اهتمام يومي و سريع و روووعه

صباح الجمال يا جميلاااااات 

نبي نتكلم عن العنايه اليوميه انا وحده اكره الخلطات بشكل رهيب ماحب احط شي على جسمي و انطر بالساعه و الساعتين و لا احب الشي اللي يلزق على جسمي زيت عسل لاااا لاااااااا احس امووت 
بقولكم طريقتي للي ماعندها صبر و طولة بال و بنفس الوقت تبي تكون انثى جميله

اثناء الشاور : 
عندي اربع شغلات للجسم مستحيييييييل استغنى عنهم داخل الحمام و انتو بكرامه
1 الصابون المغربي 2 سنفرة كاب 3 صابونيه ( للامانه انا خذيتها جاهزه من تاجره عندنا بالكويت ) 4 ملح اليوكو و التمر الهندي ( خالطتهم بعلبه و مخليتها بالحمام ) 
اول شي اغسل شعري بشامبو و انا بما اني صابغه شعري فاستخدم منتجات لوريال للشعر المصبوغ لانها يحمي من التلف و طبعا لااااااااازم تخلين عندج بالحمام علبه بلاستك عشان تخففين الشامبو بماي قبل تحطينه على الشعر خلصتي من الشامبو لااااااااازم و اياج تطلعين من الحمام بدون لا تستخدمين حمام زيت او بلسم او سيرم للشعر انا احب منتجات لوريال لأنها تعطي نعومه و طراوه حلوه للشعر و طبعا تخلينه لي آخر مرحله فالشاور ترفعينه و تبدين تفركين جسمج لا تغسلينه فهمتووووو و لا اطلعلكم من الشاشه الحين >> عصبت ههههههه
طبعا الحين بدينا بالجسم >> اللي بتقول كم مره قلت طبعا لها مجموعة الشاور كامله هديه مني خخخخخخخ 
نكممممممل 

اول شي نوزع الصابونيه على الجسم كامل من الرقبه الى اخمص القدم و ناخءذ ليفه ناااااااعمه بلييييز ناعمه مو تجي وحده تسحك بجسمها علبالها بتفتح ترا يسود الجسم كثر التفريك و العنف خلج نعووومه شوي شوي 

و لما تخلصين كل الجسم تغسلينه >> نظام اقعد ربع ساعه و لا 5 دقايق بالصابونيه للامانه ما يدور عندي مجرد اخلص تفريك كل الجسم اغسله سيده

و نفس الخطوه نعيدها مع الصابون المغربي و نفس الخطوات ايضا نكررها مع سنفرة كاب و بالاخير نستخدم الملح و التمر الهندي و انا عن نفسي احب الليفه النااااااعمه اللي ابداااا ما تخدش الجسم حتى لو ضغطت بقوه  اللي تجي نفس الكوره الصغيره و ناعمه

نرد للشعر نروح نغسله و شوفو النعووومه و لما تخلصين غسيل شعرج تمسحين فيه مسحه وحده بكريم خفيف من نفس ماركة الشامبو 

هاذا شاوري الاساسي اليومي و لما تطلعين ترطبين جسمج بلوشن خفيف انا استخدم لوشن من نفس التاجره خفيف و بسرعه يمتصه الجسم ما يدبق و يلزق نفس الزيوت ال وع وع وع صراحه ابدا ماحب الشي اللي يمسك بالجسم و طبعا في شاور سريع للجسم قبل النوم والله تعودت جذي شاور الليل يكون شوي مختلف يعتمد اكثر على التعطير لأن اكيد الافضل تلبسين اي شي لزوجج و تكونين وااااو ريحتج مميزه و حلوه و يكون الشاور جل نفس اللوشن و العطر

للامانه احس البنت اللي مافي بحمامها هالاربع شغلات ( صابون مغربي - صابونيه - ملح اليوكو و تمر هندي - سنفرة كاب ) هاذي ابدااااا مو انثى >> لحد يذبحني ههههههههه

اتمنى لكم بياض و نعومه و توفيق و سعاده و ذريه و صلاح و ازواج صالحين و جنه عرضها السماوات و الارض ياااارب العالمين احبكم فالله خواتي