السلام عليكم ورحمة الله وبركاتة
صباحكم
مسائكم
ورد وفل ولوز
أنا اختكم الفقيرة الى الله عندي سالفه هيك حصلت لي مع صديقتي وحيرتني
أنا الحمد لله انسانه قلبي أبيض واتمنى الخير لغيري اكثر من نفسي مخلصة ووفيه جدا وماعندي لف ودوران سيده يعني
بالذات عند صديقاتي
المهم صديقتي هذي لنا يمقن 8سنوات عشرة عمر
بس احيانا تصير منها حركات او يوصلني كلام عنها ومواقف
تبين لي انها تغار مني وكذا وتحسدني
وكم مره اتسامح وصفي النيه معها وطوف ومشيها هي قدامي تبين لي اني اهم واعز انسانه عندها ومن وراي تتكلم لكل الي تعرفهم عن حياتي وانا احيانا افضفض لها غصب عني ماعندي الا الله ثم هي
مع انها انانيه معي وتحبني اسمعها بس وتشكي لي وحل لها مشاكلها ووقفت معها كثير وهذا واجب الصداقة بس بالمقابل افكر مااستفدت منها شيء بس حسد وانانيه
المهم اكثر من مره تتكرر حركه منها معاي طوفت وطوفت ووصلت حدي
مره كلمتني بالجوال وهي مسافره مع زوجها بالسياره استغربت صراحه
وكنت اقولها اتصلي بعدين وتقولي لاعادي المهم تكلمت معاي وقالت حظك خطيبك يجيب لك هدايا وفترة ملكتك طولت وتدلعتي مو مثلي لانها تزوجت خلال شهرين بس وقامت تشتكي من الدوره قالت اذكرك بالمدرسه كنتي تموتين من الم الدوره وقامت تبالغ بالموضوع استغربت منها وقالت كلام كثير عني بمبالغه قفلت وانا مستغربه في اسلوبها بالسوالف معي غريب ثاني شيء انها تكلمني وزوجها معاها اول مره تسويها بس قلت يلا صفيت نيتي
مره ثانيه تكرر الموضوع وكان زوجها معها وانا مادريت سالتني كيفك مع خطيبك وقلت لها باختلاف بسيط بيننا وكأن البنت ماصدقت
تقولي انتي عصبية وشديدة مره اذكرك بالمدرسه كنتي تعصبين مره وخشمك ينتفخ ..حسيت اني ديناصور
وتجيك ام العبيد الرجال يبي لهم صبر ومداراه وانتي ماتتحملين وقامت تبالغ مررره وكانها تشوه صفاتي سكت وانبهرت من كلامها مع اني انسانه هاديه الحمد لله مااذكر اني عصبت قداامها يعني تبي تبين انها كويسه وفاهمه وعندها اسلوب وانا لا هنا عرفت ان ابو الشباب جنبها
والبنت تبي تسوي نفسها مافيه زيها يعني تلمع صورتها على حسابي
سكت وسلكت لها
بعدين احلم فيها وشيخ يحذرني اني اتكلم لها وقول لها اسراري
وهي تنقل لناس
والمره الثالثه والثالثه ثابته زي مايقولون
كلمتني وسولفنا وكنت اعتقد انها لوحدها
المهم قالت يوم زرتك اخر مره نحفففففتي
وصار شكلك يخوف واسنانك صارت بارزه مرره وجسمك نحيف
وقالت صرتي تشبهين الي بالكراتين وقالت لي اسمه حيوان ناسيه اسمه وربي
لدرجة انا وهي تتكلم سكت انصدمت
وهي ماسكه خط تسب فيني وهي ميته ضحك تخيلوا
وكلام كثير قاعده تردد فيه وتعيد وتزيد وترفع صوتها ماقدرت اكتبه وربي لانه جرحني
وتقول امانه لاتزعلين من كلامي بس اقولك الصدق
بعدين قالت يافلان لاتسوي كذا تكلم زوجها وقتها عرفت انه عندها
طبعا بعد زيارتها هذي لي كلمتني وقالت ماشاء الله عليك صح انك نحفتي
شوي بس وجهك ماتغير حلو زي قبل ومدحتني كثير
وهي صريحه طبعا ماتجامل ابدااااا
وانا الحمد لله مابقول ملكة جمال فيني نصيبي
وانا احلا منها بكثير هي اقل من عاديه
بس يوم تكلمني وزوجها معها غيرت كلامها لي ذم
وسلختني سلخ
اصلا مو مجبوره لاتمدح فيني ولاتذم وش دخلني بينهم انا
انقهرت وحزت بخاطري مافكرت فيها ولافيه بالطقاق
بس انا مو طوفه هبيطه لها ولزوجها وتسوي نفسها ملاك قدامه على حسابي اصلا هي مو مجبوره تسوي كذا
ليش تجرحني عشانه وانا مخلصة لها واحبها وتمنى لها سعادة وربي
حتى اذا اتصلت وصادف انه موجود اعتذر وقفل على طول
يعني ماازعجها ابدااا واتحسس من المتزوجات بشكل عام
من ناحية الاتصال والرسائل
حتى يوم زواجها قلت لها وش تبين هديتك قالت ابي مجموعه من نكتار وجبت لها وحطيت معها عطر من العربيه على ذوقي تعرفون عطور العربيه حلوه بعدها اتصلت علي وتشكرني قالت زوج شم ريحة العطر قال شكل صديقتك رسميه مره وهي تضحك وزوجي مايحب هالنوعيه من العطور مااتعطر فيه
.....طيب اسكتي وجامليني
اهم شيء الموقف يوم تسب بشكلي ماقدرت انساه وربي انجرحت
قمت دخلت بقروب هي وصديقاتي موجودين فيه
(قلت لهم تخيلوا بنات وحده كلمتني وسوت فيني حركه ماانبلعت لي
ومسويه كيد نساء على حسابي وكنت احترمها كثير بس طاحت من عيني بعد موقفها معاي تسوي نفسها ذكيه علي وانا افهمها وهي طايره )
...........................................
وشكلها فهمت قامت تسألني وش سوت لك وش صار
طنشتها المهم وصلت الي بقلبي وبردت حرتي
لانها دائما تمدح نفسها وتقول انها ذكيه وتحسسني ان الكل غبي الا هي
وصرت اشوف اتصالها رسائلها عالواتس قلبي يرفضها خلاص ماابغى منها الا تسكت عني والله الغني عن صداقتها المشكله تناديني بقروب قدام البنات وتحرجني وعلمت اختي قالت خلاص اقطعيها
وقررت اقطعها هو شيء صعب عليه بس انا فقدت اشياء اكثر
وماني متحمله احد يزود جروحي وانا انسانه من حالي ببالي ماأأذي احد ولااتدخل بحياة احد وهي تقولي ماشاء الله عليك لي سنين
معك ماعمرك سألتيني عن خصوصياتي او عن حياتي مع زوجي
وأنا محتاره قسم مادري هل الموضوع يستاهل ولا انا حساسه بزيادة
بتقولون عادي مابيضرني شيء لوقالت قدام زوجها بس لوكنتم مكاني بتحسون باحساسي لو قالت لي انا قلت لك كذا عشان كذا وفهمتني كانت بتهون بخاطري وربي ماازعل
انا احس زوجها يتكلم عني ويقهرها حسيت هذا من كلامها
بس هي السبب تقوله كل شيء
وهي تدري بلي بخاطري ولا لي ذنب بتفكيره تقدر تعدل صورتها قدامه باي طريقة تعجبها غير انها تجرح الناس
واصلا استغفر الله مايستاهل مقصر معها مره لاتبيع الناس الي يحبونها عشان ترضي انسان مافكر فيها
هل تحسون قراري صح وتستاهل اني ابعد عنها
تعبت من حركاتها ولفها ودورانها
ادري طولتها بس تحملوني معليش لاني انصدمت مررره
من الموقف وكل شوي اتذكره وقول ان كيدهن عظيم
وربي خفت منها
نفسي اعرف لو كنتم مكاني كيف بتتصرفون مع هالانسانه
اشكر كل انسانه اخذت من وقتها وقرأت موضوعي وشاركتني
اسأل الله العلي العظيم ان يحرم وجوهكم على النار
يلزم عليك تسجيل الدخول أولًا لكتابة تعليق.
بصراحه والله اللي صار لك شي غريب معقوله في أحد كذا طيب وش دخلها في شكلك
بس المهم أنتي ماعليك منها اللي باين من كلامك انها تغار منك وبقوووه بعد بس أنتي طنشيها ولا تهتمين
شيليها من حياتك ولا تفكرين فيها صدقيني إللي صداقتهم كذا البعد عنهم راحه
بس المهم أنتي ماعليك منها اللي باين من كلامك انها تغار منك وبقوووه بعد بس أنتي طنشيها ولا تهتمين
شيليها من حياتك ولا تفكرين فيها صدقيني إللي صداقتهم كذا البعد عنهم راحه
بعدين قلت لنفسي ليش ماقفلت عشان تفهم بس وقتها جاتني صدمةماقدرت اقول شيء سكت وحاولت اختصر المكالمه بسرعه وقفل ومن بعدها ماتواصلت معها الله المستعان
بصراحه أستغرب كيف تسبك كل هالسب وساكته لها ماعليش صديقتك تحترمك واللي مايحترم والله مايستاهل تعطينه حتى وجه حتى لو مابقى إلا هي تفضفضي لها طنشيها
الصفحة الأخيرة
خير؟؟
وش هالحركات الغريبه !!!
تدق عشان تمرمطني وتهزئني،،،،
الله يعينك انتي بغنى عنها