اهتمي بنفسك ...انزين كيف؟...

السلام عليكم ورحمة الله وبركاته

غالياتي... ما مليتن من كثر ما تلاحقن ؟.. ازواجكم...ما مليتي من كثر ما عايشه بالهم..؟؟؟ مليتي من مشاكل اهلك...ومليتي من مشاكلك مع صديقاتج؟...

اوكي... تبين الحل....

اهمتي بنفسك...

انزين كيف يا غنانتي نهتم بانفسنا....!!!!


انج تخصيصين وقت لنفسج فقط..وتحطين اكس على كل انسان في حياتك في هالوقت...؟؟ انزين ما يصير...
لا يصير ...كل شي يصير بس لازم بترتيب الوقت...

وانا ارسل رساله لكل ام متعبه من مشاكل اطفالها...مشاكل زوجها...ومشكلاتها الاجتماعيه...واي فرد...سواء كان رجل ام امراه...انه يهتم بنفسه...

وبعطيكم نبذه جميله عن حياتي....

لازم عندي وقت اهتم فيه بنفسي....
اول ساعه بعد ما استيقض من النوم...اصلي واخصص نص ساعه لنفسي ولاخرتي ولربي...اقول اذكار الصباح وبكل يقين وصوت صادق ...وبعدها احس بالسعاده اللي ما تنتهي... خلصت...

ربع ساعه زياده...عشان اذكر ربي..كالتالي...

100 مره استغقر الله الذي لا الاه الا هوه الحي القيوم واتوب اليه...
100 اصلي على سيدنا الحبيب محمد صلى الله عليه وسلم...صلو عليه
100 لااله الا الله وحده لا شريك له له الملك وله الحمد وهوه على كل شي قدير
100 لاحول ولا قوة الا بالله
100 لا اله الا انت اني كنت من الظالمين
100 سبحان الله والحمدالله ولا اله الا الله والله اكبر...

وبهالفتره حسيت انيه اكملت فرحت يومي ونوره...والحمدلله....

الحين يا وقت الاهتمام بجسمي وبدني....

اتسبح واسوي شور ...واتفرك بالليفه العاديه ..بعدين ارطب جسمي بفازلين مع زبدة الكاكاو مخلوط( عجيييييييبه في التفتيح يا بنات ودري كل الخلطات)

واطلع من الحمام واحطي واقي الشمس واحطي الفحم على النار...واحطي الدخون ثم ابدتي مكياجي الخفييييييييييف جدا...بسرعه...وقولوس....

الحين انا احس انه معنوياتي ارتفعت ...لاني اهتميت بشكلي واناقتي

ورشة عطر...

والشعر طبعا اسشور القصه والفه الشعر لين ما يجف مع الترتيب والشاباصات التوب...

خلصنا من نفسنا وجسمنا ...الحين يا وقت لتفكيري وشي يسعدني...

بالنسبه لهوايتي..انا اعشق الرسم وعندي هوايه عجيبه انيه اتخيل وارسم ويطلع فوووووق التوب مع انيه ما اعرف فنون الرسم ابدا...دارسه في الابتدائي...

واحاول انتج شي جميل...لنفسي بعدين اخذ راي ناس تحبني ..واخذ انتقاداتهم وكل شي يقولونه....


ولازم لبنتك او لولدك..وقت(وهاذا اجمل وقت يحسسج بقيمتك كام وفرد بالمجتمع وانسانه مسوله امام الله عن شخص منك وفيك) واللي ما تخصص وقت..حرااااااااااام بتسالون عنه يوم القيامه مب معناته كبروا يعني خلاص

انا عندي بنت عمرها 5 سنوات ..اعطيها ساعتين من وقتي العب معاها...وكل ما اشوفها ابوسها واحبها واحسسها انها اهم شي في حياتي



ولزوجي طبعا..لازم وقت...(هاذا الوقت يحسسسني باني انثى بصراحه... احاول كثر ما اقدر اعيش دور المراه اللي تحب زوجها...بالرغم يا بنات من صعوبات الحياه)لازم اخصص وقت الطبخ والغدا والاكل وله وقت خاص جدا جدا..عشان يحس بقمة زوجته في البيت ...ويوميا والوقت احيان يكون صباحي واحيان مسائي...

(وبالمناسبه وقت الزوج يحسسه دائما انه في زوجه عاشقه في المنزل)...



وقبل لا انام لي وقت اذكر اذكار المساء...واصلي لله...
واقرا اذا قدرت قران...


اتمنى انكم تستفيدون مني...

والي لها وقتها الخاص يا ليتها تخبرنا عنه...

وحبيت اقولكم شغله مهمه جدا جداااااااااااااااااااااا... الدكتور النفسي والله قال الوقت الخاص..هوه الشي الوحيد اللي يخليج تواجهين المشاكل مهما كانت كبيره او صعبه بابتسامه ..وانا حاسه بها الشي من تجربه ...

تحياتي لكم :)