السلام عليكم ورحمه الله....كيفكم ان شاء الله بخير....
اول شي اشكر من كل قلبي بيت وسفر على انها سمحت لي اكتب بمعرفها...انا صدقيتها...ومتابعه لكم من زمان بس ماشاء الله اشارك معكم...
بقولكم سالفتي وبحاول اختصر قد ماقدر عشان ماطول عليكم ...انا يابنات متزوجه ولي ..ثلاث اطفال الله يحفظهم يارب ..وهم اغلى ماعندي...زواجي كان تقليدي عادي جدا...بعد زوجي جلست سنه ماحملت...وكانت احلى سنه مرت على ...كانت حلوه بكل شي ...مع اني بعيده عن اهلي واهو نفس الشي لظروف عمل..ودراستى ماكملت الجامعه درست سنتين وبعد الزواج..وعشان نقل الملف وكذا وحملت وتركتها..ولاكملت وهذا اسووء قرار بحياتي كان...
زوجي ..انسان لو اقولك للحين مع عشره 7 سنوات مافهمت ولاعرفت .افهم اسلوبه ولا ايش يرضيه...هوو الحمدالله ماعنده خرابيط مايشرب يصلي ...ولا له بالحريم والمغازل ابدا...
بالمصروف ماقدر اقول يقصر يعطيني ..بس يجلس يمن فترره طويله على الشي الي يسويه ويعطينى هو...
المشكله فين المشكله بلسانه ..وتحطيمه لي وسبه وشتمه ..واحيانا مدت يده..انا عااارفه الغلط مني انا لاني سكت من البدايه..تدرون ليش ..وش السبب بسبه لي..ومعامتله لي كذا...يقول هذا مزح وانتى ماتتحملي...يايناس تخيلوا اذا خرج ..يدخل عليك زوجك ...وانت بالحمام او بالمطبخ..تسمعينه يقول,,,لبنتك فين الكلبه حقتنا,,,وقسم بالله بدون سبب بس هو تعود يصحى من النوم .,يقولي يالكلبه قومي حطي ولا سوي شي..انا زعلت ..وطنشت ...وهاوشت,,,وسويت كل شي,,على شان يبطل,,يتكلم معي كذا,,ترى هالكلمه ابسسسط كلمه واخف كلمه اسمعها منه,,,,
والي يقهر انه يسوالف عادي ولاكانه غلط على بشي...احيانا
تصير مشاكل ...يمد يده بكل شي,,ضربني بيده ,,برجله,,,بعقاله...وكنت ازعل وابكي ,,واتنكد كثييير,,,
بتقولون وين اهلك...اقولكم,,,اهلي فيهم الي مكفيهم...ابوي مريض وامي تعبانه ..وحالتهم الماديه زفت...يعني مو ناقصين مشاكل..
حاولت اطنشه واتفرغ لنفسي اروح واجي,,,يشوفني البس,,يقول هذا وجه تطلعين فيه ,,انتى ماتستحين,,تقابلين الناس بوجهك ذا,,,
الله لايوفق مين ضحك علي وخلاني اتزوجك...والمشكله الي خطبتني له اخته ,,, وهذا ماكان كلامه بدايت الزواج ..
مع اني الحمدالله ماقولكم جميله وفيني وفيني ,,,بس شكلي مقبووول وبيضاااء الحمدالله,,,ولبسي وجسمي اهتم فيه حييل
صرت من كلامه لي واسلوبه الجاااااااف اكره واكره كل شي فيه...
ولا اطلبه شي ابدا,,حتى مصروف,,الي يعطيني,,,خلاص عافته نفسي ,,,صار وقتي بس مع عيالي,,,احاول اهتم فيهم..
ولاجاء اتحشى اني اناقشه ولااتكلم معه كنت زمان اسوالف واضحك ..معه ويحطمنى كثيييير مثلا وانا اسوالف ويقولي اساسا انتى وش فهمك خليك..بالطبخ وتغير الحفايض,,,
صرت اكره اتكلم معه لاجاء اشغل بنفسي باي شي..عشان ماسمع كلمه منه...
اتفه شي مد يده علي...كنت لابسه ومتمكيجه بيوديني لوحده...وكان هو يتوضاء قبل لانخرج وانا واقفه عند مغسله الرجال...البس طرحتى وهو..يتوضاء....
والله ...والله جلست يتكلم على وانا ماقلت شي...يقول انتى ليش تروحين الله من الفضيحه بتفضحيني..بشكلك ذا زي البقره وزي كذا كلام وانا....وربي وربي بكل هدؤؤء قلت....لما تخلص وضؤء
قول سبحانك اللهم استغفرك واتوب اليك...عشان ربي يفتح لك ابواب الجنه...مسك بيده الثنتين عباها موويه ورشها على وجهي...
انا عصبت وقلت ايش فيك انت مجنون عدمت لبسي...قام مسكني وشدني مع شعري ورماني بالارض وضررررب فيني الين يدي ورمت...
قال خمس دقايق وانت بالسياره لو ماجيتي...طلعت كسرت راسك..
قمت وانا ابكي عدلت نفسي ونزلت ورحت للحرمه,,وانا كاارها نفسي ومو طايقه نفسي
صح انه مايسوي شي..الا ياخذ شورى فيه وراي...لو يخص عمله,,,يتصل علي ويشاورني,,,ويسوي الي اقوله له ,,
ويطلع كلامي صح...باي شغله ياخذ راي فيها... فوق انه يسويه مايعجبه,,,
يقول انتى مين ياخذ رايك احمدي ربك معطيك وجه انسان غريب متناقض...ماعرفت ايش يبي...يسمع كلامي ...ويسبني..جنني
صرت ماطيييييقه اكررررررره موفر لي بالبيت من لبس واثاث وكل شي
بس السااانه وتحطيمه وسبه واهانته لي ....كرهتني فيييه....
كنت امووت فيه ...صرت ماحب شوفته...
يتكلم على حتى قدام اخواته ويتريق على ...واخواته محترمااااات..جدا...الحمدالله..يشوفون ساكته...تقولي تعالي داخل على اساس توريني شي وهي بس تبين ابعد عنه ولاارد عليه وتكبر...السالفه
صرت اكره اروح لاحد اكره اروح لاهله وانا ماشفت منهم شي
مره ضربني.واتصلت على اخته اشتكيها ...وعلمت ابوها...
وكلمني عمي ..وقال اوريك فيه وفيه...
راح عندهم زوجي...قلب السالفه كلها علي..ومتاكده انه كله كذب...
وهم ولدهم بيصدقونه اكيد...ولاسوى و لاقالوا له شي
وجاء عندي يضحك يقول لو تكلمتى من هنا لصبح...لاهلي..ماراح يصدقون غير انا...
ندمت على الساعه الي شكيت فيها..وعلى الحظه الي تكلمت فيها...
ابي احد يهتم فيني..ابي احس بحناااااانه قلت يابن الناس انا مابي فلوووس مابي طلعاااات ..مابي شي
بس ابي احتررررام يقول احمدي ربك جايب لك نت وجوال احسن شي...واثاث مو راضي يفهم مو راضي
حاولت اغير من نفسي صار لما يتكلم عادي ولاكاني اسمع شي...اسوالف واكمل هرجتى معه ..واطنش اي سب منه
اهمتم من ناحيه الفراش..ماخليت شي ماسويته يبنبسط كم يوم وتزين اخلاقه ويرجع اخس من قبل...
ياناس زوجي ماكان كذا ابدا...
كنت سعيدددده معاه وربي انه يغسل وينظف ويطبخ معي...
صار انسان جااااااف صرت استغفر الله,,,افكر اني اكلم اي احد يعوضني على الي فقدته معه
الحين انا افكر بالطلاق...بس وعيالي...لما اقوله ابي خلاص اروح لاهلي يقول روحي وانا متااااكده مليييييييييون بالميه انه هو بس كلام يقوله...
وماراح يسويها لو ايش,,,بس انا طفشت زهقت...وانا توني صغيره 25 سنه
وعايشه بالحرمان وهالاسلوب والاهانه هذي
انا بستخير بالطلاق...بس قلت باخذ رايكم يمكن فيه شي غافله عنه
ماسويته وغيره بسبب شور احد
انا الحمدالله اصلي وادعي ربي كثييير
بس سبحان الله مالاحظ تغير وهذا اكيد حكمه من ربي...
بناااات انا محتاكم لاتتركوووني لو بدعوووه
بيت وسفر @byt_osfr
محررة
يلزم عليك تسجيل الدخول أولًا لكتابة تعليق.
اسراي بقلبي
•
الله يفرج همك
الصفحة الأخيرة