ان شاء الله تعالى انه كريم سحري كما قالت

بسم الله والصلاة والسلام على اشرف المرسلين وخاتم النبيين

السلام عليكم ورحمة الله وبركاته

الى كل الامورات والجميلات والشابات ونص شابات مثل حالتي :42:

فيه كريم شفته عند صديقتي ايطالية عايشة هنا في لندن
هي كبيرة بالعمر بس والله مو باين عليها
الكريم الله يسلمكم تقول انه كريم سحري يضيئ البشرة يوحد اللون ويشد البشرة ويفتح المناطق الداكنة بالجسم وخصوصا المنطقة الحساسة لان هما فعلا ما تلاقي سواد بين افخاذهم اذا فيكم من راحت بلاجات في دول الغرب لاحظوا الاجسام تناسق مو طبيعي
انا اخذت واحد منها بس والله للحين ما بديت فيه لاني بيني وبينكم ماني من هاويات
البياض والشد والخزعبلات بس باذن الله عشان خاطركم بجربه واعطيكم خبر بالنتائج
الكريم هي جايبته من ايطاليا
ادعوا اادعو ادعو انه فعلا كريم سحري عشان تنحل مشاكل الركب والاكواه والسحنات :)
ونفتك من كل هالمواضيع اللي يا كثرها بدون فايدة .

وشي ثاني انا سئلتها اذا موجود عندهم بايطاليا كريم تكبير الصدر قالت موجود ومفعوله 100%
و راح تجيب لي حبة
يلا بنات شدو الهمة بالدعوات لي وانا راح اصير حقل تجارب فداء عيونكم الحلوات
باذن الله 3 اسابيع ارد لكم الخبر اليقين يا ابيض يا فقلو على كل المواضيع وكل وحدة ترضى بنصيبها وتحمد ربها على النعمة

وسئلتها عن كريم التنحيف قالت كل شي موجود وبضمان ... بس الا كريم التنحيف اللي ماقدر
اجربه لاني خلقة ربي معصقلة وما احتاج لو حطيته ممكن اختفي :42: مافيني شي يحتاج تنحيف عيدان عيدان
بس ولا يهمكم بشوف وحدة من الاقارب اعطيها تلطخه ونشوف ايش القصة بس الله يستر


والسموحة من الجميع على اللخبطة في كتابة الموضوع لاني زيرو في ال**** وترتيب الجمل احول عندي
يلا المهم ان الفكرة وصلت لكم و دعواتكم لي ان ربي يعفو عني ويعافيني


وباذن المولى برد لكم خبر عن النتائج :rolleyes:
والسلام ختام