lolo 110

lolo 110 @lolo_110

محررة ذهبية

ان شاءالله اموت قبلك يا تاج راسي

الأسرة والمجتمع

بسم الله الرحمن الرحيم

طبعا انا مش مزوجة

بس هاي المقولة كنت دايما أسمعها من جدتي الله يرحمها

كانت دايما تدعي بصلاتها وقيامها ونومها

"ان شاءالله اموت قبل زوجي وتاج راسي..."

وكل ما نحكيلها الله يطول بعمرك يا ست الكل

ترد بحرقة بقلبها وتحكي ياما بنسمع قصص حريم كيف بنذلوا بعد ما يترملوا..بين مشاكل على الورثة وبين مشاكل

الاولاد وبين مشاكل الحياة

فسألتنا..
مين احسن هالمذلة او الموت؟

قلتلها مش للهدرجة!!!

وكان عمري وقتها 15 سنة

بس بعد ما كبرت وشفت الدنيا على حقيقتها وبدأت اسمع قصص وحكايا عن الأرامل:

وحدة الي مات زوجها وترك دين وراه اضطرت تتكفل بالدين رغم ضيق الحال

والتانية الي بدهم يزوجوها لاخو زوجها مشان العيال

والتالتة الي بدهم ياخدوا عيالها من بين ايديها لانهم احق منها فيهم!!

والرابعة الي بتسمع الناس عم بيتهامسوا عليها ويتغامزوا وين ماراحت واجت


فمن وقتها وجملتها مركزة في ذهني وفعلا ازا اجا نصيبي..حضل ادعي ليل نهار بقيامي وجلوسي الله يجعل يومي قبل يوم زوجي




ملاحظة:فعلا ربنا استجاب لدعواها وماتت جدتي قبل جدي بسنين الله يرحمهم ويغفرلهم يارب




الدور الباقي عليكم يا صبايا وتعطوني آرائكم بالموضوع

11
1K

يلزم عليك تسجيل الدخول أولًا لكتابة تعليق.

تسجيل دخول

**أم رناده**
**أم رناده**
لا عاد لدرجة تدعي

طيب فرضا ماتت وتركت وراها أطفال ياحرام

الأطفال يحتاجون الأم أكثر من الأب وعايشين معاها 24 ساعة وهي الي تأكلهم وتدرسهم وتنظفهم
**أم رناده**
**أم رناده**
وعلى فكرة أنا أبوي متوفي الله يغفر له ويرحمه

الأم وجودها أهم أهم أهم
lolo 110
lolo 110
وطبعا انا معك انه وجود الام بالنسبة لبعض الابناء اهم من وجود الأب

بس هي ما بدأت تدعي إلا بعد ما تطمنت على جميع اولادها انهم تزوجوا ولله الحمد
موج.1
موج.1
حنا لو نسمع كلام جداتنا ونمشي عليه كان نسلم من اشياء كثيره لان كلامهن حكم الله يرحمهن وكلام جدتك صحيح و واقع نشوفه
حاليا والله يعفوا عنا ويرحمنا وشكرا لك يأختي لأنك حسبت حساب لكلام جدتك الله يرحمها والله يوفقك .
lolo 110
lolo 110
والله يا اخت موج كل ما اشوف حجة كبيرة بالعمر بحس انه البركة فيها وخبرة سنين مخزنة في ذاكرتها
ولسانهم بينقط حكم رغم الفرق الكبير بين اعمارنا

اشكرك على المرور الطيب