هلا بك اختي
أنصحك بزيارة طبيبة جلدية لان من خلال ماذكرت ربما تعانين من أكزيما وهذه الحالة لاينفع معها الزيوت وستنصحك الطبيبة بما عليك عمله لشعرك
أتمنى أن أكون أفدتك وبالتوفيق

لترطيب الشعر وتخفيف كشة الشعر :حطي حنة
طريقة وضع الحنة على الشعر ( وعن تجربة )
حطي زيت في شعرج بكمية كبيرة ، سبحيه زيت
اخلطي مجموعة زيوت ( باراشوت + سمسم + زيتون ) أو أي زيوت ثانية عندج

نجي للحنة
طريقة الحنة :
اخلطي حنة حسب طول شعرج مع ماي ( خلي الحنة خفيفة مثل عجينة اللقيمات عشان يوم تحطينها في شعرج يتغلغل في الشعر )
اتركيها على الأقل 6 ساعات وعلى الأكثر 12 ساعة

بعد ماتحطين الزيت حطي الحنة على شعرج ( طبعا بتسيح الحنة على رقبتج وبتلعوزج بس تحملي )
لفي شعرج بكيس نايلون أو بسفرة الطعام اللي تكون للاستعمال الواحد وترتمي
اتركي الخلطة في شعرج من 2-3 ساعة

اغسلي شعرج مرتين بالشامبو


بخصوص القشرة والحكة
أنا كنت أحك لين ماأشوف شوية دم في أظافري
جيبي جدر وحطي فيه نص كوب خل ( أنا استعملت الخل الأبيض العادي ، بس الناس تمدح خل التفاح ) وعبي نص الجدر ماي
بعد ما تغسلين شعرج من الحنة صبي الجدر في راسج بالتدريج مع تدليك خفيف لمناطق الحكة لمدة دقيقتين
بعدين اشطفي شعرج بالماي عادي


أنا جربت طريقة الخل وخفّت الحكة بنسبة 85%
مع اني رحت المستشفى وعطوني شامبو للقشرة والحكة بس ما فادني