انا بعطيك مثال عنى وزني وصل فوق ١٠٠ وبدال ماحس على دمي واسوى رجيم ارمي الملابس الضيقه واشترى او سع من غير الجلابيات والبلايز حقات الحوامل اللي تخفي طبقات الشحم وسبحانك ربي كان في وحده تسولف مع اختها وتقولها اختها كولي من هالحلا قالت لاوالله اخاف اطلع مثل فلانة تقصدني هي مادرت اني اسمعها 👊😩 وتنسد نفسي واخذ عهد على نفسي لا انحف ومن رجيم لرجيم ورياضة وشرب مويه وينزل وزني لين٧٠ واهتم بشرتي رحت اخصائية بشرة عطتني غسول وكريم مغذي واقي شمس ومقشر واسوى حمامات زيت وحنه مع صفار بيضه سنة كامله وانا اشتغل على نفسي واروح زواج الكل انبهر ماحد عرفني وكل من سلم علي يحلفنى انه مافيني مرض السكر لانه ينحف والبعض حلفني انه مو عملية تكميم وصرت انا حديث الناس وقتها صغرت وقدرت اسجد واصلي وامشي بدون مالهث والموقف المضحك الخياط اللي كان يخيط لي خيام عفوا اقصد جلابيات لما رحت اعدل بلوزة بنتي ماعرفني سال ولدي وين ماما من زمان مايخيط انا الوحيدة بالحارة اللي اخيط عشان جسمى الضخم قال له ولدي هذي ماما والله ياخواتي انفجع وطلع من المحل انت ماما انت ماما ايش مشكل انت مريض 💪💪 وقتها بس حسيت اني انثى وسلامتكمانا بعطيك مثال عنى وزني وصل فوق ١٠٠ وبدال ماحس على دمي واسوى رجيم ارمي الملابس الضيقه واشترى او...
هههههه حلووووة فعلا لاحظت أن السمن يكبر الواحده
العزيمه في الريجيم أهم شيء
العزيمه في الريجيم أهم شيء
تدرون بنات هي ثلاث أشياء بس ركزو عليها وراح تصير الوحده ملكة جمال
1. الرشااااااااااااااقه بس مو يعني الوحده تكون عظم وجلد زي المسطرة مافيها معالم الانوثه لا انا ضد النحافة الزايده وضد السمنه الزايده يعني أنحفي حتى يكون جسمك متناسق وبطنك ممسوووووووح
2. توحيد لون البشره وأقصد الصفاء والنضارة ولون واحد للجلد حتى لو سمرا بتطلع الوحده تجنن يعني الي عندها مشاكل بالبشره لا تركض ورا البياض زي أغلب البنات لا تركض ورا توحيد اللون وحل المشاكل زي الحبوب والكلف وغيره
3. الشعر يكون صحي وكثييييييييييف ومتغذي حتى لو قصير وكيرلي اذا كان صحي بتكون الوحده جميله
طبعا هذا الأساس للجمال بالاضافه لأمور النظافة من شيل لشعر ورائحه جميله ..
1. الرشااااااااااااااقه بس مو يعني الوحده تكون عظم وجلد زي المسطرة مافيها معالم الانوثه لا انا ضد النحافة الزايده وضد السمنه الزايده يعني أنحفي حتى يكون جسمك متناسق وبطنك ممسوووووووح
2. توحيد لون البشره وأقصد الصفاء والنضارة ولون واحد للجلد حتى لو سمرا بتطلع الوحده تجنن يعني الي عندها مشاكل بالبشره لا تركض ورا البياض زي أغلب البنات لا تركض ورا توحيد اللون وحل المشاكل زي الحبوب والكلف وغيره
3. الشعر يكون صحي وكثييييييييييف ومتغذي حتى لو قصير وكيرلي اذا كان صحي بتكون الوحده جميله
طبعا هذا الأساس للجمال بالاضافه لأمور النظافة من شيل لشعر ورائحه جميله ..
الصفحة الأخيرة
ايام الجامعه كنت مااهتم ابد شعري باهت ودايم حاطته كعكع . والحواجب بدون تحديد ولا احط غير كحل داخل عيني بدون مسكره او كريم اوحتى روج
كانت اسناني شوي متقدمه ونحيفه مره
ولبسي تنوره وقميص ياابيض يابيج والتنوره ام كسره من ورى اكرفها سنه كامله😂😂😂
ولما جت الاجازه جلست مع نفسي شوي وقعدت انصحني واقارن بيني وبين بنات الجامعه واقول ليش مااتزبط وتزود ثقتي في نفسي ليش مااتعلم واتابع الموضه والمكياج واغير شكلي
لان كنت استحي وماعندي ثقه ابد ولادخلت القاعه امشي جنب الخيطه ولاقدرت اتعرف على صديقات كنت وحيده ياعزتيلي😢
المهم اقتنعت اني اتغير وافاجئ اهلي قبل بنات الجامعه
بديت ابحث عن الكريمات والحاجات اللي تشيل اثار الزمن من وجهي وجسمي
رحت للعطار واخذت جليسوليد الاحمر وفيراندلفلي وكريم ريو وليفه مغربيه وبديل الزيت واسكينول الليمون ومقشر المشمش وحمام زيت فاشكول ومريت الصيدليه واخذت فيتامين فيروجلوبين وميسيجور فاتح شهيه وبدت رحلة التغيير😛
قبل انام ادهن وجهي بكريم ريو وجسمي جلوسوليد معه ليمون واغرق رجولي فازلين والبس الشرابات وانام..
واذا صحيت دخلت الحمام وفركت جسمي بصابونة الكركم واليفه المغربيه وكعب رجولي بالحجر وغسلت وجهي بصابونة البابايا ثم المقشر ثم حطيت كريم اند لفلي .. ودهنت رجولي بفازلين مره ثانيه ولبست شرابات وخليت جسمي يتنفس لين الليل واكرر نفس الطريقه
طبعا حبوب ميسيجور افتحت شهيتي للاخر وقمت اكل الاخضر واليابس هههههههههه
وشعري يالله لك الحمد وقف التساقط 100% عقب الفيتامين
وبعد 3شهور اللي هي الاجازه الصيفيه قربت الدراسه وفي ليلتها شلة جسمي حلاوه وشقرت حواجبي وشلة وجهي بالشمع وصبغت شعري بني غزالي 😍
والجسم رويان واطلعت المواهب خاصه ان رسمت جسمي حلوه😉
اي ونسيت اقولكم اني رحت للسوق ولحسن حظي طحت على بلايز تجنن وكيوت والوان تفتح النفس . وشريت تنوره ميدي ناويه اخربها😂
ورحت لمحل تقليد الماركه وقشيت كم شنطه وجزمتها .. ومريت محل اكسسوارات واخذت كم شغله ناعمه وبعدها رحت لمحل المكياج وشريت كريم اساس يناسب بشرتي وكحل ومحدد حواجب ومسكره وطقم ارواج بالوان جريئه ناويه اكسر حاجز الخجل مع نفسي هههههههههههههه
اي نرجع لذيك الليله
بعد مازبطت اموري نمت وصحيت الساعه 5
دخلت الحمام تكرمون وتروشت سريع وحطيت مزيل عرف وخمريه على شعري وبخيت معطر جسم . متحمسه ههههههههه
لبست تنورتي وبلوزتي لونها اصفر فاتح وبارد ضابطه على جسمي واستشورة شعري وحطيت مكياجي اما الروج كان فوشي 😂😂😂عاد على ايامي كان موضه
قسم بالله لومااعرفني كان خقيت على نفسي
طلع وجهي يفتح النفس وبشرتي منوره ويديني مفتحه وتلق ورجولي كنها رجول بيبي من العنايه والاهتمام
جا الباص وركبت ولما دخلت الجامعه كنت امشي وانا واثقه من نفسي واشوف العيون علي وغير عن كل مره كنت متأكده انهم منبهرين مني لان فعلا طالعه كيوت ونعومه . واللي مع فالقاعه مصدومين كيف تغيرت بالشكل هذا😢
ولاول مره في حياتي ادخل من نص القاعه وانا نظرتي فوق بعد ماكنت امشي مكسوره ومستحيه ومنحرجه من شكلي .
حتى البنات صاروا يحتكون فيني ويسألوني عن المحاضرات ويسولفون معي ويجلسون جنبي
وانا درست 3سنوات في الجامعه لحالي في اخر المقاعد..
وابشركم تعرفت على بنات وصار عندي شله كبيره
فعلا الاهتمام غير شخصيتي من وحده مكتئبه وكارهه نفسها لوحده واثقه واجتماعيه
اعتذر منكم طولت بس ابغاكم تستفيدون من تجربتي. واذا فيه اخطاء مشوها لي لان اكتب وولدي يصيح في حظني اقلق ابوي😂😂😂😂😂