مرحبا بك عضوة كنت أو متصفحة
اليوم راح نجلس مع بعضنا وأقول لكم إلي عندي وانتو تقولوا لي إلي عندكم ....يمكن نختلف في وجهات النظر ...لكن الاختلاف في وجهات النظر لا يفسد للود قضيه
الحين أصبحت وبدا يومك من الصباح قمت بدري صليت وبديت تتعدلين للمدرسة ...ويختلف درجة التزيين من وحده للثانية ....فيه إلي تجملها بسيط وناعم وفيه إلي مايرضيها إلا المك أب والألوان الصارخة !!!! لا تعليق لكن انت رايحة للمدرسه
نجي للبس كل وحده الحين اختارت ملابسها ........لحظة وش تبغين بها البلوزه أختي طالعي فيها زين تراها شفافة مره ... والتنوره فيها فتحات وطالع الساق ......ممتاز فهت إلي أبغى أقوله المدرسة احرصي على اللبس المحتشم لأنك قدوه للبنات والدوام ماهو عرض ازياءو تتبع الموضة ....احنا موضد التجمل لكن اختاري اللبس المناسب للمكان الناسب .....العطر انتبهي يالغاليه لا ترشينه بالبيت لان أغلبكم يروح مع نقل ...أو على الأقل تنزل بالدوام وتمر من جنب سيارات أخرى أو الحارس ...... وانتو عارفين إن لي تمر جنب الرجال وهي متعطرة فهي زانية
أختي لا تنسي أوراد الصباح (المعوذتين )( أصبحنا وأصبح الملك لله ) (اللهم إني أسألك من خير هذا اليوم وخير ما بعده وأعوذ بك من شر هذا اليوم وشر ما بعده ) دعاء الخروج من المنزل الذي يكفيك من كل شر (بسم الله توكلت على الله ولا حول ولا قوة إلا بالله اللهم إني أعوذ بك أن أضل أو أضل أو أزل أو أزل )
اللهم إني أعوذ بك من العجز والكسل
ولك ما شئت من الأوراد
الآن دخلت المدرسة ...أخت أنت دخلت المجال بعد جهد جهيد وتعب وسهر وكان فيه هدف يدفعك ويشحنك :هو الوظيفة الراتب شغل وقت الفراغ ...يمكن أهداف أخرى المهم وصلت للهدف...... أكيد عجبك العمل ويمكن انصدمت بالواقع لأنها تختلف تصورات الناس للأمور
العمل فيه أشياء كثيرة حلوه لكن لايعني هذا خلوه من المشاكل والمعوقات...وما فيه مجال خالي من التعب والمشاكل
أبحاول أمسك الموضوعات معكم واحد واحد.......يمكن حديثي يطول لكن تحملوني
أنا ما ادري من فين ابدأ لكن خلينا نتوكل على الله ونبدأ بالمديرة اأول شخص راح تتعاملي معاه
إذا كنت مستجدة اكيد اول سؤال راح تطرحينه على زميلاتك........بشرو إن شاء الله مديرتنا كويسه ؟؟
راح تسمعين العجب العجاب ويمكن قليل تسمعي كلمة شكر او تزكيه ......يمكن تسمعي :الله يعينك والله رافعه خشمها فوق ومتكبره ومتسلطه وما تقبل التفاهم وظالمه وغيره من الألفاظ ......
.لحظه حاولي ما تسألين هذا السؤال*********************لأن رضا الناس غاية لاتدرك !!!فما بالك لما تكون الرئيسة
أنا مريت كذا مدرسه وكمان سمعت كثير يتكلمون عن مديراتهم ....ما لقيت إلي تشكر في مديرتها مهما كانت كويسه
&&&&&&اذن ابتعدي عن السؤال لأنك راح تكوني متحفزة من البداية ماراح تستفيدي ....أقولك حاولي أنت تحكمين بنفسك بدون مؤثرات خارجيه
أكره التملق للمد يرة والترزز عندها في الاداره بالاضافة إلى انه يجلب لك الحسد والعداوه من زميلاتك
كمان أنا ضد الخناق والمشاكل مع المديرة بدون سبب وتكبير الموضوعات
اذن خلي علاقتك بالمديرة رسميه جدا جدا أقل للمشاكل
ممكن تتعبين في العمل وتحسين ما احد سوى زيك ........معقوله !!! كثير إلي تكرمو وأنا ماني معاهم
يبدأ اللغط والشحن من الزميلات...أنت تستحقين ....صراحه ما لها حق ...ومن هذا الكلام
أقول لا يضيق صدرك ولا تهتمين ...والخناق معها عشان التكريم ما راح يعطيك تكريم السنه القادمه بالعكس راح يأزم الوضع ....قولي بينك وبين نفسك حسبي الله ونعم الوكيل (وتراهذي ما هي دعوة عليها هذي توكيل لله في جميع أمورك وهو ماراح يخذلك سبحانه .....هذا في حالة كان لك حق ) وتذكري إن الشغل إلي تعبت فيه طول السنة كان لوجه الله وعشان تحللي راتبك وتوفي إلي بينك وبين ربك مو عشان التكريم
حاولي ما تخوضي في الحديث عن هضم حقك عند الزميلا ت ...لأن فيه ناس تحب التسلق على حساب غيرها بنقل الأخبار
وزميلتك إلي تكرمت هنيها من قلبك لأنها مالها ذنب وتراها تشوف انها تستحق التكريم مثلها مثلك
للحديث بقيه .............................................................................................
موضوع رااائع جداً ويلمس واقعنا وأسلوبكِ ماشاء الله عليكِ يادنيا شيق وحلوو..
أكملي نحن في أنتظاركِ ..