الاخت ام ليان اهديك هالوصفة اللي سويت مقاديرها خاصة عشانك
خليت المقادير كل شي بالنص يعني تصلح لشخصين للعشا :27:
يالله نبدأ
//////////////
كوب ونص طحين
ملعقة ونص حليب بودرة
بيضة صغيرة
نص علبة روب
ملعقة سكر
ملح
خميرة
ربع كوب زيت
ماء حسب العجن
نخلط المقادير الجافة اولا ثم نضيف البيض والزيت والروب ونعجن وبعد ذلك نبدا باضافة الماء ونعجن
واذا حسيتي ان العجينة تلزق امسحيها بشوية زيت وبتطلع لك زي الفل
خليها تخمر لمدة ساعة وافرديها في صينية مدهونة
واليوم سويتها حتى اجرب الكمية اللي بكتبها قبل لا ارد عليك
وحتى يكون ردي موثوق منه
وبصراحة طلعت رووووووووووعة
طحين رقم 1
للفطاير والكيك والبيتزا
في الاخير لما جيت اكورالعجينة حسيت انها بتجنني
مسحت عليها شوية زيت وكورتها وصارت رهيبة :27:
فردت العجينة بالصينة وطبعا اصغر من الصينية اللي قبلها لان هنا الطحين بس كوب ونص
هالمرة خليت البيتزا بالاعشاب والطماط والمشروم والزيتون والزعتر لازم
انتي حطي عليها اللي يعجبك
بعد ما اطلعها من الفرن انثر عليها الجبنة وادخلها الفرن مرة ثانية
وخليها دقايق والجبنة بتسيح بحرارة الفرن
اطلعها
اقطعها
/////////////////
واللي تبي البيتزا الكمية اكبر
تدخل هنا
البيتزا اللذيذة المصورة
الف عافية وهنا :27:
