:icon33: :icon33:
اول شي الحمدلله لله على كل شي لله مااعطى ولله مااخذ :(
بنات انا من فترة نفسي احمل وشلت اللولب من تقريبا خمس شهور ولا حصل حمل وهالشهر اللي فات بفضل من الله صار حمل وكنت طايره من الفرحه وزوجي بعد مو مصدق اني حامل وقلت يالله يمكن الله هالمره يرزقنا بولد لاني عندي كله بنات :44:
سويت تحليل في البيت اول مره مابين الخط عدل كان خفيف بس المره الثانيه بعد كم يوم طلع الخط واضح رحت للدكتوره وقلت لها اني سويت فحص وطلع موجب بس عندي الم فضيع برجولي وظهري وبطني وشويت افرازات المهم سوت لي صوره وشافت كيس البيبي وازيدكم من الشعر بيت قالت لي احتمال يكونون توأم هنيه انا ماتحملت من الفرح طرت مب مصدقه لاني صار لي فترة وانا ادعي ربي يعطيني توأم اولاد عشان افرح زوجي :icon33:
المهم قالت لي كل شي طبيعي ويمكن الالم من الحمل او عندي نقص كالسيوم وقالت لي شربي حليب وكتبت لي الفولك اسيد
بعدها بيومين ماقدرت انام من الم رجولي وظهري قلت احسن شي اروح المستشفى واشوف شسالفه رحت ولقيت دكتوره عراقيه معروفه عندنا فحصتني الفحوصات العاديه وقالت لي كل شي طبيعي بس عشان نتأكد ان مافي التهاب خلينا ناخذ مسحه من داخل ونسوي لك فحص وبنفس الوقت قالت لي في عندنا فحص اللحين لاكتشاف سرطان الرحم المبكر قبل لا يتكون بعشر سنين وانه فحص بسيط وسريع انا على طول رحبت بالموضوع وقلت لها شي طيب سويلي هالفحص قالت لي في حريم مايرضون يسونه انا هنيه استغربت ليش مايرضون بالعكس هذا فحص مهم حق كل وحده
المهم سوت لي الفحص وخذت مسحه من داخل حسيت بألم بسيط في البدايه بس بعدين راح وقالت تعالي بعد اسبوعين بسوي لج صوره عشان اشوف البيبي اللحين مايبين قلت لها اني سويت من يومين والدكتوره شافت كيس الحمل ماصدقت قالت ماعتقد نقدر نشوفه لانه بعده مايبين !!!!
وقبل لا اطلع قالت لي اذا نزل عليج نقط دم لا تخافين لانه هذا من الفحص :eek: هنيه خفت وعرفت ليش الحريم يرفضون يسون هالفحص
في نفس اليوم مانزل علي اي شي والحمدلله خف الالم في رجولي وظهري خذت حبوب الفولك اسيد وشربت حليب ونمت عدل ذيج الليله بس ثاني يوم بالليل حسيت اني مب قادره امشي ولا اتحرك وبالم فضيع بظهري ورجولي وبطني مثل الم الدوره رحت الحمام ( كرمتوا ) لقيت شويت دم قلت يمكن هذا الدم اللي تقصده الدكتوره حاولت انام ماقدرت عند صلاة الفجر رحت بتوضا عشان اصلي ماقدرت امشي ونزل علي بعد دم حسيت انه شي بيصير وقلت حق زوجي قالي توكلي على الله ولا تخافين انشالله خير
:icon33: الساعه ثمان ونص الصبح حسيت شي بينفجر في بطني وسحبت نفسي لين الحمام ماكنت قادره امشي واول ماقعدت الا ذاك الدم اللي ينزل علي وفي شي حسيت فيه نزل يمكن الكيس رحت قومت زوجي من النوم ورحت المستشفى وعلى طول دخلوني على الدكتوره وسوت لي صوره من تحت ولا شافت كيس الحمل قالت الظاهر طاح
وقعدت تواسيني وتقولي انه بداية حمل بس الله ماكتبله يستمر قلت لها انا اول مره تصير لي قالت لي عادي ولا تخافين ويمكن هو ماكان ثابت من البدايه
بصراحه زعلت وحسيت باحساس خواتي اللي الله ماعطاهم عيال او الله يعطيهم وينزل الجنين وقلت في نفسي الحمدلله على كل شي وزين انه نزل اللحين توه شهر ولا انه ينزل بعد كم شهر واكون تعلقت فيه
وقعدت اتذكر الاسامي اللي كنت مختارتنه حق الاولاد اذا الله عطاني واسامي البنات وشكل زوجي وهو بيطير من الفرحه ومب مصدق اني حامل وبتوأم بعد
الحمدلله على كل شي والله يعوض علي ويرزقني ويرزق كل محروم يارب
غرشوب رعبوب @ghrshob_raabob
محررة برونزية
يلزم عليك تسجيل الدخول أولًا لكتابة تعليق.
شلون تخلينها تكشف عليك اصلن الوحده في بداية الثلاث اشهر الاولى لازم ما تكشف من تحت الا في حالة ربط الرحم لان الكشف ينزل الجنين
وهذي الدكتورة اللي كشفت عليج واخذت المسحة اكيد انها اخذتها من الرحم مش من المهبل ..يعني تحرشت في اخطر منطقة اللي يكون فيها الجنين لين الحين ما تثبت.. لان من يستوي الحمل المفروض ان عنق الرحم يكون سدادة تمنع نزول الجنين وما تنزل هذي السدادة الا وقت الولادة .. وهذي اللي تنزل على شكل خيوط او شعيرات دموية
معناها ان الدكتورة هذي فتحت الرحم وخلتج عرضة للاجهاض .. لا حول ولا قوة الا بالله العلي العظيم
الله يصبر قلبج ويعوضج بالذرية الصالحة
وهذي الدكتورة اللي كشفت عليج واخذت المسحة اكيد انها اخذتها من الرحم مش من المهبل ..يعني تحرشت في اخطر منطقة اللي يكون فيها الجنين لين الحين ما تثبت.. لان من يستوي الحمل المفروض ان عنق الرحم يكون سدادة تمنع نزول الجنين وما تنزل هذي السدادة الا وقت الولادة .. وهذي اللي تنزل على شكل خيوط او شعيرات دموية
معناها ان الدكتورة هذي فتحت الرحم وخلتج عرضة للاجهاض .. لا حول ولا قوة الا بالله العلي العظيم
الله يصبر قلبج ويعوضج بالذرية الصالحة
جزاكن الله خير خواتي على المرور وانا ماكنت اعرف ان هالفحص ممكن يأثر على الحمل ويكون سبب في سقوطه مع ان الدكتوره حاولت تقنعني ان الفحص ماله دخل في سقوط الجنين بس قلبي حاس انه السبب لانه في البدايه نزل لي مثل خيوط الدم وهذا دليل على انها فتحت عنق الرحم :(
الحمدلله على كل حال والله يعوض علي وعلى كل وحده سقطت :(
الحمدلله على كل حال والله يعوض علي وعلى كل وحده سقطت :(
الصفحة الأخيرة
الله يعوضك ان شاء الله قريبا ً باذن الله
خاصه ان ماعندك اي مشاكل صحيه الحمد لله
وحاليا ً الرحم متهيئ للحمل ان شاء الله خاصة بعد الإسقاط سبحان الله
لكن معروف ياقمر انه ماينفع الفحص من جو خاصة بشهور الاولى للحمل
حتى ان اغلب الطبيبات يمنعون الجماع في هالثلاث شهور الاولى
عموما ربي يخلي لك بنوتاتك يارب ويرزقك اخوان لهم ويقر عيونك وعيون والدهم باذن الله :26:
..
.