اهداااااء خاص الى ام الذرابه والى كل محبي الزرشك

السلام عليكم حريم






هذي الاكله اهداء الى ام الذرابه لاني اعرف انها تحب الزرشك والى كل بنات حواء

اليوم الغدا سويت زرشك مع رز و دجاج بالروووووب ..

بكتب لكم الطريقه على طول لان المقادير مفتوحه

اولا تغسلين الدجاج على كيفج بالملح والخل او بالليمون على راحتج .. وتنقعين الرز بعد ما تغسلينه في الماي

بعدين في جدر تقطعين بصل بس كميه محترمه اربع الى خمس حبات

وتحطين فوقهم الدجاج وتبهرينه بالملح والكركم وشوووووووويه بزار وعلبة روب مش اصغر حجم لا اللي اكبر منه بشويه ..

وتخلينه على نااااار لحد النضج وبعدين تشوفين اذا فيه مرق تعلين على النار لحد ما تنشف ..


والخطوه الثانيه

تغسلين الزرشك وتنقعينه في ماي

الخطوة الثالثه

طبعا انتي غسلتي الرز ونقعيه في الماي .. فتجيبين جدر وتحطين فيه الماي والملح وتخلينه يغلي وعقب اتسوين العيش او الرز مثل ما تحبين .. وبعدين تصفينه من الماي

الخطوه الرابعه

تحطين طبقه من الرز وطبقه من الدجاج وطبقه اخيره من الرز وشوية زيت حوالي ثلاث الى اربع ملاعق كبيره وتخلينه على نار هاديه لتنضج

الخطوه الخامسه
تصفين الزرشك من الماي

تحمرين بطاطا وبعد تحمير البطاطا تشيلين الزيت وتخلين بس شويه حوالي ملعقتين او ثلاث ملاعق وبعدين تحطين الزشك وتشوحينه وراح تلاحظين ان الزرشك بدآ بالنفخ .. لازم تتحركين الزرشك علشان ما تحترق ..

الخطوة السادسه ..

تحطين زعفران في ربع كوب ماي ..

شيلي غطا الجدر وراح تلاحظين ارتفاع البخار صبي الزعفران والبطاطا المحمره والمملحه والزرشك وتردين تسكرين الغطا وتخلينه بعد مره على نار هاديه لتستوي .

الخطوه الاخيره

قبل لا تغرفين خلطيهم مع بعض بالهنا والشفا

راح تلاحظون ان كمية الزرشك اشويه هذا علشان زوجي ما يحب الزرشك وايد .