اهداء لأهل القصيم ..

هذه القصيده وصلتني على البريد ..

واعجبتني كثيراً ..

فاحبيت اهديها لأهل القصيم خاصة ..

======================

أنا قصيمي

قالت قصيمي قلت فخر ومعزة ****** أهل الكرم والعلم والحلم والباس

قالت قصيمي قصدها بي تهزة ****** ماتدري اني بفتخر وارفــع الراس

الحمــــــــــدلله روسنا دوم رزة ****** اللي خلقنا بس نحني له الراس

صافي نسبنا والحسب فية عزة ****** أصل أصيل وفصل والعرق دساس

أهل الوفاء والدين صافي منزه ****** عن كل ماشاب العقيده من أدلاس

حنا العقيلات انشدي رجال غزه ****** حنا هل الدنيا وللدين حــــــــراس

حنا سنايد نجد في كل حــــزه ****** لا خانت حلوق الرجاجيل الأنفاس

حنا اجبال يعجز الريح هـزه ****** حنا لنجد حزام وعصابةالــــــراس

نارد حياض المرجـــــلات ونلــزه ****** مانمشي دروب الرذيله والأدناس

من يغلط لسانه علينــا نجزه ****** واللي يحقر قدر الرجاجيل ينداس

منا العدو تكفيه بالعين خــزه ****** يقضي عليه الخوف مع كل هوجاس

من ذكرنا في قلبه تثور نـــــــزه****** من طاري القصمان يبلاه وسواس

نومه كوابيس وروعه وفــزه ****** دقت نواقيس الخطر له والأجراس

وان هو لقي له من علينا يــوزه ****** هون له الصعبات وابليس خنــاس

مايدري انه للمهالـك يــــدزه ****** عجل علي مبناه يمحي من الساس

يابنت حنا من نخانا نعـزه ****** يأمن بنا الملهوف وتهابنـــا الناس

مرسولنا للخير دايـم نكـــزه ****** ولصرخة المحتاج نرخي الأكياس

تاريخنا مجـد لبسناه بــــــزه ****** نمشي بوسط السوق ماندحم الساس

لك ماتركنا بكاس الأمجاد مـزه ****** واجد عليك ومثلك حثالة الكاس

وش جاب حر الطير لفريـخ وزه ****** منهو يساوي جوهر الماس بنحاس

لاتحسبين انك لنا مــسـتفـــزه****** وش ياخذ الباعوض من ريش قرناس

هذة القصيدة للشاعر محمد التميمي