♥
يبه كل الكلام يموت لا من غابت حروفـك
يبه يامدرسة عمري وأغلى مانطـق فمـي
يبه وش لذة الدنيا بلا صوتك بـلا شوفـك
يبه ﻻ صرت بجوارك ترى ماهمني همـي
يبه وأنت السحاب اللي تهلـه مـدة كفوفـك
يبه ياللي بحاجتي طـوال الوقـت مهتمـي
يبه ياكثر ماتسبق شفوف عيالـك شفوفـك
يبه ﻻ أغتم واحدنا.. سهرت الليـل مغتمـي
يبه ياثاني أبواب الجنان بعطفـك وخوفـك
يبه يا أحق أنسان أبـري مـن بعـد أمـي
يبه يا كبر قدرك ﻻ وربي كبـر معروفـك
يبه وشلون وأنت أصلي وفصلي لحمي ودمي
كتبتِ بإحساس رائع بين كل حرف وحرف
ينبض القلب بالحب والبر لهذا الأب ،،
حفظ الله أباءنا وأمهاتنا ،، وسلمت على هذه القصيدة المعبرة ،، أسعدك الله في الدنيا والآخرة.