اهداائي لك

يعطيك العافية غزاااااله تتمشى
ومشكورة على القصيدة والبدر اقبلت تستاهل
ولكن يوم قريت القصيدة لقيت فيها كسور كثيرة .. هي من ناحية المعنى جميلة جدا ولكن الوزن يختل كثيرا واجتهدت بتعديل الوزن مع الحفاظ على المعنى .. حتى تستقيم القصيدة وتصبح اجمل للقراءة
وارجوا ان يكون تدخلي غير مزعج بالنسبة لك ولكن نحن نتعلم
ولك تحياتي
وهذا هو النص بشكله الجديد ..
.........................................
ياصاحبي بهديك عمري وشوقي
معزتك بالقلب من دون مقياس
ما تدري انك في مجاري عروقي
يااللي ابد ماخاب في حبك إحساس
اطلب تدلل ياورودي وذوقي
آمر ترى حبك على العين والراس
لاشافتك عيني يفز الخفوقي
وبينقلب حالي وانا اصير محتاس
واقول يانفسي تهني وروقي
هذا البخت وانت ترى سيد الناس
مهما تخطي تبقى على الكل فوقي
زيد في خطاك وألف لاباس لاباس
لاتغيب عني اختنق من حروقي
تراني في غيابك من الشوق حساس
لاغبت عني مايجيني شروقي
وبيبتدي فيني أنا عالم الياس

يعطيك العافية "غزالة "

معنى جميل

لكن الوزن مختل


الأخ ريح الأماكن ماقصرت

القصيدة حلوة وزادت حلا بلمساتك



وإن كنت أرى خلل في هذا البيت

(( لاتغيب عني اختنق من حروقي
تراني في غيابك من الشوق حساس))

أو ربما اني لم أتمكن من قراءته بشكل صحيح

موفقين

مشكوووور يـــــــــــــاريـــح الأمــــــــــاكن00
على التعديل وان بغيت الصراحه صارت عقب تعديلك احسن00
وعلى فكره هذي القصيده ثاني محاوله لي في كتابة القصيد كتبتها قبل ثلاث سنوات بس شفتها مناسبه حق البدر اقبلت واهديتها لها وهي تستاهل00
وانا ماخاب ظني يوم قلت انك شاعرواكبر دليل اللي انا شفته على قصيدتي بعد تعديلك00
وبعدين مافي ازعاج دام فيه تنبيه لي وانا ابتعلم من اخطائي واحاول اتفاداها في المحاولات الثانيه00

مشكوووره يارعشـــــــــة هــــــــدب00على مروورك وانا مبتدئه في عالم كتابة الشعر ولازم تكون عندي اخطاء والانسان اذا ماكان عنده اخطاء وشلون يتعلم ومشوار الألف ميل يبدابخطوه وهذي القصيده كانت ثاني خطواتي 000
عموما تسلمين غاليتي على رأيك الصائب00

رعـ شة هـ ـدب ღ
اشكرك ويبدو انك شاعرة ماشاء الله
البيت اللي ذكرتيه
(( لاتغيب عني اختنق من حروقي
تراني في غيابك من الشوق حساس))
موزون ولكن كما ذكرت انت ربما الاختلاف في القراءة
الف شكر لك