
اتحسس من امي وأخذ تعاملها معي بتضايق وحساسية وعصبية وانفسسس بداخلي والحمدلله قاعده احاول اخذ بطيب خاطر وابتسم واتفهم رغم انه يأثر بشحصيتي ومعنوياتي
اكتشفت اني ثقيلة دم وماأعرف اكون مرحة وفرفوشة ابدا ولا اجاري اهلي ولو حاولت افرفش واستهبل زي خواتي واحارش اخواني احسني ممثلة وابذل مجهود واضغط على نفسي عشان استهبل كذا ومو هذا جوي ياليتني اضبط ممكن اخربها واصير زي الطفلة صغيرة العقل بالصوت والضحكة والكلام
غير كذا سوالفي مداخلاتي ردودي ارائي مع امي واخواني ابدا ماتلفتهم ولا يحبونها ولايثقون فيها
اجتماعية مع اقاربنا رزينة بشكل كويس اكثر من خواتي لان كلن يسولف اسمع بابتسامة وممكن اشارك او اعاونهم لاني اكون من زمان ماشفتهم فتطلع سوالف واسال عن اخبارهم واحاول اضغط على نفسي واجرأ نفسي
داومت فترة في مدرسة كنت اشيل هم اذا بجلس مع المدرسات كيف بضيف لجوهم وكيف يرتاحون لي واخاف لو حاولت افرفش تطلع ضحكة ولا كلمة يقولون رجة ولا خفيفة فكنت احاول قد مقدر اجلس بمكتبي ماأجتمع معهم حتى لو قالوا وعرضوا اكثر من مرة اختلف اعذار الا ان خلاص ماعاد عرضوا علي
اخواني اصغرهم بالثانوي واكبرهم اصغر مني بسنة
اخواتي وحده اصغر مني باربع سنوات ووحده بست سنوات
مالي أي علاقة فيهم حاولت اتقرب منهم بس ماينفع احس تمثيل نظام السلام عليهم اذا صحيت
شخصيتي هادئة عاطفية حنونة وجدية وهم شخصيتهم غير
مزاح واستهبال ورمي كلام وميانة ع بعض ويعصبون على بعض بمزاح وفالينها وحركة واكشن وسبببب على بعض ومعاير ومبسوطين اخواني مع خواتي وامي تنبسط بجوهم بينما لو ابقى انا وهي تروح تنام
اكثر شي يذبحني ان اهلي ياخذون برأي خواتي الصغار بكل شيء بالديكور بألوان دهان البيت بكل شيء وانا صفر على الشمال صننننم مع اني جالسة معهم واحاول اطرح رايي عليهم بس مايعجبهم تحطمت كثير واثر في نفسيتي مادري طريقتي بالطرح او ايش بالضبط ياربي هل هذا قدري اني غير مقبولة من اهلي
ماأدري كيف لو بتزوج بدخل بيت زوجي وانا بهذي النفسية والاعصاب وعدم الثقة
مو قادرة ابني نفسي من جديد مو قدراة اطلع من اللي انا فيه مو قادرة اكون ثقيلة ورزينة وبنفس الوقت مرحة
المرح اصير هبلا وطفلة والثقل والرزانة احسني جدية ومملة وكئيبة
ماعندي مرونة بالتعامل ابدا
ماعندي مهارة المبادرة بالسوالف وخلق اجواء حلوة جامدة ومملة الا لحد مايكون معنا احد يسولف وينكت وانبسط واشارك طيب كذا كويس محلولة
بس لو تزوجتي وانتي عاد محد داخل معك البيت يساعدك يفتحلك مواضيع انتي المطلوب منك خلق الاجواء هذا وش السواة مطلوب منك تكونين رزينة خلوقة وبنفس الوقت مرحة كيف الخلطة ذي
هل المرح نفس حركات واسلوب خواتي مع خواني وين الرومانسبة والأدب والاخلاق الللي كنت اقراها بالتعامل مع الزواج
هل الرزانة هي الثقل والجدية والرسمية
!!!
احترت كثير
صديقتي كيف تصحي زوجها بيدها ع شعره بكلام حلو حبيبي
والله للو بصحي واحد من اخواني بقوله قم يافلان الله يرضى عليك كف ولا نفخة على وجهي مايحبون الجو الذوق هذا بعكس خواتي يصحون اخوني انت هيه قم للصلاة تدل باب البيت ولا طس ولاثور باستهبال وضحك ينبسطوووون خواني
صديقتي ماعاملت زوجها زي ماخواتي يعاملون اخواني ومع ذلك اخواني مبسوطين ويفقدون خواتي هذول وانا الذوق اللي زي صديقتي اخواني وخواتي وامي ماطقولي خبر ولا يحبوني ولايفقدوني
تعبانه جدا ومخي انفررررر
ومن كثر ماأنا تعبانه وشايلة هم واأفكر صرت اتأتأ وأقول كلام مو موزون ملخبط وارتبببكككك