ان شاء الله أجد عندكم الحل ؟

السلام عليكم أخواتي ..

اللي عندها حل تكتبه لي وأنا أدعي لها ...

زوجي عجزت أعرف له أنا متزوجة من 9 سنوات وعندي طفلين والثالث بالطريق ... كل هالسنين اللي فاتت وأنا مافهمته .. ساعة زعلان ساعة راضي ساعة مشغول ..

إن تكلمت سكتني وإن سكت قال وراك ما تتكلمين ... إذا جلست أمزح وأستهبل وأدخل جو مرح على البيت وعلى العيال قال وش هالهبال ... أعقلي بس .

وان جلست هادية وما ضحكت ولا فرفشت قال وراك مبوزة .. أحترت معاه :44:


ودائما وطول الوقت يقول أنا مشغول ... لا يحب الزيارات ولا الطلعات أهلي بالطقاق يوديني لهم ويوم الخميس بس لو أطلب يوم ثاني قال خلي أخوانك يودونك ويجيبونك ...

أنا ما همني إلا ودي أعرف وش يبي وشلون أفهمه وشلون أتعامل معاه هو جدي مرررررررررررررررررررررره ..\\

ولا يحب التعليق ولا يحب التنكيت ... وطول الوقت وهو عندي بالبيت يراقب العيال شوفي البنت وش قالت للولد وشوفي الولد وش قال للبنت ... لا تخلينهم يلعبون مع بعض ولا ينامون مع بعض .. مع أنهم توهم صغار ..

طيب أخوان بالعكس ودي عيالي يحبون بعض ولا يصير بينهم رسميات ..

ما أعرف أتكلم معه ولا أناقشة ... دائماً يقول لي أنتي ما تفهمين أنتي غبية ما تعرفين أنتي وش دراك عن هالموضوع ..

يدعي أنه دائماً هو اللي يعرف والناس الباقين بالطقاق .. وأنه دائماً على حق والناس الثانية على غلط وأنه هو دائماً صح واللي يتكلمون معه خطأ ..

ما أدري وش أسوي معه أعلنت انهزامي بأني ما أعرف أتعامل معه :(

( يعني بالخط العريض وبالعربي ما أدري وش يبي )