بسم الله الرحمن الرحيم
اخواتي تقبل الله صيامكم وقيامكم وختم الله لكم شهر رمضان برضوانه وفوز بأهلى جنانه وعتق من نيرانه
يااخوتي الي متأخر زواجكم... حبيباتي انا وحده مثلكم وبكتب لكم وضعي بختصار
انا لي اربع سنين متخرجه وكل سنه يشتد الالم والحزن واقول ان شاءالله ربي بيفرجها قريب والحمدلله اختي الاصغر مني ماتزوجت هذا من فضل ربي هي اصغر مني بخمس سنين انا اقول الحمدلله انها ماتزوجت موب حسد وغير لاوالله بس لان نظرات الناس بتصير اقوى وخلاص بااحس بالنقص اكبر واحس شيء مؤلم زواج الاخت الصغيره قبل الكبيره وبعدين اختي توها صغيره يعني مابعد تخرجت حتى... صح لو انها كبيره لا والله بتمنى لها تتزوج ولا تعيش ماساتي بس انا دايم اخاف انها تزوج قبلي لانها احلى شكل وجسم وبيضاء ماشاءالله يعني انا وين وهي وين وكل ماضاق صدري كان هذا سلوي
ولكن انصدمت هالسنه بخطوبتها بالهصيفيه بصرحه انهررررررت مت صيح حزنت حزن شديد شديد استغفرالله يعني شيء فضيع انا موب ميته على الرجال بس مااحب ابد احد يشوفني ضعيفه وناقصه وصراحه وضع صعب جداً
المهم وبعد حزن شديد وصياح كثير حتى تغير صوتي
ولكن سبحان الله ربي فتح علي الحمدلله والله يعفو عني الصياح والهبال الي سويته والله ندمانه بس انهرت
طبعاً فتح علي بشيء سلوى لكل متأخره لازم يابنات بجد نفكر فيه زين ولا ترى بنخسر خير الدنيا والاخره
طيب الزواج ضروره نعم ضروره يعني ربي يوم خلق كل بنت او ولد خلق فيه الحاجه للأكل الحاجه لصديق الحاجه للمال الحاجه لسمع الحاجه للبصر حاجات كثيره ومنه الحاجه للجنس للأخر الا الي فيه مرض هذا شيء ثاني
وطبعا الميل للجنس الآخر دائم تبدأ في مرحلة المراهقه يعني البنت او الولد لما يعاكس موب ناقصه حنان الماما والبابا ليه توه يحس ؟؟؟ لا الحين محتاج للجنس الآخر وطبعاً كلنا نعرف حرام فمنا الي يصبر ومنا الي يعطي نفسه هواها يعني كل بنت ماتعكس وانا وحده منهم ماخليته عشان امي وابوي غارقيني بالحنان (الله يخليهم لي ولا يحرمني منهم)مثلهم مثل باقي الأباء عقاب وثواب وعلاقه عاديه مافيه ذاك القبلات والتضميم انا تركت المعاكسات لانها حراااااام بس... صح التلفون كنت احسها صعبه واخاف بس بالنت كنت سهله مره بس عشان ربي ماعاكست الحمدلله وطبعاً بتوفيق من ربي
المهم ياحبيباتي سواْ المتزوجات عشان يفهمون خصوصا الي يتطنزون علينا وماعجبهم تشكينا او الآنسات النعومات يعني انتم متخيلين كيف من ذاك الوقت من ستن تقريبا 12 الى عاد الي 25 والي 30 والي اكثر او اقل وحنا صابرين فوق عشر سنين وهذا والله يهون عند نظرات الناس الجارحه وكلمهم واحساس بعضنا بالنقص وظروفهم العائليه الصعبه وانتقاص الاهل لهم ومللهم منهم :(
اه وامنياتنا بطفل نضمه نشمه يسوى الكون كله :icon33: معليش ربي خلق هذا في كل انثى افهموا
يعني كل هذا ناقصك ياحبيتي الي ماتزوجتي يعني بصرحه شيء مؤلم جداً جداً ايه مؤلم ومااحد يلومك
الزواج حاجه مثل باقي الحاجات مثل السمع مثل البصر مثل المال مثل الطعام ؟؟
طيب يالغاليات ربي ليه خذا من بعض الناس السمع أو البصر ؟ يعني هذولي يعصون ربي والي ربي منعم عليهم مايعصونه ...لا بس هذا
اقرئي هالحديث الي بتعرفين وش سالفة مشكلتك (التأخر في الزواج) وكيف لازم تتعاملين معها؟؟؟
قال: رسول الله صلى الله عليه وسلم: ( إن عظم الجزاء مع عظم
البلاء، وإن الله إذا أحب قوماً ابتلاهم، فمن رضي فله الرضا، ومن سخط فله
السخط). رواه الترمذي
وناخذه حبه حبه
إن عظم الجزاء مع عظم البلاء ....يعني كل ماتأخرتي اكثر وكبر بلائك كل ماعظم جزائك وعاد هالجزاء يمكن تأخذذينه في الدنيا او الأخره احسن وأحسن:42:
وإن الله إذا أحب قوماً ابتلاهم، .....لا تعليق ماتدرين يمكن هالإبتلاء وربي مختارك بين كل هالناس اخواتك بنات عمانك واخوالك لأنه يحبك اي شرف طبعا انا اقول ارجوا انا الله ابتلانا هالبلاء لانه يحبنا :26:
والحين اهم جزاء
فمن رضي فله الرضا .....رضيتي بالي ربي كاتب لك وقلتي الحمدلله هذا قضاء ربي الحمدلله ياربي انت تعلم وين الخير يارب ارزقني وافرجها بنفس راضيه فلك الرضـــــــــا يعني ترضين وربي يسعدك ويرضيك عاد يمكن في الدنيا أو الأخره اهم وأحسن
ومن سخط فله السخط........وهنا اكبر مشكله لما نجي نسخط ونقول ليه ياربي ليه كل البنات وانا لا ليه ياربي انا مسحوره مليت ياربي انا ادعيك دايم ليه ياربي ياربي نا ماقد عاكست وفلانه وفلانه يعاكسون ويطلعون بعد وزوجتهم وانا لا .... ونتسخط على قدر ربي يابنات حنا للاسف نضيع كل شغلنا بالتسخط يعني نعاني في الدنيا ونظرات الناس والهم والحزن وبعد في الأخره مايجينا أجر :blink:
شوفو ياحبيباتي ربي ابتلاك خلاص ربي اختارك من بين الناس يعني رضيتي أو سخطتي مافيه حل لكن الفرق ان رضيتي لك الرضا :)
وان سخطتي لك السخط :boom:
بكيفك حبيبتي المتأخره عن الزواج ونفسي قبلكم اختارين الي تبغين الرضا<أو> السخط:26:
*******************
ملاحظه موضوعي مايتعارض مع الي يكتبون بتوقيعهم أو ينزلون مواضيع يفضفضون فيها أو يطلبون الدعاء واتوقع الي يصبر احسن
بالعكس هو شيء مريح نفسين والدعوه للمسلم بظهر الغيب مستجابه
اخواتي انا اجتهدت فإن اصبت من الله وان اخطائة فمن نفسي والشيطان
واتمنى الي استفادة من الموضوع او غير نظرتها او ريحها تبشرني هنا تخليني احس بنتيجة الي كتبة وعذراً على ركاكة الأسلوب والأخطاء الأملائية واللغوية
وكان ودي اكتب اشياء كثيره بعد بس احس الموضوع طويل مايتحمل اكثر وكان بعد ودي ازيد الموضوع بالاسباب المعينه على الصبر وآيات واحاديث بس عاد انتم يحلوات الجين عرفتوا ان الي فيكم ابتلاء سوي بحث وشوفي كيف المفروض تتعاملين مع الابتلاء
و الحمدلله ابتلائنا سهل يعني شوفي ابتلاء ابراهيم عليه السلام ربي يقوله اذبح ابنك... ويتله للجبين ويمسك السكين عليه..ويجي فرج ربي
ورجاء ياحلوات نبي ردود حلوه مثلكم والي عندها نقد ونصيحه الله الله بالاسلوب ياذووووق
* وشسمه.... لاتنسوني من صادق دعواتكم لي بظهر الغيب بالثبات والزوج الصالح عاجلاً غير أجل*:laugh2:
يلزم عليك تسجيل الدخول أولًا لكتابة تعليق.
بنوتة المملكة
•
الله يفرج همك ويرزقك بالزوج الصالح اللي يسعدك قريب يارب ياحبيبي
ياحبيلك والله كل اللي قلتيه درر ماشاء الله الله يصبرنا بس لو اني منك انبسط لأختي احس الأخوات شي واحد صح انا كنت انقهر اذا وحده من قرايبي تزوجت قبلي بس والله ماأحسد ويشهد الله افرحلها بس يحز في نفسي بس والله لو خواتي اللي اصغر مني يتزوجون قبلي لأفرحلهم كثر ماأفرح لنفسي او كثر بعد..والله منجد كلامك دخل القلب وعسى ربي يرزقك الزوج اللي يحطك في عيونه وينسيك كل همومك..
استغفر الله الذي لا اله الا هو الحي القيوم واتوب اليه
الحمد لله رب العالمين
اسأل الكريم ان لا يرد لك دعوةً وان يهبني و كل اخواتي في الله زوجاً صالحاً وذريةً طيبه في خَلقها وأخلاقها آمين يارب
http://forum.hawaaworld.com/showthread.php?t=2539036
الحمد لله رب العالمين
اسأل الكريم ان لا يرد لك دعوةً وان يهبني و كل اخواتي في الله زوجاً صالحاً وذريةً طيبه في خَلقها وأخلاقها آمين يارب
http://forum.hawaaworld.com/showthread.php?t=2539036
الصفحة الأخيرة