السلام عليكم ورحمة الله وبركاته
شلونكم بنات ؟ وشلون الدوره وياكم ؟
حبيباتي بقول لكم برنامج حلو للدوره ومابي منكم الا الدعوه الحلوه
بنات انا تغيرت عندي الهرمونات قبل شهر والدوره ما تنزل الا بالقطاره
واعتمدت برنامجي هذا بالشهر اللي وراه والله نزل الدم المتجمد برحمي وارتحت حيل غير عن النشاط والنفسيه حلوه من بعد الله والحمد لله
على الريق اشرب حليب خالي الدسم مع لهوم طبعا اغلي الحليب واحط معاه قفشه صغيره لهوم
واللهوم انا اسويه بنفسي فنجال مطحون كل من كمون ومحلب وفلفل اسود ومسمار وفلفل ابيض وفنجال رشاد حب
اخلطهم مع بعض واحطهم بعلبه
الريوق يا يكون حسو او تمر مع رشاد وسمن وقهوه
طبعا الغدا مرقوق واوقات احب مع الريوق او الغدا او اي وقت عادي حليب دافي مع دارسين وزنجبيل او دارسين وزعفران مع الحليب
هذي اول ايام
اخر ايام نفس الشي الريوق بس العصر اشرب زعتر ومرميه وكمون
والغسول يكون ارطا وقشر رمان وبابونج يطبخون مع بعض عدل ربع ساعه بعدين احط معاهم ملح خشن ومره واتشطف فيه كل ما دشيت الحمام
اخر يومين احط ملح خشن بسطل ماي دافي واقعد فيه
وبس ان شاء الله يفيدكم
MiSs.BLacKberrY @missblackberry
عضوة جديدة
يلزم عليك تسجيل الدخول أولًا لكتابة تعليق.
كتلة مشاعر مهملة
•
الله يجزاك خير حبيبتي ...ماقصرتي ...والله يوفقك
الصفحة الأخيرة