اهتمام الناس بالقهوة كنها قضية الشرق الاوسط

مرحبا اصبحت القهوة عنصر مهم في حياة الناس اذا سويت قهوة بدو اهلي الي يقول الهيل قليل والي الهيل كثير والي ثقيله والي خفيفهةوووووووووووووووو حتى اشوف الظيوف سواء عندنا او عند غيرنا ما قد احد شرب اول رشفه الا لا زم يطلع ملاحظه مره كنت عند ناس وعندهم ظيوف وحده من اول رشفه كشرت وقالت ملاحظاتها وبدئو الكل يقول رايه يعني صار الحديث في الجلسه عن القهوة وحتى حنا لما جتنا ظيفة واصلا ما تكون علينا شربت اول فنجال وقالت الهيل قليل ورحت اجيب لها هيل وبدت تحلطم انه لازم الهيل يطبخ مع القهوة على الناس قسم بالله انه شي يقهر بنسبه لظيوف يا ليت يشربون وهم ساكتين او يسوون في بيوتهم ويشربون قبل ما يجون لناس والي يوم جت تروح لستقبال قالت الله يهين قهوتهم ما تعجبني قلت يا اختي ترى مش فرض ولا واجب انك لازم تشربين قهوة تعجبك الله يجعلها اصعب المشاكل لا وفي الدوام تخيلو كم صار لنا شهر مداومين وكل صباح مالنا سالفه الا ها القهوة. ماقد وحده جابت قهوة من بيتها او سوت قهوة في الدوام او سوت قهوة المسافر الا تبدا ها التعليقات زينه شينه خفيفه ثقيله الهيل كثير الهيل قليل مافيها خلطه ثقيله خفيفه وووووووووووووووووووووووووووو قسم بالله اني لاعت كبدي من ها السالفه يعني في كل مكان اروح له مافيه احد يشرب قهوة وهو ساكت