اهداء الى من ملكتني بحنانها ....

الا ياشمعة ضوّت بدربي كل شي زين = الا يامهجة الخاطر الا ياعطر اوقاتي
الا يا سمحة الخاطر ترا قسوتك عندي لين = وقولك ياحبيبي لي تزيل الهم عن ذاتي
ابوصفها وش اوصفها ملاك كامله بالزين.=وزاد الله حلاها يوم صورها بنظراتي
جمال الغيد في كفة وهي زادت بعد ضعفين =خلق مع دين مع رقّه وصبرفوق طاقاتي
انا داري دواويني بتعجز عن سداد الدين=واحس اني مقصّر لو كتبت الشعر وابياتي
عرفتوا من لها ابياتي ومن هي سيدة الحلوين=هذيك أمي ياهيه امي لها بالقلب نبضاتي
انا قصّرت يايمه وابي منك سماح ولين = وغفران الزلل يمّه وانا عيبي بزلاتي
انا مابي سوا جنه تحت رجلينك الثنتين=وابي ترضين عن ولدك وابي تمحين غلطاتي
أنا لي قلب يايمه وبي خوف ولي كفّين = مادامي حيّ يايمّه ابادعي لك بخلواتي


وهالقصيده كتبتها اليوم 1-5-1426هـ
وانزلها لأول مره
وأهديها الى أمي الغاليه ....
ويعطيكم العافيه

ودمتم بودّ
محبكم أسير الهم ... أبو نواف